Dagblad appelleer teen lasteruitspraak
Die New Era Publication het verlede week bekend gemaak dat hy teen die uitspraak waarin die koerant skuldig bevind is aan laster, in die hooggeregshof sal appelleer.
Die hoërhof het vroeër vandeesmaand in die guns van polisiekommissaris Andreas Nelumbu beslis en beveel dat New Era N$50 000 aan hom moet betaal, asook dat die koerant om verskoning moet vra en die lasterlike opmerkings terugtrek.
Die artikel wat die fokus van die hofgeding gevorm het, het op 27 September 2022 op New Era se voorblad verskyn onder die opskrif “Top cops plot thickens”.
In die artikel word daar aangevoer dat Nelumbu, wat as die hoof van die logistieke afdeling gedien het, ’n kragopwekker gesteel en ’n polisievoertuig op sy private plaas in die noorde van Namibië gebruik het.
Die artikel het verder aangevoer dat sowat 90 vuurwapens en ammunisie – onder Nelumbu se toesig – by die polisie in Windhoek gesteel is.
Nelumbu het tydens die verhoor aangevoer dat die uitlatings sy goeie naam en reputasie skade berokken het en hom as ’n dief uitgemaak het.
GRONDE VIR APPÈL
New Era beweer is sy appèl dat regter Orben Sibeya se uitspraak foutief was en nie die koerant se verweer voldoende oorweeg het nie.
Die koerant se verweer is dat hy redelik opgetree het en dat die artikel in die openbare belang was.
– [email protected]
Die hoërhof het vroeër vandeesmaand in die guns van polisiekommissaris Andreas Nelumbu beslis en beveel dat New Era N$50 000 aan hom moet betaal, asook dat die koerant om verskoning moet vra en die lasterlike opmerkings terugtrek.
Die artikel wat die fokus van die hofgeding gevorm het, het op 27 September 2022 op New Era se voorblad verskyn onder die opskrif “Top cops plot thickens”.
In die artikel word daar aangevoer dat Nelumbu, wat as die hoof van die logistieke afdeling gedien het, ’n kragopwekker gesteel en ’n polisievoertuig op sy private plaas in die noorde van Namibië gebruik het.
Die artikel het verder aangevoer dat sowat 90 vuurwapens en ammunisie – onder Nelumbu se toesig – by die polisie in Windhoek gesteel is.
Nelumbu het tydens die verhoor aangevoer dat die uitlatings sy goeie naam en reputasie skade berokken het en hom as ’n dief uitgemaak het.
GRONDE VIR APPÈL
New Era beweer is sy appèl dat regter Orben Sibeya se uitspraak foutief was en nie die koerant se verweer voldoende oorweeg het nie.
Die koerant se verweer is dat hy redelik opgetree het en dat die artikel in die openbare belang was.
– [email protected]
Kommentaar
Republikein
Geen kommentaar is op hierdie artikel gelaat nie