'n Leweroorplanting sy enigste kans op oorlewing

Jeanette Diergaardt - Die tien maande oue Jayden Groenewaldt is op 21 April met biliêre atresie gediagnoseerDit is ’n seldsame siekte waar die galbuis wat die gal van die lewer na die dunderm dreineer, vernou of heeltemal geblokkeer is en kan lei tot lewerskade en sirrose, wat dodelik is as dit nie behandel word nie. ’n Leweroorplanting om die toestand reg te stel, kan net in Suid-Afrika gedoen word en die totale onkoste – insluitend opvolgbehandeling en chroniese medikasie – sal byna N$2 miljoen beloop. Jayden se ouers, Jan en Daleen Groenewaldt, sê sonder dringende mediese ingryping is hul baba se lewensverwagting net sowat twee jaar. Maar weens Jayden se gesondheid wat so vinnig agteruitgaan, vrees hulle dat hy dit nie tot sy eerste verjaardag sal maak nie.“Ek en my vrou was sprakeloos, geskok en hartseer toe ons dit uitvind. Maar ons moes onsself regruk ter wille van ons baba,” het Jan gesê.‘ELKE SENT TEL’Die Groenewaldts het hulle tot die publiek gewend om fondse in te samel en het tot dusver sowat N$2 400 ingesamel.“Elke sent tel, en ons is uiters dankbaar daarvoor,” het Jan gesê. “Ons smeek die Namibiese publiek, private besighede, die gemeenskap en liefdadigheidsorganisasies om ons baba te help red,” het die desperate pa gepleit.Die gesin se mediese fonds sal slegs N$116 000 van Jayden se mediese uitgawes dek. Hulle het aansoek om ex gratia-finansiering gedoen op grond van die onverwagte onkoste wat hulle nou in die gesig staar.Jayden is sedert begin April in die Lady Pohamba private hospitaal. Die Wits Donald Gordon Mediese Sentrum in Johannesburg is die enigste mediese fasiliteit wat die nodige leweroorplanting kan doen. Lede van die publiek kan donasies maak via gogetfunding.com/lets-give-jayden-a-chance. Alternatiewelik kan hulle Jan by 081 482 0446 kontak. – republikein@republikein.com.na

'n Leweroorplanting sy enigste kans op oorlewing

Kommentaar

Republikein 2025-04-18

Meld asseblief aan om kommentaar te lewer

'n Leweroorplanting sy enigste kans op oorlewing

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie