Masels breek uit in Omaruru-distrik
’n Totaal van 39 vermoedelike gevalle van masels is sedert Januarie vanjaar onder primêre skool-leerlinge tussen die ouderdomme van sewe tot 12 jaar aangemeld.
Volgens die ministerie van gesondheid en maatskaplike dienste is geen hospitalisasies of sterftes aangemeld nie en is alle bevestigde gevalle in ’n stabiele toestand.
Volgens die ministerie se uitvoerende direkteur, Ben Nangombe, is ’n verslag van ’n uitbreking van masels in Mei in die Omaruru-distrik in Erongo ontvang.
Volgens 'n ondersoek is 39 gevalle aangeteken, waarvan 33 by die Okongue-kliniek, sowat 120 km van Omaruru was. Ses gevalle is deur ’n laboratorium bevestig. Bloedmonsters is van die vermoedelike gevalle geneem, wat tot die bevestiging van ’n bykomende vyf positiewe gevalle gelei het.
Nangombe het die versekering gegee dat voortgesette pogings onderweg is om die uitbreking te stuit. Dit sluit in gesondheidsonderrig aan leerlinge, onderwysers en die gemeenskap, bykomende immuniserings en die opspoor van kontakte van bevestigde gevalle.
Masels is ’n hoogs aansteeklike en ernstige siekte wat maklik van persoon tot persoon deur middel van druppeltjies versprei en oorgedra word wanneer 'n besmette persoon hoes of nies.
Die ministerie beklemtoon dat lede van die publiek hulself kan beskerm deur goeie higiëne te handhaaf, oorvol plekke te vermy en te verseker dat kinders onder vyf jaar hul immunisering teen masels ontvang het.
– [email protected]
Volgens die ministerie van gesondheid en maatskaplike dienste is geen hospitalisasies of sterftes aangemeld nie en is alle bevestigde gevalle in ’n stabiele toestand.
Volgens die ministerie se uitvoerende direkteur, Ben Nangombe, is ’n verslag van ’n uitbreking van masels in Mei in die Omaruru-distrik in Erongo ontvang.
Volgens 'n ondersoek is 39 gevalle aangeteken, waarvan 33 by die Okongue-kliniek, sowat 120 km van Omaruru was. Ses gevalle is deur ’n laboratorium bevestig. Bloedmonsters is van die vermoedelike gevalle geneem, wat tot die bevestiging van ’n bykomende vyf positiewe gevalle gelei het.
Nangombe het die versekering gegee dat voortgesette pogings onderweg is om die uitbreking te stuit. Dit sluit in gesondheidsonderrig aan leerlinge, onderwysers en die gemeenskap, bykomende immuniserings en die opspoor van kontakte van bevestigde gevalle.
Masels is ’n hoogs aansteeklike en ernstige siekte wat maklik van persoon tot persoon deur middel van druppeltjies versprei en oorgedra word wanneer 'n besmette persoon hoes of nies.
Die ministerie beklemtoon dat lede van die publiek hulself kan beskerm deur goeie higiëne te handhaaf, oorvol plekke te vermy en te verseker dat kinders onder vyf jaar hul immunisering teen masels ontvang het.
– [email protected]
Kommentaar
Republikein
Geen kommentaar is op hierdie artikel gelaat nie