Buitelanders bly agter tralies ná 'aanranding'

Twee Zambiese burgers wat na bewering ’n Namibiese transgender persoon aangerand het en gevolglik van poging tot moord aangekla is, het sedertdien twee hofverskynings in die landdroshof op Walvisbaai gemaak.Die beskuldigdes, Shabombe Gift Shiamenze (32) en Jonathan Kamfwa (40), het voor landdros John Sindano verskyn en hul borgtogaansoeke is geweier. Die saak is ook tot 13 Junie uitgestel.Die staatsaanklaer, Penouua Katjiukua, het borgtog teengestaan onder andere omdat die vermeende slagoffer in Windhoek is. Katjiukua het ook die hof versoek om die saak uit te stel aangesien die ondersoek nog nie afgehandel is nie.“Die DNS sowel as die slagoffer se verklaring is nog steeds uitstaande,” het Katjiukua gesê.Die twee beskuldigdes wat as vragmotorbestuurders in Namibië gewerk het, het na bewering saam met ’n vrou gekuier. Sy het glo gevra of sy ’n ander vrou kan nooi om saam met hulle te kuier. Die persoon het opgedaag en eers nadat hulle die kuierplek verlaat het, het die mans agtergekom dat die persoon transgender is. Hulle het glo die transgender persoon daarna aangerand.Die polisie is egter eers van die voorval ingelig nadat ’n ambulans die vermeende slagoffer opgelaai en in die hospitaal opgeneem is.Volgens die klagstaat is die vermeende slagoffer met ’n onbekende voorwerp oor die lyf en kop geslaan, wat glo ’n skedelbreuk tot gevolg gehad het.Die twee beskuldigdes het ook die betrokke landdros ingelig dat hulle reeds om regshulp aansoek gedoen het. Hulle aansoekvorms is egter glo nooit ontvang nie en hulle het daarom steeds nie regsverteenwoordiging nie. Hulle het aangedui dat hulle weer aansoek sal doen.Die mans sal in aanhouding bly tot hulle volgende hofverskyning. – republikein@republikein.com.na

Buitelanders bly agter tralies ná 'aanranding'

Kommentaar

Republikein 2025-04-02

Meld asseblief aan om kommentaar te lewer

Buitelanders bly agter tralies ná 'aanranding'

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie