Asdrommoordsaak nader verhoor
Ma is kwytgeskel
Die staat beweer die negejarige meisie is deur haar pa doodgeslaan en daarna in 'n vullishouer gegooi en verbrand.
’n Zimbabwiese egpaar wat tereg staan op die moord van die negejarige Akundaishe Natalie Chipomho, se saak is in Februarie vanjaar vanaf die Windhoekse landdroshof na die hoërhof oorgeplaas en die verhoordatums sal Maandag vasgestel word.
Chipomho was die biologiese dogter van een van die beskuldigdes, mnr. Edward Nkata, en sy huidige vrou me. Caroline Nkata, deel met hom die beskuldigingsbank.
Die meisietjie se biologiese ma, me. Rachel Kureva, was aanvanklik ook ’n beskuldigde in die saak, maar die aanklaer-generaal het besluit om haar nie te vervolg nie as gevolg van te min bewyse teen haar.
Sy is daarom kwytgeskel van alle klagte.
Die klagte teen die oorblywende twee beskuldigdes sluit in moord, regsverydeling en aanranding. Die egpaar het ook in Namibië gebly nadat hul besoekerspermitte reeds verstyk het, wat ook deel uitmaak van die klagstaat. Dit sluit ook een klag van bedrog in.
PA GLO DOGTER DOODGESLAAN
Met hul eerste verskyning in die landdroshof, het Caroline skuldig gepleit en erken dat haar man Chipomho doodgeslaan het.
Die staat beweer dat die egpaar Chipomho se oorskot in 'n asdrom na 'n munisipale vullishouer in Windhoek-Noord geneem het, waar hul haar verbrand het.
Met die begin van die verhoor in die hoërhof sal beide beskuldigdes weer moet pleit en het die reg om pleitverduidelikings te lewer.
SAAK UITGESTEL TOT MAANDAG
Die egpaar het gister (Dinsdag) in die hoërhof voor regter Claudia Claasen verskyn en die saak is tot Maandag uitgestel omdat Edward se regsverteenwoordiger, mnr. Mbanga Siyomunji, nie die verrigtinge kon bywoon nie.
Die egpaar, staatsaanklaer Antonia Verhoef en die beskuldigdes se verteenwoordigers sal Maandag weer verskyn met hul dagboeke byderhand om die verhoordatums te skeduleer.
Caroline word deur mnr. Milton Engelbrecht verteenwoordig.
Caroline word aangehou by die polisieselle op Dordabis en Edward by Windhoek Sentrale Gevangenis.
[email protected]
Chipomho was die biologiese dogter van een van die beskuldigdes, mnr. Edward Nkata, en sy huidige vrou me. Caroline Nkata, deel met hom die beskuldigingsbank.
Die meisietjie se biologiese ma, me. Rachel Kureva, was aanvanklik ook ’n beskuldigde in die saak, maar die aanklaer-generaal het besluit om haar nie te vervolg nie as gevolg van te min bewyse teen haar.
Sy is daarom kwytgeskel van alle klagte.
Die klagte teen die oorblywende twee beskuldigdes sluit in moord, regsverydeling en aanranding. Die egpaar het ook in Namibië gebly nadat hul besoekerspermitte reeds verstyk het, wat ook deel uitmaak van die klagstaat. Dit sluit ook een klag van bedrog in.
PA GLO DOGTER DOODGESLAAN
Met hul eerste verskyning in die landdroshof, het Caroline skuldig gepleit en erken dat haar man Chipomho doodgeslaan het.
Die staat beweer dat die egpaar Chipomho se oorskot in 'n asdrom na 'n munisipale vullishouer in Windhoek-Noord geneem het, waar hul haar verbrand het.
Met die begin van die verhoor in die hoërhof sal beide beskuldigdes weer moet pleit en het die reg om pleitverduidelikings te lewer.
SAAK UITGESTEL TOT MAANDAG
Die egpaar het gister (Dinsdag) in die hoërhof voor regter Claudia Claasen verskyn en die saak is tot Maandag uitgestel omdat Edward se regsverteenwoordiger, mnr. Mbanga Siyomunji, nie die verrigtinge kon bywoon nie.
Die egpaar, staatsaanklaer Antonia Verhoef en die beskuldigdes se verteenwoordigers sal Maandag weer verskyn met hul dagboeke byderhand om die verhoordatums te skeduleer.
Caroline word deur mnr. Milton Engelbrecht verteenwoordig.
Caroline word aangehou by die polisieselle op Dordabis en Edward by Windhoek Sentrale Gevangenis.
[email protected]
Kommentaar
Republikein
Geen kommentaar is op hierdie artikel gelaat nie