Ministerie wil dialisesentrums landwyd vestig
Die ministerie van gesondheid en maatskaplike dienste het opnuut ’n poging van stapel gestuur om dialisedienste in van sy hospitale vir staatspasiënte te verseker. Volgens die minister, dr. Kalumbi Shangula, beplan die regering in lyn met die teikens van die Harambee Welvaartsplan om dialise-eenhede by die Windhoek Sentrale Hospitaal, sowel as die hospitale op Oshakati, Keetmanshoop, Swakopmund, Rundu en Katima Mulilo in te rig.
Ses dialisestoele is ingesluit vir installering met die uitbreiding van die TB-eenheid in die Katutura-hospitaal. Die projek sal na verwagting in die huidige finansiële jaar voltooi word. Die verkrygingsproses het ook begin vir die vestiging van ’n volle dialise-eenheid met 12 dialisestoele by die Oshakati-staatshospitaal, terwyl die ontwikkeling van ’n eenheid by die hospitaal op Rundu saamval met die opgradering van die intensiewesorgeenheid.
Ses dialisestoele is ingesluit vir installering met die uitbreiding van die TB-eenheid in die Katutura-hospitaal. Die projek sal na verwagting in die huidige finansiële jaar voltooi word. Die verkrygingsproses het ook begin vir die vestiging van ’n volle dialise-eenheid met 12 dialisestoele by die Oshakati-staatshospitaal, terwyl die ontwikkeling van ’n eenheid by die hospitaal op Rundu saamval met die opgradering van die intensiewesorgeenheid.
Kommentaar
Republikein
Geen kommentaar is op hierdie artikel gelaat nie