Vyf skedels ontdek ná visioene

Jemima Beukes – ’n Pelgrimstog van leiers, insluitend ’n profeet van Okahandja, wat beweer hy het visioene ontvang van waar die oorskot van ’n spesifieke familie is, het ’n nuwe ontdekking gemaak van vyf skedels wat in ’n seisoenale droë waterpan in die Omahekestreek in die omgewing van die Gam-nedersetting begrawe is.Vermoedelik is dit die oorskot van Ovaherero-slagoffers van die 1904-1908-volksmoord wat deur koloniale Duitsland gepleeg is, en versprei is in die gebied wat in onlangse jare as die Otjozondema Heroes Acre verklaar is.Die hoofman van die Gam-gemeenskap, Hans Kandjii, het bevestig dat hulle vyf skedels gevind het.“Ons het die ritueel Donderdag saam met ’n profeet van Okahandja gedoen en die rituele het die terreine geïdentifiseer en dat dit die oorskot van ongeveer 40 vroue en kinders bevat. Ons kan niks opgrawe nie. Ons moet wag vir die gemeenskap en dan sal ons respek betoon en ’n behoorlike graf oprig,” het hy gesê.Mutjinde Katjiua, die opperhoof van die Ovaherero Tradisionele Owerheid (OTA), het gesê die gebied waar die skedels ontdek is, is geleë in ’n gebied wat die OTA in die verlede as ’n erfenisterrein verklaar het.“Die gebied waar die skedels ontdek is, is hoofsaaklik deur twee geestelike leiers opgespoor wat visioene ontvang het oor die liggings, familie-afkoms van sommige van die slagoffers, geslag en ouderdomme. Een van die geestelike leiers het hierdie visioene ontvang terwyl hy in Okahandja was en die ander woon in die omgewing van Gam. Hulle het toe die plaaslike OTA-leiers in Gam ontmoet en na die betrokke gebied gegaan. Hulle het tradisionele rituele uitgevoer en die gebied gaan soek. Hulle het nie die bene opgegrawe om die inhoud te bevestig nie, maar het die terreine bevestig. OTA sal mettertyd die families raadpleeg en oor die volgende stappe besluit,” het Katjiua gesê. – republikein@republikein.com.na

Vyf skedels ontdek ná visioene

Kommentaar

Republikein 2025-04-07

Meld asseblief aan om kommentaar te lewer

Vyf skedels ontdek ná visioene

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie