Digitale inentingsertifikaat is beskikbaar

Die Covid-19 digitale inentingsertifikaat vir Namibiërs wat ten volle ingeënt is, kan uiteindelik uitgereik word. Volgens die ministerie van gesondheid en maatskaplike dienste is die Trusted Vaccines-platform gereed en toegerus met 'n funksie waarmee gebruikers inligting en foto's van hul inentingskaart en paspoort vir goedkeuring kan indra. Reisigers moet egter seker maak om die nodige dokumente ten minste twee weke voor hul beplande reis op te laai, om die ministerie genoeg tyd te gee om die sertifikate goed te keur.