Dialisepasiënte ervaar uitdagings
Geen sentrum op Tsumeb
Die toename in nierverwante siektes het die regering genoodsaak om addisionele openbare dialisesentrums te bou, aangesien pasiënte sukkel om by bestaande geriewe uit te kom.
“Ons moet geld bymekaarskraap vir brandstof en in ’n groep van Tsumeb na die naaste dialisesentrum op Otjiwarongo, wat sowat 170 kilometer ver is, reis. Ons doen dit drie keer per week!”
So het die voormalige parlementslid Engel Nawatiseb aan Republikein se susterkoerant Namibian Sun gesê oor die omvang van die finansiële, fisieke en geestelike uitdagings wat pasiënte wat aan nierverwante siektes ly, moet trotseer weens ’n gebrek aan dialisegeriewe oraloor die land.
Nawatiseb is sedert 2021 ’n hemodialise-pasiënt nadat hy nierversaking ontwikkel het wat deur Covid-19 veroorsaak is. Hy het gesê die stryd wat dialisepasiënte voer, beklemtoon die behoefte aan addisionele geriewe.
Dit kom op ’n tydstip waar die ministerie van gesondheid en maatskaplike welsyn besig is om verskeie dialisesentrums landswyd te bou en op te knap – ’n stap wat die regering jaarliks N$100 miljoen kan bespaar – as deel van pogings om toenemende nierverwante siektes hok te slaan.
Dié nuwe dialisegeriewe sal handig te pas kom vir mense soos Nawatiseb, wat aan ’n niertoestand ly wat nou vereis dat hy elke week drie dialisesessies moet ondergaan.
Elke sessie duur vier uur en na wat verneem word vra dialisesentrums enigiets tussen N$2 000 en N$4 000 per sessie.
VERHOOGDE SAMEWERKING
Nawatiseb, wat in Tsumeb woon, het uitgebrei oor die uitdagings wat hy en ander lyers aan nierverwante siektes ervaar weens die afwesigheid van ’n dialisesentrum op die dorp.
Die voormalige wetgewer – wat ook dien as die voorsitter van die Hope Foundation Trust, ’n voorstander vir die welstand van dialisepasiënte in die Mieliedriehoek – het egter die regering geloof vir kruissubsidiëring van staatspasiënte.
“Die dialisedienste is deel van ons planne om dienste nader aan die mense te bring en die uitgawes wat die regering aan private sentrums per jaar bestee te verminder,” het die ministerie se uitvoerende direkteur, Ben Nangombe, gesê.
TOESTROMING VAN PASIënte
Die nefroloog (nierspesialis), dr. Glendah Kalunga, het gesê daar was ’n toename in pasiënte wat dialisesentrums besoek het.
Kalunga, wat die Kidney and Dialysis Specialist Center besit, het gesê dit is nie net as gevolg van ’n toename in nierverwante siektes nie, maar ook weens bewustheid wat deur dialisesentrums geskep word.
“Die koste van behandeling vir dialise is hoog – ons moet fokus op voorkoming, sifting en vroeë behandeling om die siekte te stuit en die kostelas te verminder.”
Kalunga het verder die belangrikheid beklemtoon om sentrums landswyd op te rig om toegang tot dialise vir meer pasiënte toeganklik te maak.
“Daar is geen punt om in een gebied te wees terwyl ander dele van die land nie bedien word nie,” het sy gesê.
– [email protected]
So het die voormalige parlementslid Engel Nawatiseb aan Republikein se susterkoerant Namibian Sun gesê oor die omvang van die finansiële, fisieke en geestelike uitdagings wat pasiënte wat aan nierverwante siektes ly, moet trotseer weens ’n gebrek aan dialisegeriewe oraloor die land.
Nawatiseb is sedert 2021 ’n hemodialise-pasiënt nadat hy nierversaking ontwikkel het wat deur Covid-19 veroorsaak is. Hy het gesê die stryd wat dialisepasiënte voer, beklemtoon die behoefte aan addisionele geriewe.
Dit kom op ’n tydstip waar die ministerie van gesondheid en maatskaplike welsyn besig is om verskeie dialisesentrums landswyd te bou en op te knap – ’n stap wat die regering jaarliks N$100 miljoen kan bespaar – as deel van pogings om toenemende nierverwante siektes hok te slaan.
Dié nuwe dialisegeriewe sal handig te pas kom vir mense soos Nawatiseb, wat aan ’n niertoestand ly wat nou vereis dat hy elke week drie dialisesessies moet ondergaan.
Elke sessie duur vier uur en na wat verneem word vra dialisesentrums enigiets tussen N$2 000 en N$4 000 per sessie.
VERHOOGDE SAMEWERKING
Nawatiseb, wat in Tsumeb woon, het uitgebrei oor die uitdagings wat hy en ander lyers aan nierverwante siektes ervaar weens die afwesigheid van ’n dialisesentrum op die dorp.
Die voormalige wetgewer – wat ook dien as die voorsitter van die Hope Foundation Trust, ’n voorstander vir die welstand van dialisepasiënte in die Mieliedriehoek – het egter die regering geloof vir kruissubsidiëring van staatspasiënte.
“Die dialisedienste is deel van ons planne om dienste nader aan die mense te bring en die uitgawes wat die regering aan private sentrums per jaar bestee te verminder,” het die ministerie se uitvoerende direkteur, Ben Nangombe, gesê.
TOESTROMING VAN PASIënte
Die nefroloog (nierspesialis), dr. Glendah Kalunga, het gesê daar was ’n toename in pasiënte wat dialisesentrums besoek het.
Kalunga, wat die Kidney and Dialysis Specialist Center besit, het gesê dit is nie net as gevolg van ’n toename in nierverwante siektes nie, maar ook weens bewustheid wat deur dialisesentrums geskep word.
“Die koste van behandeling vir dialise is hoog – ons moet fokus op voorkoming, sifting en vroeë behandeling om die siekte te stuit en die kostelas te verminder.”
Kalunga het verder die belangrikheid beklemtoon om sentrums landswyd op te rig om toegang tot dialise vir meer pasiënte toeganklik te maak.
“Daar is geen punt om in een gebied te wees terwyl ander dele van die land nie bedien word nie,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie