Pasiënt verwurg glo medepasiënt in isolasiekamer
Ma se saak vir bemiddeling verwys
Die man was na bewering in 'n fisieke onderonsie met 'n medepasiënt in 'n afsonderingskamer in die eenheid vir geestesgesondheid betrokke.
’n Bedroefde ma het haar tot die hof gewend nadat haar 30-jarige seun met geestesprobleme na bewering deur ’n medepasiënt verwurg is.
Mathilde Gaingos, ’n skoonmaker, dagvaar die ministerie van gesondheid en maatskaplike dienste (MoHSS) vir N$750 000 ná die dood van haar seun, Petrus Gaingob, nadat hy in 2022 by die Windhoek Sentrale Hospitaal se eenheid vir geestesgesondheid opgeneem is.
Die saak is vir bemiddeling vir 20 November vasgestel met Jacomina Jacobs wat as bemiddelaar sal optree. Die eiser (Gaingos) en die verweerder (MoHSS) moet teen onderskeidelik 11 en 13 November bemiddelingsopdragte van drie bladsye elk indien.
Beide partye tesame met hul regsverteenwoordigers – Francois Bangamwabo vir Gaingos en Panderee Kamarenga vir die ministerie – moet in persoon die bemiddelingsessie bywoon.
Luidens hofstukke sal ’n tolk Gaingos ondersteun, met die bemiddeling wat voltooi word met ’n verslag wat teen 5 Desember ingedien moet word.
Gaingos het vanjaar haar eis vir skadevergoeding vir die dood van haar seun ingedien, met die gesondheidsministerie wat nog nie op haar eis gereageer het nie. Volgens die besonderhede van die eis was Gaingob in ’n fisieke onderonsie met ’n medepasiënt in ’n afsonderingskamer in die eenheid betrokke, wat tot sy dood deur middel van verwurging gelei het. Gaingob is op 15 Augustus 2022 in die eenheid vir geestesgesondheid opgeneem.
“Die nadoodse ondersoek het die oorsaak van sy dood bepaal as versmoring weens verwurging,” lui die hofdokumente.
Die dokumente sê voorts Gaingob se liggaam is eers deur hospitaalpersoneel tydens hul mediese rondtes die oggend ontdek.
“Die liggaam was koud en sonder ’n pols.”
Dit dui volgens Gaingos op nalatigheid in toesighouding deur die mediese personeel in die hospitaal.
Die nadoodse ondersoek wat deur dr. Soraya Podewiltz uitgevoer is, het verskeie klein kneusplekke aan die voorkant van sy nek gevind, asook bloeding op die brein, frakture aan beide kante van die basis van die skedel, bloedophopings in die nekspiere, insluitend die tongbeen (hyoid bone). Laasgenoemde is aan die voorkant van die nek geleë wat die tong ondersteun en speel ’n sleutelrol om te kan praat en sluk.
Die bevindinge dui op veelvuldige beserings en bloeding in die kop- en nekarea, wat waarskynlik aan trauma toegeskryf kan word.
Gaingos sê in haar verklaring die verlies van haar seun het haar beduidende emosionele nood en finansiële laste veroorsaak. Daarom soek sy geregtigheid van diegene aan wie se sorg hy toevertrou is.
– [email protected]
Mathilde Gaingos, ’n skoonmaker, dagvaar die ministerie van gesondheid en maatskaplike dienste (MoHSS) vir N$750 000 ná die dood van haar seun, Petrus Gaingob, nadat hy in 2022 by die Windhoek Sentrale Hospitaal se eenheid vir geestesgesondheid opgeneem is.
Die saak is vir bemiddeling vir 20 November vasgestel met Jacomina Jacobs wat as bemiddelaar sal optree. Die eiser (Gaingos) en die verweerder (MoHSS) moet teen onderskeidelik 11 en 13 November bemiddelingsopdragte van drie bladsye elk indien.
Beide partye tesame met hul regsverteenwoordigers – Francois Bangamwabo vir Gaingos en Panderee Kamarenga vir die ministerie – moet in persoon die bemiddelingsessie bywoon.
Luidens hofstukke sal ’n tolk Gaingos ondersteun, met die bemiddeling wat voltooi word met ’n verslag wat teen 5 Desember ingedien moet word.
Gaingos het vanjaar haar eis vir skadevergoeding vir die dood van haar seun ingedien, met die gesondheidsministerie wat nog nie op haar eis gereageer het nie. Volgens die besonderhede van die eis was Gaingob in ’n fisieke onderonsie met ’n medepasiënt in ’n afsonderingskamer in die eenheid betrokke, wat tot sy dood deur middel van verwurging gelei het. Gaingob is op 15 Augustus 2022 in die eenheid vir geestesgesondheid opgeneem.
“Die nadoodse ondersoek het die oorsaak van sy dood bepaal as versmoring weens verwurging,” lui die hofdokumente.
Die dokumente sê voorts Gaingob se liggaam is eers deur hospitaalpersoneel tydens hul mediese rondtes die oggend ontdek.
“Die liggaam was koud en sonder ’n pols.”
Dit dui volgens Gaingos op nalatigheid in toesighouding deur die mediese personeel in die hospitaal.
Die nadoodse ondersoek wat deur dr. Soraya Podewiltz uitgevoer is, het verskeie klein kneusplekke aan die voorkant van sy nek gevind, asook bloeding op die brein, frakture aan beide kante van die basis van die skedel, bloedophopings in die nekspiere, insluitend die tongbeen (hyoid bone). Laasgenoemde is aan die voorkant van die nek geleë wat die tong ondersteun en speel ’n sleutelrol om te kan praat en sluk.
Die bevindinge dui op veelvuldige beserings en bloeding in die kop- en nekarea, wat waarskynlik aan trauma toegeskryf kan word.
Gaingos sê in haar verklaring die verlies van haar seun het haar beduidende emosionele nood en finansiële laste veroorsaak. Daarom soek sy geregtigheid van diegene aan wie se sorg hy toevertrou is.
– [email protected]
Kommentaar
Republikein
Geen kommentaar is op hierdie artikel gelaat nie