'Koue nagte' vir pasiënte by veldhospitaal
Sommige toilet- en ablusiegeriewe glo onbruikbaar
Daar is na bewering verskeie kwessies by die veldhospitaal naby Katutura-staatshospitaal aangemeld. Daar is glo ander geriewe reg langs die veldhospitaal wat tans leegstaan.
Die wintersnagte is veral koud vir die pasiënte van die Katutura-staatshospitaal wat tans tydelik in ’n veldhospitaal gehuisves word wat voorheen vir Covid 19-pasiënte bestem was. Die tentklappe waai glo snags oop, terwyl die vloer vuil is en vuil linne in 'n bondel op die vloer lê. Mediese afval word glo ook enkele meter van die veldhospitaal se ingang gehou.
Die uitvoerende direkteur van die ministerie van gesondheid en maatskaplike dienste, Ben Nangombe, sê egter daar is geen bewyse dat pasiënte in dié hospitaal sieker geword het weens die oop gedeelte by die veldhospitaal nie.
"Pasiënte in die veldhospitaal is stabiel. Ek is tans in Swakopmund en moet die superintendent betrek. Alles is konteksgebonde. Ek weet nie hoekom die deur oop is nie, of daar pogings is om dit reg te maak, en of dit stukkend is nie. Vir individue om te beweer dat die situasie vererger het as gevolg van die oop deur ... daar was dalk nie 'n oorsaaklike verband nie. Ons moes iewers mense huisves, want die hospitaal word opgeknap. As jy in my skoene was, wat sou jy doen?" het Nangombe by navraag gesê.
BESOEK
’n Joernalis van Republikein se susterkoerant, Namibian Sun, het onlangs die veldhospitaal besoek en opgemerk dat dele van die vloer opgelig het. Dit veroorsaak glo dat sand en ander kieme die area binnekom. Daarbenewens het pasiënte by die Katutura-staatshospitaal aangevoer dat sommige toiletgeriewe onbruikbaar is weens 'n watertekort.
Die staatshospitaal ondergaan tans uitgebreide opknappings- en herstelwerk op verskeie verdiepings, wat beteken pasiënte moet tydelik uit die betrokke sale verskuif word. Die gesondheidsminister, dr. Kalumbi Shangula, het tydens die NV verseker dat slegs stabiele pasiënte tydelik na die veldhospitaal oorgeplaas is wat tydens die Covid-19-pandemie naby die staatshospitaal opgerig is.
ANDER GERIEWE STAAN LEEG
Langs die tydelike veldhospitaal waarin staatspasiënte nou gehuisves word, is 'n moderne Covid 19-hospitaal wat leeg staan. Die hekke is gesluit en twee sekuriteitswagte is aan diens. Volgens die wagte is die hospitaal uitsluitlik gereserveer vir Covid19-pasiënte.
Nangombe verduidelik dat dié geriewe gebruik word om gevalle van aansteeklike siektes, wat daagliks voorkom, te isoleer.
"Die ander geriewe word gebruik vir ander kategorieë, insluitend ander aansteeklike siektes. Sommige kamers word opsy gesit vir isolasiedoeleindes, soos masels-uitbrekings en a-pokke. Die inligting wat ek drie of vier weke gelede ontvang het, het aangedui dat daar pasiënte was, maar hulle kan nou ontslaan word,” het hy bygevoeg.
– [email protected]
Die uitvoerende direkteur van die ministerie van gesondheid en maatskaplike dienste, Ben Nangombe, sê egter daar is geen bewyse dat pasiënte in dié hospitaal sieker geword het weens die oop gedeelte by die veldhospitaal nie.
"Pasiënte in die veldhospitaal is stabiel. Ek is tans in Swakopmund en moet die superintendent betrek. Alles is konteksgebonde. Ek weet nie hoekom die deur oop is nie, of daar pogings is om dit reg te maak, en of dit stukkend is nie. Vir individue om te beweer dat die situasie vererger het as gevolg van die oop deur ... daar was dalk nie 'n oorsaaklike verband nie. Ons moes iewers mense huisves, want die hospitaal word opgeknap. As jy in my skoene was, wat sou jy doen?" het Nangombe by navraag gesê.
BESOEK
’n Joernalis van Republikein se susterkoerant, Namibian Sun, het onlangs die veldhospitaal besoek en opgemerk dat dele van die vloer opgelig het. Dit veroorsaak glo dat sand en ander kieme die area binnekom. Daarbenewens het pasiënte by die Katutura-staatshospitaal aangevoer dat sommige toiletgeriewe onbruikbaar is weens 'n watertekort.
Die staatshospitaal ondergaan tans uitgebreide opknappings- en herstelwerk op verskeie verdiepings, wat beteken pasiënte moet tydelik uit die betrokke sale verskuif word. Die gesondheidsminister, dr. Kalumbi Shangula, het tydens die NV verseker dat slegs stabiele pasiënte tydelik na die veldhospitaal oorgeplaas is wat tydens die Covid-19-pandemie naby die staatshospitaal opgerig is.
ANDER GERIEWE STAAN LEEG
Langs die tydelike veldhospitaal waarin staatspasiënte nou gehuisves word, is 'n moderne Covid 19-hospitaal wat leeg staan. Die hekke is gesluit en twee sekuriteitswagte is aan diens. Volgens die wagte is die hospitaal uitsluitlik gereserveer vir Covid19-pasiënte.
Nangombe verduidelik dat dié geriewe gebruik word om gevalle van aansteeklike siektes, wat daagliks voorkom, te isoleer.
"Die ander geriewe word gebruik vir ander kategorieë, insluitend ander aansteeklike siektes. Sommige kamers word opsy gesit vir isolasiedoeleindes, soos masels-uitbrekings en a-pokke. Die inligting wat ek drie of vier weke gelede ontvang het, het aangedui dat daar pasiënte was, maar hulle kan nou ontslaan word,” het hy bygevoeg.
– [email protected]
Kommentaar
Republikein
Geen kommentaar is op hierdie artikel gelaat nie