Asdrommoord: Zimbabwiërs pleit onskuldig
Negejarige se liggaam in vullisdrom verbrand
Die drietal het na bewering die polisie mislei en beweer die oorledene is in Zimbabwe toe hulle gevra is waar die jong meisie was.
Dit is reeds vier jaar nadat die negejarige Akundaishe Natalie Chipomho met ’n besemstok doodgeslaan en haar liggaam in ’n munisipale vullisdrom gegooi en aan die brand gesteek is.
Die verhoor van die drie Zimbabwiese burgers wat by die saak betrek word, waarvan een die meisie se biologiese ma is, het uiteindelik gister in die Katutura-landdroshof begin.
Hoewel Edward Nkata, sy vrou Caroline Nkata en Akundaishe se ma, Rachael Kureva, gister onskuldig gepleit het op onder meer die aanklagte van moord en aanranding, het die Nkata-egpaar skuld beken op een aanklag wat verband hou met die oortreding van die wet op immigrasiebeheer.
Edward en Caroline het erken dat hulle sonder geldige werkspermitte in die land gebly het.
Akundaishe se moord het in Januarie 2020 in Windhoek-Noord plaasgevind.
Die drie beskuldigdes het glo destyds aan die Namibiese polisie gesê dat Akundaishe terug na Zimbabwe gekeer het toe hulle gevra is waar sy was.
Benewens die moord op Akundaishe, staan die beskuldigdes ook tereg op verskeie ander aanklagte wat die aanranding van ’n 11-jarige seun insluit. Die seun is vermoedelik Edward se biologiese seun.
Hy het hom glo met ’n belt en ’n onbekende voorwerp oor sy liggaam geslaan. Hy het wel die voorval oorleef.
Die drietal het nie ’n pleitverduideliking aan die hof verskaf nie, maar by monde van hul regsverteenwoordigers, Mbanga Siyomunji (vir Edward), Milton Engelbrecht (vir Caroline) en Joseph Andreas (vir Rachel), gesê die staat moet die aanklagte teen hulle probeer bewys
Die saak word deur regter Philanda Christiaan aangehoor en sal na verwagting vandag voortduur.
BEDROG, VERVALSING
Die Nkata-egpaar staan ook tereg op een aanklag van bedrog aangesien die egpaar hulle glo gedurende 2019 by die Privaatskool Progress – waar Caroline as onderwyser gewerk het – as Akundaishe se biologiese ouers voorgegee het sodat hulle nie skoolgeld hoef te betaal nie. Hulle het die skool uit sowat N$6 000 bedrieg.
Die staat voer verder aan dat die egpaar die skoolhoof en verskeie onderwysers se handtekeninge vervals het, asook Akundaishe se punte en kommentaar op haar vorderingsverslag gewysig het om haar inskrywing by die Primêre Skool Rocky Crest te verseker.
VERTRAGINGS
Hoewel die beskuldigdes kort ná Akundaishe se moord in hegtenis geneem is, het die saak vier jaar gesloer voor die verhoor kon begin.
Een rede vir die vertraging was die feit dat Kureva aanvanklik kwytgeskeld was. Die aanklaer-generaal het besluit dat die staat nie genoegsame bewyse teen haar gehad het nie en sy is gevolglik vrygelaat.
Sy is egter weer in hegtenis geneem nadat Edward se 14-jarige seun ’n verklaring by die polisie afgelê het wat haar by die moord betrek het.
Die staat het daarna ’n aansoek gebring dat die twee sake saamgevoeg word en al drie gelyktydig verhoor word. Die aansoek om samevoeging is verlede jaar goedgekeur.
– [email protected]
Die verhoor van die drie Zimbabwiese burgers wat by die saak betrek word, waarvan een die meisie se biologiese ma is, het uiteindelik gister in die Katutura-landdroshof begin.
Hoewel Edward Nkata, sy vrou Caroline Nkata en Akundaishe se ma, Rachael Kureva, gister onskuldig gepleit het op onder meer die aanklagte van moord en aanranding, het die Nkata-egpaar skuld beken op een aanklag wat verband hou met die oortreding van die wet op immigrasiebeheer.
Edward en Caroline het erken dat hulle sonder geldige werkspermitte in die land gebly het.
Akundaishe se moord het in Januarie 2020 in Windhoek-Noord plaasgevind.
Die drie beskuldigdes het glo destyds aan die Namibiese polisie gesê dat Akundaishe terug na Zimbabwe gekeer het toe hulle gevra is waar sy was.
Benewens die moord op Akundaishe, staan die beskuldigdes ook tereg op verskeie ander aanklagte wat die aanranding van ’n 11-jarige seun insluit. Die seun is vermoedelik Edward se biologiese seun.
Hy het hom glo met ’n belt en ’n onbekende voorwerp oor sy liggaam geslaan. Hy het wel die voorval oorleef.
Die drietal het nie ’n pleitverduideliking aan die hof verskaf nie, maar by monde van hul regsverteenwoordigers, Mbanga Siyomunji (vir Edward), Milton Engelbrecht (vir Caroline) en Joseph Andreas (vir Rachel), gesê die staat moet die aanklagte teen hulle probeer bewys
Die saak word deur regter Philanda Christiaan aangehoor en sal na verwagting vandag voortduur.
BEDROG, VERVALSING
Die Nkata-egpaar staan ook tereg op een aanklag van bedrog aangesien die egpaar hulle glo gedurende 2019 by die Privaatskool Progress – waar Caroline as onderwyser gewerk het – as Akundaishe se biologiese ouers voorgegee het sodat hulle nie skoolgeld hoef te betaal nie. Hulle het die skool uit sowat N$6 000 bedrieg.
Die staat voer verder aan dat die egpaar die skoolhoof en verskeie onderwysers se handtekeninge vervals het, asook Akundaishe se punte en kommentaar op haar vorderingsverslag gewysig het om haar inskrywing by die Primêre Skool Rocky Crest te verseker.
VERTRAGINGS
Hoewel die beskuldigdes kort ná Akundaishe se moord in hegtenis geneem is, het die saak vier jaar gesloer voor die verhoor kon begin.
Een rede vir die vertraging was die feit dat Kureva aanvanklik kwytgeskeld was. Die aanklaer-generaal het besluit dat die staat nie genoegsame bewyse teen haar gehad het nie en sy is gevolglik vrygelaat.
Sy is egter weer in hegtenis geneem nadat Edward se 14-jarige seun ’n verklaring by die polisie afgelê het wat haar by die moord betrek het.
Die staat het daarna ’n aansoek gebring dat die twee sake saamgevoeg word en al drie gelyktydig verhoor word. Die aansoek om samevoeging is verlede jaar goedgekeur.
– [email protected]
Kommentaar
Republikein
Geen kommentaar is op hierdie artikel gelaat nie