Nuwe mediese sentrum vir Karibib
Voorsien in kritiese gesondheidsbehoeftes
Die sooispitseremonie word vir Julie beplan by die geoormerkte perseel op die dorp.
Die Navachab-goudmyn het gaan 'n moderne mediese sentrum op Karibib oprig om in die kritieke gesondheidsbehoeftes van die gemeenskap te voorsien. Laasgenoemde is ná omvattende konsultasie met die gemeenskap en ook insette deur rolspelers soos die dorpsraad asook die ministerie van gesondheid en maatskaplike dienste identifiseer. Die finale begroting vir die sentrum moet nog afhangend van die argitektoniese ontwerpe gefinaliseer word, maar sal na verwagting miljoene Namibiese dollar kos. Konstruksie van die sentrum sal in fases gebeur. Volgens die myn se woordvoerder McLyn Kasale is die projek nog in die voorbereidingsfase, met geotegniese evaluerings wat voltooi is. Landmeting en die argiteksplanne behoort teen die einde van Mei voltooi te wees. Die sooispitseremonie word vir Julie beplan by die geoormerkte perseel op die dorp.
"Die idee is nie om die dienste te dupliseer wat by die bestaande kliniek of die hospitaal op Usakos aangebied word nie. Die idee is om geriewe te bou wat in die spesiale behoeftes van gemeenskappe landswyd te voldoen," het Kasale gesê.
Die sentrum sal dienste lewer soos traumasorg, rehabilitasie, skanderings, ortopedie, bevallings en ook psigiatriese dienste. Dié persoonlike benadering het ten doel om bestaande infrastruktuur vir gesondheidsorg te komplementeer en sodoende omvattende dekking vir spesifieke gesondheidskwessies te verseker.
Volgens Kasale het die myn omvattende konsultasies met regerings- en nie-regeringsentiteite gevoer en verteenwoordig die sentrum 'n hoeksteen van Navachab se strategie vir korporatiewe maatskaplike belegging (CSI). Laasgenoemde prioritiseer ses sleutelpilare naamlik infrastruktuur, onderwys, gesondheid, entrepreneurskap en werkskepping, veiligheid en sekuriteit en ad-hoc-ondersteuning.
Bykomend tot die myn se CSI-strategie het dit in die afgelope twee jaar meer as N$15 miljoen aan opheffingsprojekte in die gemeenskap bestee soos die voorsiening van water by Spitzkoppe en New Schwaben, die skenk van 'n polisievoertuig, die onderhoud van polisievoertuie op Karibib en Usakos, die opgradering van die koshuis by die Karibib Private Skool asook die skenk van 'n ondersteunende kragopwekker by die Karibib Mediese Sentrum.
Hy het ook verwys na die Golden Egg-projek waar plaaslike entrepreneurs tot die waarde van meer as N$2 miljoen ondersteun word, die elektrifisering van die Uis-informele nedersetting se elektrifiseringsprojek, 'n lykshuis op Otjimbingwe asook die oprigting van verkeersligte om verkeersvloei in die dorp te verbeter. - [email protected]
"Die idee is nie om die dienste te dupliseer wat by die bestaande kliniek of die hospitaal op Usakos aangebied word nie. Die idee is om geriewe te bou wat in die spesiale behoeftes van gemeenskappe landswyd te voldoen," het Kasale gesê.
Die sentrum sal dienste lewer soos traumasorg, rehabilitasie, skanderings, ortopedie, bevallings en ook psigiatriese dienste. Dié persoonlike benadering het ten doel om bestaande infrastruktuur vir gesondheidsorg te komplementeer en sodoende omvattende dekking vir spesifieke gesondheidskwessies te verseker.
Volgens Kasale het die myn omvattende konsultasies met regerings- en nie-regeringsentiteite gevoer en verteenwoordig die sentrum 'n hoeksteen van Navachab se strategie vir korporatiewe maatskaplike belegging (CSI). Laasgenoemde prioritiseer ses sleutelpilare naamlik infrastruktuur, onderwys, gesondheid, entrepreneurskap en werkskepping, veiligheid en sekuriteit en ad-hoc-ondersteuning.
Bykomend tot die myn se CSI-strategie het dit in die afgelope twee jaar meer as N$15 miljoen aan opheffingsprojekte in die gemeenskap bestee soos die voorsiening van water by Spitzkoppe en New Schwaben, die skenk van 'n polisievoertuig, die onderhoud van polisievoertuie op Karibib en Usakos, die opgradering van die koshuis by die Karibib Private Skool asook die skenk van 'n ondersteunende kragopwekker by die Karibib Mediese Sentrum.
Hy het ook verwys na die Golden Egg-projek waar plaaslike entrepreneurs tot die waarde van meer as N$2 miljoen ondersteun word, die elektrifisering van die Uis-informele nedersetting se elektrifiseringsprojek, 'n lykshuis op Otjimbingwe asook die oprigting van verkeersligte om verkeersvloei in die dorp te verbeter. - [email protected]
Kommentaar
Republikein
Geen kommentaar is op hierdie artikel gelaat nie