Ontwikkeling van nedersettings traag
Die Khomasstreek het verskeie van sy doelwitte vir die ontwikkeling van sy informele nedersettings nie behaal nie.
Dit het aan die lig gekom tydens die goewerneur van Khomas, Laura McLeod-Katjirua, se streekrede.
Die teikens vir die oprig van gemeenskaplike waterkrane en toiletgeriewe is onder meer nie bereik nie.
Sy het gesê vertragings wat verband hou met kontrakte, die reënseisoen en die jaarlikse stilstand in die konstruksiebedryf het onder meer daartoe bygedra dat slegs 16 uit 76 gemeenskaplike toilette gebou is.
Slegs 21 gemeenskaplike waterkrane is opgerig, ondanks die teiken van 54 waterkrane.
“Die oorblywende 33 krane is nie opgerig nie weens vertragings met kontrakte, die verandering van erwe deur die gemeenskap en die oprigting van nuwe, onwettige strukture oor die aangewese roete van die waterlyne,” het McLeod-Katjirua gesê.
Slegs 300 meter van Sukkotstraat is opgegradeer na ’n teerpad benewens die feit dat 11 kilometer se teerpaaie onderneem is om gebou te word.
“Die oorblywende deel word oorgedra na die volgende jare wanneer die nedersettings gereed is vir die installering van dienste en infrastruktuur,” het sy gesê.
Daar is ook onderneem om 1 000 ooreenkomste met inwoners aan te gaan om die deurlopende elektrifiseringsprogram te bewerkstellig, maar slegs 281 ooreenkomste is onderteken.
Met die doel om 500 huise in die streek van krag te voorsien, het net 109 huise ’n jaar later hierdie geriewe.
Die hoofstad se meesterplan vir die voorsiening van krag het in die afgelope jaar 57%-voltooiing bereik.
Die verskaffing van hernubare krag aan verskeie woonbuurte in Windhoek het egter sy teiken oorskry toe 31,3 megawatt hernubare krag gelewer is, waar die teiken oorspronklik 29 megawatt was.
LANDELIKE GEBIEDE, HAWELOSES
In die landelike gebiede skets McLeod-Katjirua egter ’n ander prentjie met betrekking tot gemeenskaplike geriewe.
In Windhoek se landelike gebiede is 103 toilette ter waarde van N$1,2 miljoen opgerig. By Stinkwater en Hatsamas is onderskeidelik 82 en 21 toilette opgerig.
Altesaam 387 kospakkies ter waarde van N$167 000 is in nege kiesafdelings voorsien en ’n jaarlikse begroting van N$500 000 is uiteengesit vir die voorsiening van komberse en winterklere aan haweloses.
“Die Khomas-streekraad het met kommer die toename waargeneem in mense wat op straat, onder brûe en sonder skuiling woon.
“Vir die komende winter sal items vir ’n teiken van 1 100 begunstigdes verkry word en aan die kwesbares in alle kiesafdelings versprei word,” het die goewerneur gesê.
– [email protected]
Dit het aan die lig gekom tydens die goewerneur van Khomas, Laura McLeod-Katjirua, se streekrede.
Die teikens vir die oprig van gemeenskaplike waterkrane en toiletgeriewe is onder meer nie bereik nie.
Sy het gesê vertragings wat verband hou met kontrakte, die reënseisoen en die jaarlikse stilstand in die konstruksiebedryf het onder meer daartoe bygedra dat slegs 16 uit 76 gemeenskaplike toilette gebou is.
Slegs 21 gemeenskaplike waterkrane is opgerig, ondanks die teiken van 54 waterkrane.
“Die oorblywende 33 krane is nie opgerig nie weens vertragings met kontrakte, die verandering van erwe deur die gemeenskap en die oprigting van nuwe, onwettige strukture oor die aangewese roete van die waterlyne,” het McLeod-Katjirua gesê.
Slegs 300 meter van Sukkotstraat is opgegradeer na ’n teerpad benewens die feit dat 11 kilometer se teerpaaie onderneem is om gebou te word.
“Die oorblywende deel word oorgedra na die volgende jare wanneer die nedersettings gereed is vir die installering van dienste en infrastruktuur,” het sy gesê.
Daar is ook onderneem om 1 000 ooreenkomste met inwoners aan te gaan om die deurlopende elektrifiseringsprogram te bewerkstellig, maar slegs 281 ooreenkomste is onderteken.
Met die doel om 500 huise in die streek van krag te voorsien, het net 109 huise ’n jaar later hierdie geriewe.
Die hoofstad se meesterplan vir die voorsiening van krag het in die afgelope jaar 57%-voltooiing bereik.
Die verskaffing van hernubare krag aan verskeie woonbuurte in Windhoek het egter sy teiken oorskry toe 31,3 megawatt hernubare krag gelewer is, waar die teiken oorspronklik 29 megawatt was.
LANDELIKE GEBIEDE, HAWELOSES
In die landelike gebiede skets McLeod-Katjirua egter ’n ander prentjie met betrekking tot gemeenskaplike geriewe.
In Windhoek se landelike gebiede is 103 toilette ter waarde van N$1,2 miljoen opgerig. By Stinkwater en Hatsamas is onderskeidelik 82 en 21 toilette opgerig.
Altesaam 387 kospakkies ter waarde van N$167 000 is in nege kiesafdelings voorsien en ’n jaarlikse begroting van N$500 000 is uiteengesit vir die voorsiening van komberse en winterklere aan haweloses.
“Die Khomas-streekraad het met kommer die toename waargeneem in mense wat op straat, onder brûe en sonder skuiling woon.
“Vir die komende winter sal items vir ’n teiken van 1 100 begunstigdes verkry word en aan die kwesbares in alle kiesafdelings versprei word,” het die goewerneur gesê.
– [email protected]
Kommentaar
Republikein
Geen kommentaar is op hierdie artikel gelaat nie