Nuwe sentrum bring nuwe hoop
Drastiese toename in kankerpasiënte
Die Namibië Onkologiesentrum (NOC) se nuwe sentrum huisves een van die mees veelsydige en tegnologies-gevorderde radioterapiebehandelingsmodules in die wêreld.
Met geriewe soos dié, is daar hoop vir die wat met kanker gediagnoseer word.
Dít was die boodskap van Namibië se visepresident, dr. Nangolo Mbumba, tydens die amptelike opening van die Namibië Onkologiesentrum (NOC) in Khomasdal wat hy as ’n mylpaal beskryf het in die voortgesette pogings om hoop aan kankerlyers te bring wat behandeling en radioterapie vereis.
Mbumba het beklemtoon die land se gesondheidsektor is kritiek vir die algehele nasionale ontwikkeling soos vervat in die Harambee-welvaartsplan en Visie 2030. Volgens hom was Namibië vir verskeie jare afhanklik van buurlande vir toegang tot sekere gespesialiseerde dienste vir kankerlyers.
“Namibië was agter in die voorsiening van betroubare behandeling vir kankerpasiënte, maar met die opening van NOC se eerste tak in 2015 in Windhoek, het sommige van die behandelingsopsies beskikbaar geword,” het hy gesê.
Dit was egter nie genoeg om die toenemende aantal pasiënte te bedien nie en dienste is verder na Swakopmund uitgebrei.
NOC se sentrum in Khomasdal poog om ’n betroubare en volhoubare oplossing aan Namibiese pasiënte te bied wat radioterapie moet ondergaan. NOC en die ministerie van gesondheid en maatskaplike dienste het volgens Mbumba ook ’n ooreenkoms om staatspasiënte by die sentrum te behandel.
Die visepresident sê ’n kankerdiagnose kan traumaties wees, maar hoe vroeër die kanker gediagnoseer en behandel word, hoe beter is die persoon se kanse op oorlewing.
“Met geriewe soos dié, is daar hoop vir die wat met kanker gediagnoseer word. Maak nie saak wat die situasie is of hoe vreesaanjaend dit kan wees nie, daar is altyd hoop.”
Me. Anthea van Wyk, NOC se algemene bestuurder, het op haar beurt gesê tegnologie vir kankersorg het die afgelope twee dekades geweldig gevorder en die manier verander hoe kanker benader word.
“Saam met dié vooruitgang was daar ook ’n drastiese toename in die aanvraag vir kankersorg soos die aantal mense wat met kanker gediagnoseer word, voortgaan om teen ’n kommerwekkende tempo te styg,” het sy gesê.
Volgens haar groei die behoefte vir gespesialiseerde sorg ten spyte van die beste pogings van toegewyde gesondheidslui in beide die openbare en private sektore en nieregeringsorganisasies soos die Kankervereniging van Namibië (CAN) wat onder meer vroeë opsporingsprogramme aanbied.
“Die NOC se doel is om die jongste tegnologie tesame met die kundigheid van hoogs gespesialiseerde personeel te verskaf om Namibiërs met kanker die beste sorg te bied wat vandag beskikbaar is.”
Van Wyk sê die nuwe geriewe in Khomasdal huisves een van die mees veelsydige en tegnologies-gevorderde radioterapiebehandelingsmodules in die wêreld.
“Danksy die samewerking van ons toegewyde span van kliniese en bestralingsonkoloë, mediese ficisi, bestralingsterapeute, dosimetriste en administratiewe en ondersteuningspersoneel, bied die sentrum modern radioterapiebehandeling aan pasiënte op alle vlakke van die samelewing met ’n verskeidenheid van beide kwaadaardige en sommige niekwaadaardige siektes.” – [email protected]
Dít was die boodskap van Namibië se visepresident, dr. Nangolo Mbumba, tydens die amptelike opening van die Namibië Onkologiesentrum (NOC) in Khomasdal wat hy as ’n mylpaal beskryf het in die voortgesette pogings om hoop aan kankerlyers te bring wat behandeling en radioterapie vereis.
Mbumba het beklemtoon die land se gesondheidsektor is kritiek vir die algehele nasionale ontwikkeling soos vervat in die Harambee-welvaartsplan en Visie 2030. Volgens hom was Namibië vir verskeie jare afhanklik van buurlande vir toegang tot sekere gespesialiseerde dienste vir kankerlyers.
“Namibië was agter in die voorsiening van betroubare behandeling vir kankerpasiënte, maar met die opening van NOC se eerste tak in 2015 in Windhoek, het sommige van die behandelingsopsies beskikbaar geword,” het hy gesê.
Dit was egter nie genoeg om die toenemende aantal pasiënte te bedien nie en dienste is verder na Swakopmund uitgebrei.
NOC se sentrum in Khomasdal poog om ’n betroubare en volhoubare oplossing aan Namibiese pasiënte te bied wat radioterapie moet ondergaan. NOC en die ministerie van gesondheid en maatskaplike dienste het volgens Mbumba ook ’n ooreenkoms om staatspasiënte by die sentrum te behandel.
Die visepresident sê ’n kankerdiagnose kan traumaties wees, maar hoe vroeër die kanker gediagnoseer en behandel word, hoe beter is die persoon se kanse op oorlewing.
“Met geriewe soos dié, is daar hoop vir die wat met kanker gediagnoseer word. Maak nie saak wat die situasie is of hoe vreesaanjaend dit kan wees nie, daar is altyd hoop.”
Me. Anthea van Wyk, NOC se algemene bestuurder, het op haar beurt gesê tegnologie vir kankersorg het die afgelope twee dekades geweldig gevorder en die manier verander hoe kanker benader word.
“Saam met dié vooruitgang was daar ook ’n drastiese toename in die aanvraag vir kankersorg soos die aantal mense wat met kanker gediagnoseer word, voortgaan om teen ’n kommerwekkende tempo te styg,” het sy gesê.
Volgens haar groei die behoefte vir gespesialiseerde sorg ten spyte van die beste pogings van toegewyde gesondheidslui in beide die openbare en private sektore en nieregeringsorganisasies soos die Kankervereniging van Namibië (CAN) wat onder meer vroeë opsporingsprogramme aanbied.
“Die NOC se doel is om die jongste tegnologie tesame met die kundigheid van hoogs gespesialiseerde personeel te verskaf om Namibiërs met kanker die beste sorg te bied wat vandag beskikbaar is.”
Van Wyk sê die nuwe geriewe in Khomasdal huisves een van die mees veelsydige en tegnologies-gevorderde radioterapiebehandelingsmodules in die wêreld.
“Danksy die samewerking van ons toegewyde span van kliniese en bestralingsonkoloë, mediese ficisi, bestralingsterapeute, dosimetriste en administratiewe en ondersteuningspersoneel, bied die sentrum modern radioterapiebehandeling aan pasiënte op alle vlakke van die samelewing met ’n verskeidenheid van beide kwaadaardige en sommige niekwaadaardige siektes.” – [email protected]
Kommentaar
Republikein
Geen kommentaar is op hierdie artikel gelaat nie