Malaria-gevalle, sterftes meer as verdubbel
Noordelike streke die ergste geraak
Vanjaar se gevalle is 'n skrille kontras met die vorige jaar, waar slegs 287 mense in hospitale opgeneem is en ses mense gesterf het.
Malaria is steeds ’n bron van kommer in die noordelike streke van die land ten spyte van pogings om verspreiding te bekamp. Vanjaar het die land 'n verstommende 12 286 malariagevalle en 28 malariaverwante sterftes aangeteken, met die noordelike streke wat die ergste getref is. Die syfers is 'n skrille kontras met die vorige jaar, waar slegs 287 mense in hospitale opgeneem is en ses mense gesterf het.
“Die aantal gevalle van mense wat in hospitale opgeneem is en sterf, het meer as verdubbel in vergelyking met verlede jaar. Dit is 'n bron van kommer en ons moet meer doen om hierdie syfers te verminder,” het die minister van gesondheid en maatskaplike dienste, Kalumbi Shangula, by die herdenking van Wêreldgesondheidsdag in Rundu gesê.
Shangula het ook die Zambezi-, Ohangwena-, Kavango-Oos-, Kavango-Wes- en Oshikotostreke as die episentrums uitgelig. Elke streek het vanjaar meer as 1 000 gevalle aangemeld.
Die Kavango-Oosstreek is een van die streke wat die meeste geraak word en het alleen sowat 3 300 gevalle aangeteken. Volgens die streek se hoof mediese beampte, Frans Enkono Indongo, was daar sowat 2 402 gevalle in die Andara-distrik, 494 in Nyangana en 415 in Rundu.
Indongo het ook kommer uitgespreek oor sommige gemeenskappe wat weerstand bied en nie met voorkomingsinisiatiewe saamwerk nie, veral ten opsigte van die Binnenshuise bespuitingsprogram (IRS).
"Die IRS-program het onlangs meer as 84% dekking bereik, net 1% minder as die Wêreldgesondheidsorganisasie se teiken," het Indongo gesê. Volgens hom kan die tekort van 1% toegeskryf word aan huishoudings wat weier om aan die program deel te neem.
ANDER STREKE
Aan die begin van die jaar het die Faith Leader Advocacy for Malaria Elimination (FLAME), 'n koalisie van godsdiensleiers, kommer uitgespreek oor die voortgesette hoë koers van malariagevalle in die Zambezistreek. Dié streek sukkel veral om die siekte onder beheer te kry en het 6 855 gevalle en ses sterftes van verlede jaar tot vroeg in 2024 aangeteken.
Die gesondheidsdirekteur van die Oshikotostreek, Joshua Nghipangelwa, het ’n beroep op gemeenskapslede gedoen om vroeë behandeling te soek nadat sy streek 256 gevalle in net sewe weke aangemeld het.
"Die streek se krisisreaksie- en distrikspanne reageer op die uitbreking, doen ondersoeke en leer gemeenskappe oor die risiko's," het Nghipangelwa gesê.
Die Khorixas-gesondheidsdistrik in die Kunenestreek het aansienlike vordering gemaak om malariagevalle te verminder en is onlangs met die Simon Kunene-toekenning vir sy volgehoue sukses beloon. Die prys, wat vernoem is na die gewaardeerde epidemioloog van Eswatini, erken die distrik se pogings om lae malariagevalle vir drie agtereenvolgende jare te handhaaf. Die toekenning sluit in USS$10 000 (N$180 000) geborg deur die Suider-Afrikaanse Ontwikkelingsgemeenskap (SADC) se Sekretariaat vir Malaria-uitwissing.
Shangula tydens die oorhandiging van die toekenning die distrik se verbintenis tot malariabeheer geloof en die sukses toegeskryf aan die samewerking tussen gemeenskappe, gesondheidswerkers en plaaslike leierskap.
VORDERING
Die regering het ook die Namibia Malaria Youth Corps in Ohangwena van stapel gestuur. Die nuwe program het ten doel om jong Namibiërs uit geraakte gemeenskappe aan te moedig om betrokke te raak by pogings vir die voorkoming van malaria. Hulle sal saam met gesondheidswerkers in die gemeenskappe werk om inwoners vir malaria te toets, te behandel en meer te leer oor die siekte. Vanjaar het 143 gemeenskapsgesondheidswerkers in Ohangwena sowat 47 587 huishoudings bereik met die toets en behandeling van mense in afgeleë dorpies.
Tydens die bekendstelling het Ohangwenastreek se goewerneur Sebastian Ndeitunga gesê malaria gaan voort om die land se gesondheidsorgstelsel uit te daag. Ten spyte van pogings om malaria hok te slaan, is daar volgens hom baie uitdagings met vervoer en voorraad wat vordering belemmer. Mense wat nie vir behandeling gaan nie, is nog ’n aspek wat glo vordering ondermyn. – [email protected]
“Die aantal gevalle van mense wat in hospitale opgeneem is en sterf, het meer as verdubbel in vergelyking met verlede jaar. Dit is 'n bron van kommer en ons moet meer doen om hierdie syfers te verminder,” het die minister van gesondheid en maatskaplike dienste, Kalumbi Shangula, by die herdenking van Wêreldgesondheidsdag in Rundu gesê.
Shangula het ook die Zambezi-, Ohangwena-, Kavango-Oos-, Kavango-Wes- en Oshikotostreke as die episentrums uitgelig. Elke streek het vanjaar meer as 1 000 gevalle aangemeld.
Die Kavango-Oosstreek is een van die streke wat die meeste geraak word en het alleen sowat 3 300 gevalle aangeteken. Volgens die streek se hoof mediese beampte, Frans Enkono Indongo, was daar sowat 2 402 gevalle in die Andara-distrik, 494 in Nyangana en 415 in Rundu.
Indongo het ook kommer uitgespreek oor sommige gemeenskappe wat weerstand bied en nie met voorkomingsinisiatiewe saamwerk nie, veral ten opsigte van die Binnenshuise bespuitingsprogram (IRS).
"Die IRS-program het onlangs meer as 84% dekking bereik, net 1% minder as die Wêreldgesondheidsorganisasie se teiken," het Indongo gesê. Volgens hom kan die tekort van 1% toegeskryf word aan huishoudings wat weier om aan die program deel te neem.
ANDER STREKE
Aan die begin van die jaar het die Faith Leader Advocacy for Malaria Elimination (FLAME), 'n koalisie van godsdiensleiers, kommer uitgespreek oor die voortgesette hoë koers van malariagevalle in die Zambezistreek. Dié streek sukkel veral om die siekte onder beheer te kry en het 6 855 gevalle en ses sterftes van verlede jaar tot vroeg in 2024 aangeteken.
Die gesondheidsdirekteur van die Oshikotostreek, Joshua Nghipangelwa, het ’n beroep op gemeenskapslede gedoen om vroeë behandeling te soek nadat sy streek 256 gevalle in net sewe weke aangemeld het.
"Die streek se krisisreaksie- en distrikspanne reageer op die uitbreking, doen ondersoeke en leer gemeenskappe oor die risiko's," het Nghipangelwa gesê.
Die Khorixas-gesondheidsdistrik in die Kunenestreek het aansienlike vordering gemaak om malariagevalle te verminder en is onlangs met die Simon Kunene-toekenning vir sy volgehoue sukses beloon. Die prys, wat vernoem is na die gewaardeerde epidemioloog van Eswatini, erken die distrik se pogings om lae malariagevalle vir drie agtereenvolgende jare te handhaaf. Die toekenning sluit in USS$10 000 (N$180 000) geborg deur die Suider-Afrikaanse Ontwikkelingsgemeenskap (SADC) se Sekretariaat vir Malaria-uitwissing.
Shangula tydens die oorhandiging van die toekenning die distrik se verbintenis tot malariabeheer geloof en die sukses toegeskryf aan die samewerking tussen gemeenskappe, gesondheidswerkers en plaaslike leierskap.
VORDERING
Die regering het ook die Namibia Malaria Youth Corps in Ohangwena van stapel gestuur. Die nuwe program het ten doel om jong Namibiërs uit geraakte gemeenskappe aan te moedig om betrokke te raak by pogings vir die voorkoming van malaria. Hulle sal saam met gesondheidswerkers in die gemeenskappe werk om inwoners vir malaria te toets, te behandel en meer te leer oor die siekte. Vanjaar het 143 gemeenskapsgesondheidswerkers in Ohangwena sowat 47 587 huishoudings bereik met die toets en behandeling van mense in afgeleë dorpies.
Tydens die bekendstelling het Ohangwenastreek se goewerneur Sebastian Ndeitunga gesê malaria gaan voort om die land se gesondheidsorgstelsel uit te daag. Ten spyte van pogings om malaria hok te slaan, is daar volgens hom baie uitdagings met vervoer en voorraad wat vordering belemmer. Mense wat nie vir behandeling gaan nie, is nog ’n aspek wat glo vordering ondermyn. – [email protected]
Kommentaar
Republikein
Geen kommentaar is op hierdie artikel gelaat nie