Babi’s was vuil wasgoed in hof
Bewerings van verneukery
Jackson het onlangs aansoek gedoen om van sy vrou te skei en soek toesig van hulle drie kinders.
Die selfverklaarde profeet en veroordeelde renosterstroper, Jackson Babi, en sy vrou Maria is tans in ’n smerige egskeidingsaak gewikkel. Die toesig van hulle minderjarige kinders – al drie onder die ouderdom van tien – is ook ter sprake. Jackson het die aansoek om egskeiding en toesig van die kinders gebring en beweer in hofstukke dat Maria geen liefde, geneentheid of respek teenoor hom toon nie. Hy beweer verder dat Maria hom emosioneel en sielkundig mishandel en ekonomies misbruik het.
“Die verweerder [Maria] het versuim om emosionele ondersteuning aan hom te gee terwyl hy in aanhouding was en sy weier om saam met hom te woon sedert sy vrylating uit aanhouding,” lui Jackson se hofstukke.
Hy meen verder dat die kinders by hom moet bly met Maria wat redelike toegang kan kry, omdat Maria glo nie ’n woonplek van haar eie het nie en tans saam met haar broer bly.
Die egpaar is in Julie 2013 getroud en partye het gister voor regter Eileen Rakow in die hoërhof in Windhoek verskyn.
VERNEUKERY
In haar teenaansoek beweer Maria dat sy toesig van die kinders moet kry. Sy voer aan dat Jackson die meeste van sy tyd gebruik het om by sy gemeente te preek, “ten koste van sy kinders”. Sy beweer ook dat hy haar verneuk het.
“Hy het egbreuk gepleeg met ’n sekere vrou in sy gemeente,” sê Maria in haar hofstukke. Jackson is ’n pastoor by die House of Joy Ministries. Hy ontken egter die bewering.
“Dit is ’n ernstige bewering en as dit waar was, sou die verweerder [Maria] dit nie vergewe het nie. Sy kon aansoek doen vir ’n egskeiding of sy kon hom ten minste konfronteer. Sy het letterlik niks gedoen nie. Dit is op sigself veelseggend,” lui Jackson se hofstukke en voeg by dat Maria alleenlik verantwoordelik is vir die verbrokkeling van hulle huwelik.
TEENAANSOEK
Maria ontken Jackson se bewerings dat sy nie ’n goeie eggenoot vir hom was nie. Sy beweer sy het vir hom kos gekook en dit na hom toe gevat toe hy in aanhouding was en emosionele ondersteuning aan hom in hierdie tyd gebied het. Sy het glo ook sy regskostes met haar spaargeld betaal.
Sy verduidelik verder in haar hofstukke dat Jackson haar glo sonder enige rede verbied het om hom te besoek, nadat hy gevonnis is. Sy is glo ook nie in kennis gestel van sy vrylating nie en moes na bewering op sosiale media daarvan kennis neem.
In reaksie hierop het Jackson aangevoer dat Maria hom glo nooit besoek het terwyl hy in aanhouding was nie. Hy beweer sy het vir ’n aantal vriende en kennisse gesê dat sy hoop hy bly vir ’n lang tydperk in aanhouding.
Hoewel Maria erken dat sy saam met haar broer bly, verduidelik sy dat hy in Suid-Afrika werk en selde by die huis is. Sy is glo uit haar en Jackson se huis gesit nadat hy in hegtenis geneem is.
BINNE GEMEENSKAP
Die Babi-egpaar is binne gemeenskap van goedere getroud en in Jackson se hofaansoek beweer hy hulle het tydens hul huwelik geen vaste of roerende bates bekom nie.
In Maria se aansoek voer sy egter aan dat hulle drie voertuie besit het wat Jackson glo verkoop het sonder om die opbrengs daarvan met haar te deel. Sy het verder aangevoer dat Jackson ook ander besighede besit soos ’n slaghuis in Okuryangava.
Jackson ontken dat hy ’n slaghuisbesigheid besit het en voer verder aan dat nie enige van die partye ooit voertuie besit het nie.
WILDMISDAAD
Jackson is in Mei 2020 in hegtenis geneem vir renosterstropery en het daarna skuldig gepleit op 11 klagte van onder meer onwettige jag, diefstal, omkopery, geldwassery en die besit van renosterhorings. Hy was gevonnis tot tien jaar tronkstraf, maar sy vonnis is later hersien en verminder. Hy is in Januarie vanjaar uit die tronk vrygelaat nadat hy 'n boete van byna N$230 000 betaal het.
– [email protected]
“Die verweerder [Maria] het versuim om emosionele ondersteuning aan hom te gee terwyl hy in aanhouding was en sy weier om saam met hom te woon sedert sy vrylating uit aanhouding,” lui Jackson se hofstukke.
Hy meen verder dat die kinders by hom moet bly met Maria wat redelike toegang kan kry, omdat Maria glo nie ’n woonplek van haar eie het nie en tans saam met haar broer bly.
Die egpaar is in Julie 2013 getroud en partye het gister voor regter Eileen Rakow in die hoërhof in Windhoek verskyn.
VERNEUKERY
In haar teenaansoek beweer Maria dat sy toesig van die kinders moet kry. Sy voer aan dat Jackson die meeste van sy tyd gebruik het om by sy gemeente te preek, “ten koste van sy kinders”. Sy beweer ook dat hy haar verneuk het.
“Hy het egbreuk gepleeg met ’n sekere vrou in sy gemeente,” sê Maria in haar hofstukke. Jackson is ’n pastoor by die House of Joy Ministries. Hy ontken egter die bewering.
“Dit is ’n ernstige bewering en as dit waar was, sou die verweerder [Maria] dit nie vergewe het nie. Sy kon aansoek doen vir ’n egskeiding of sy kon hom ten minste konfronteer. Sy het letterlik niks gedoen nie. Dit is op sigself veelseggend,” lui Jackson se hofstukke en voeg by dat Maria alleenlik verantwoordelik is vir die verbrokkeling van hulle huwelik.
TEENAANSOEK
Maria ontken Jackson se bewerings dat sy nie ’n goeie eggenoot vir hom was nie. Sy beweer sy het vir hom kos gekook en dit na hom toe gevat toe hy in aanhouding was en emosionele ondersteuning aan hom in hierdie tyd gebied het. Sy het glo ook sy regskostes met haar spaargeld betaal.
Sy verduidelik verder in haar hofstukke dat Jackson haar glo sonder enige rede verbied het om hom te besoek, nadat hy gevonnis is. Sy is glo ook nie in kennis gestel van sy vrylating nie en moes na bewering op sosiale media daarvan kennis neem.
In reaksie hierop het Jackson aangevoer dat Maria hom glo nooit besoek het terwyl hy in aanhouding was nie. Hy beweer sy het vir ’n aantal vriende en kennisse gesê dat sy hoop hy bly vir ’n lang tydperk in aanhouding.
Hoewel Maria erken dat sy saam met haar broer bly, verduidelik sy dat hy in Suid-Afrika werk en selde by die huis is. Sy is glo uit haar en Jackson se huis gesit nadat hy in hegtenis geneem is.
BINNE GEMEENSKAP
Die Babi-egpaar is binne gemeenskap van goedere getroud en in Jackson se hofaansoek beweer hy hulle het tydens hul huwelik geen vaste of roerende bates bekom nie.
In Maria se aansoek voer sy egter aan dat hulle drie voertuie besit het wat Jackson glo verkoop het sonder om die opbrengs daarvan met haar te deel. Sy het verder aangevoer dat Jackson ook ander besighede besit soos ’n slaghuis in Okuryangava.
Jackson ontken dat hy ’n slaghuisbesigheid besit het en voer verder aan dat nie enige van die partye ooit voertuie besit het nie.
WILDMISDAAD
Jackson is in Mei 2020 in hegtenis geneem vir renosterstropery en het daarna skuldig gepleit op 11 klagte van onder meer onwettige jag, diefstal, omkopery, geldwassery en die besit van renosterhorings. Hy was gevonnis tot tien jaar tronkstraf, maar sy vonnis is later hersien en verminder. Hy is in Januarie vanjaar uit die tronk vrygelaat nadat hy 'n boete van byna N$230 000 betaal het.
– [email protected]
Kommentaar
Republikein
Geen kommentaar is op hierdie artikel gelaat nie