Botha spring boete van R216 miljoen vry
’n Boete van sowat R216 miljoen is teen die kriptobelegger en bedrogbeskuldigde, Coenraad (Coenie) Botha (69), laat vaar.
Botha, wat tans op borgtog in Namibië is in verband met 64 aanklagte wat bedrog en geldwassery insluit, het dié boete van die Gedragsowerheid vir die Finansiële Sektor (FSCA) van Suid-Afrika ontvang, asook ’n uitsluiting van 10 jaar (debarment).
Botha is beboet nadat die FSCA hom ondersoek het op grond van bewerings dat hy fondse van die publiek gewerf het deur onrealistiese opbrengste van 1% tot 4% per week te belowe. Hulle het bevind daar is daar geen finansiële produk wat die tipe opbrengste bied nie.
Hulle het glo bevind dat Botha en sy entiteit, CBI Association, sekere bepalings van die Suid-Afrikaanse Bankwet vanaf 19 Maart 2019 tot 6 Januarie 2022 oortree het.
Beide die boete en uitsluiting is tersyde gestel aangesien ’n ooreenkoms glo bereik is. Geen verdere besonderhede oor die ooreenkoms is in hierdie stadium bekend nie.
STRAFREGTELIKE SAAK
Buiten vir die moeilikheid wat Botha nou in Suid-Afrika losgespring het, is die Bank of Namibia (BoN) ook op sy spoor.
BoN het ook ’n ondersoek na sy besigheid ingestel en gevolglik ’n klag teen hom en sy Zimbabwiese vrou, Charlotte Murove, by die Namibiese polisie ingedien.
Albei is op 11 Maart by die Buitepos-grenspos naby die Botswana/Namibië-grens in hegtenis geneem nadat die polisie glo inligting ontvang het dat hulle van plan is om landuit te vlug.
Die aanklagte hou verband met ’n beweerde Ponzi-skema wat die egpaar na bewering bedryf het. Die staat voer aan dat die egpaar beleggers met nagenoeg N$163 miljoen bedrieg het.
Die saak is tans hangende voor die landdroshof in Windhoek en al twee beskuldigdes is vry op borgtog.
– [email protected]
Botha, wat tans op borgtog in Namibië is in verband met 64 aanklagte wat bedrog en geldwassery insluit, het dié boete van die Gedragsowerheid vir die Finansiële Sektor (FSCA) van Suid-Afrika ontvang, asook ’n uitsluiting van 10 jaar (debarment).
Botha is beboet nadat die FSCA hom ondersoek het op grond van bewerings dat hy fondse van die publiek gewerf het deur onrealistiese opbrengste van 1% tot 4% per week te belowe. Hulle het bevind daar is daar geen finansiële produk wat die tipe opbrengste bied nie.
Hulle het glo bevind dat Botha en sy entiteit, CBI Association, sekere bepalings van die Suid-Afrikaanse Bankwet vanaf 19 Maart 2019 tot 6 Januarie 2022 oortree het.
Beide die boete en uitsluiting is tersyde gestel aangesien ’n ooreenkoms glo bereik is. Geen verdere besonderhede oor die ooreenkoms is in hierdie stadium bekend nie.
STRAFREGTELIKE SAAK
Buiten vir die moeilikheid wat Botha nou in Suid-Afrika losgespring het, is die Bank of Namibia (BoN) ook op sy spoor.
BoN het ook ’n ondersoek na sy besigheid ingestel en gevolglik ’n klag teen hom en sy Zimbabwiese vrou, Charlotte Murove, by die Namibiese polisie ingedien.
Albei is op 11 Maart by die Buitepos-grenspos naby die Botswana/Namibië-grens in hegtenis geneem nadat die polisie glo inligting ontvang het dat hulle van plan is om landuit te vlug.
Die aanklagte hou verband met ’n beweerde Ponzi-skema wat die egpaar na bewering bedryf het. Die staat voer aan dat die egpaar beleggers met nagenoeg N$163 miljoen bedrieg het.
Die saak is tans hangende voor die landdroshof in Windhoek en al twee beskuldigdes is vry op borgtog.
– [email protected]
Kommentaar
Republikein
Geen kommentaar is op hierdie artikel gelaat nie