Arangies, Beukes reg om te skik
Saak uitgestel tot Februarie
Hugo Arangies en Waldo Beukes het glo reeds op 'n bedrag ooreengekom en wag net vir die skikkingsooreenkoms om gefinaliseer te word.
In ’n hofsaak van N$1,25 miljoen vir beweerde aanranding is Waldo Beukes, Hugo Arangies en hul regsverteenwoordigers tans besig met skikkingsonderhandelinge.
Die siviele hofsaak volg ná ’n voorval – waarvan ’n video op sosialemediaplatforms versprei is – wat in November 2023 helder oordag in Andima Toivo ya Toivostraat in Windhoek plaasgevind het.
Beukes het daarna ’n saak teen Arangies by die hoërhof in Windhoek aanhangig gemaak op grond van bewerings dat Arangies onwettig, onreëlmatig en met opset opgetree het met die doel om hom ernstig te beseer.
Beukes het aangevoer Arangies het hom verskeie kere met die vuis geslaan, hom in die gesig geskop en op die sypaadjie neergegooi. Hy het N$1,25 miljoen in skadevergoeding by hom geëis.
Buiten vir sy beweerde fisieke beserings, het Beukes aangevoer dat die voorval hom verneder het aangesien die voorval voor lede van die publiek plaasgevind het en die video wyd in die sosiale media versprei is.
SKIKKING
Volgens hofstukke het die partye reeds op ’n skikkingsbedrag ooreengekom en is hulle nou in ’n gevorderde stadium om die skikkingsooreenkoms te finaliseer.
Die partye moes weer Donderdag in die hof voor regter Thomas Masuku verskyn. Hulle het egter versoek dat die saak in hul afwesigheid uitgestel word om die skikkingsooreenkoms te finaliseer.
Masuku het die saak tot 13 Februarie uitgestel.
– [email protected]
Die siviele hofsaak volg ná ’n voorval – waarvan ’n video op sosialemediaplatforms versprei is – wat in November 2023 helder oordag in Andima Toivo ya Toivostraat in Windhoek plaasgevind het.
Beukes het daarna ’n saak teen Arangies by die hoërhof in Windhoek aanhangig gemaak op grond van bewerings dat Arangies onwettig, onreëlmatig en met opset opgetree het met die doel om hom ernstig te beseer.
Beukes het aangevoer Arangies het hom verskeie kere met die vuis geslaan, hom in die gesig geskop en op die sypaadjie neergegooi. Hy het N$1,25 miljoen in skadevergoeding by hom geëis.
Buiten vir sy beweerde fisieke beserings, het Beukes aangevoer dat die voorval hom verneder het aangesien die voorval voor lede van die publiek plaasgevind het en die video wyd in die sosiale media versprei is.
SKIKKING
Volgens hofstukke het die partye reeds op ’n skikkingsbedrag ooreengekom en is hulle nou in ’n gevorderde stadium om die skikkingsooreenkoms te finaliseer.
Die partye moes weer Donderdag in die hof voor regter Thomas Masuku verskyn. Hulle het egter versoek dat die saak in hul afwesigheid uitgestel word om die skikkingsooreenkoms te finaliseer.
Masuku het die saak tot 13 Februarie uitgestel.
– [email protected]
Kommentaar
Republikein
Geen kommentaar is op hierdie artikel gelaat nie