Dippenaar se vonnis uitgestel tot Augustus
Jandré Dippenaar, wat gister sy lot in die streekhof in Swakopmund sou aanhoor, bly in aanhouding tot 20 Augustus wanneer slotbetoë voor vonnisoplegging gelewer sal word.
Dit volg nadat Dippenaar se prokureur, Petrie Theron, ’n aansoek om uitstel voor landdros Gaynor Poulton gebring het.
Dippenaar het nog ’n regsverteenwoordiger, advokaat Albert Strydom aangestel en versoek om weer deur ’n sielkundige, die keer deur dr. Willem Aldeman, geëvalueer te word.
Die hof het vroeër die objektiwiteit van die vorige sielkundige, dr. Stephanie Badenhorst, bevraagteken. Die kwessie het ontstaan nadat Poulton Dippenaar skuldig bevind het op ses aanklagte van moord, een van roekelose of nalatige bestuur, asook ’n klag van die bestuur sonder ’n geldige rybewys.
Die klagte spruit voort uit 'n ongeluk op 29 Desember 2014, waartydens Dippenaar as die bestuurder van ’n FJ Cruiser trompop met ’n Ford Ranger gebots het waarin die Duitse toeriste Markus Joschko, sy vrou, Stephanie, en hul dogters, Alexandra en Antonia (toe 16 jaar oud) was.
Dippenaar en Antonia was die enigste oorlewendes van die ongeluk.
Poulton het tydens kruisondervraging gesê Badenhorst het “openlik gesimpatiseer” en het in die hof ineengestort. Haar rede was dat sy vir ’n lang tyd siek en sy emosioneel was.
“Sy het ook gesê dat Dippenaar deur ’n neuroloog geëvalueer moet word. Dit het twyfel laat ontstaan oor die objektiwiteit van die getuie,” het Poulton gesê.
Badenhorst moes Dippenaar se geheueverlies evalueer. Volgens sy getuienis het hy beweer hy kon net tot by Myl 28 onthou en dat hy die volgende dag in die hospitaal wakker geword het. Gebaseer op die nuwe inligting wat verlede Donderdag bekend gemaak is, het Theron vir uitstel aansoek gedoen.
“Die verdediging is nie reg om voort te gaan nie, veral ná die ontydige dood van advokaat Louis Botes in Mei wat sedert die begin deel van die saak en span was," aldus Theron.
Volgens hom was dit Dippenaar se keuse om senior verteenwoordiging aan te stel en dit was ook sy [Theron] se raad aan hom. Strydom is gevolglik aangestel.
“Die uitgebreide dokumente van die saak, tesame met die bewysstukke, strek oor byna 6 000 bladsye. Adv. Strydom het aangedui dat hy voorbereid en gewillig is om te help, maar tyd nodig het om al die materiaal te evalueer. Dit is ’n hoogs tegniese kwessie met tegniese bewyse wat senior verteenwoordiging vereis.”
Theron het ook beklemtoon dit is Dippenaar se grondwetlike reg (artikel 12 en artikel 18) om ’n regverdige verhoor te hê en wat die kwessie van vonnisoplegging insluit.
“Adv. Strydom het voorgestel dat drie dae opsy gesit word – een vir die verdediging om getuies te roep, een vir die staat en een vir betoë.”
Die staatsaanklaer, advokaat Henry Muhungo het geargumenteer dat “geregtigheid wat vertraag is, geregtigheid is wat ontneem is. Die kwessie van bewyse is nie in hierdie stadium van die verhoor ’n faktor nie.” Volgens hom was Dippenaar geskok deur die skuldigbevinding wat 20 Junie gelewer is. Gegewe die dood van Botes het Muhungo gevoel die beskuldigde het voldoende tyd gehad om senior regsverteenwoordiging te bekom.
“Die aansoek op die laaste nippertjie kom onopreg voor en is waarskynlik ’n vertragingstaktiek wat die staat in die verleentheid wil stel en tyd wil mors. Dit moet van die hand gewys word,” het Muhungo gesê.
Theron het egter gesê om die versoek te weier, sal inbreuk maak op Dippenaar se grondwetlike regte.
“Die hof bevind homself in ’n 50-50-situasie, omdat die verdediging se regsverteenwoordiging [Theron] van die begin deel van die saak was. Artikel 12 waarborg die reg tot ’n regverdige verhoor, insluitend vonnisoplegging," het Poulton gesê.
Theron het toe ’n formele borgtogaansoek gebring, met Poulton wat nie ten gunste van ’n aparte borgtogaansoek was nie.
Die staat se verweer was dat “niks tussen Donderdag en vandag (Dinsdag) verander het nie” toe Dippenaar skuldig bevind en sy borgtog teruggetrek is. Hy is skuldig bevind en nog nie gevonnis nie, so borgtog hangend ’n appèl is nie hier van toepassing nie.”
Poulton wou by die staatsaanklaer weet of die beskuldigde ’n reg tot ’n borgtogaansoek het en waarop Muhungo geantwoord het “nie in hierdie stadium nie”.
Poulton het hiermee saamgestem en gesê “die hof kan nie ’n borgtogaansoek oorweeg nie. Die saak word tot 20 tot 22 Augustus vir verteenwoordiging uitgestel en die beskuldigde bly in aanhouding.”
Antonia wat ook verlede week se skuldigbevinding van Dippenaar bygewoon het, het haar vlug tot vandag uitgestel om in die slotbetoë voor vonnisoplegging te getuig.
“Dit is frustrerend. Dit is dieselfde met die siviele saak in die hoërhof. Ons het nog nie eens met die verklarings van getuies begin nie. Hulle gebruik dieselfde vertragingstegnieke,” het Joschko gesê.
– [email protected]
Dit volg nadat Dippenaar se prokureur, Petrie Theron, ’n aansoek om uitstel voor landdros Gaynor Poulton gebring het.
Dippenaar het nog ’n regsverteenwoordiger, advokaat Albert Strydom aangestel en versoek om weer deur ’n sielkundige, die keer deur dr. Willem Aldeman, geëvalueer te word.
Die hof het vroeër die objektiwiteit van die vorige sielkundige, dr. Stephanie Badenhorst, bevraagteken. Die kwessie het ontstaan nadat Poulton Dippenaar skuldig bevind het op ses aanklagte van moord, een van roekelose of nalatige bestuur, asook ’n klag van die bestuur sonder ’n geldige rybewys.
Die klagte spruit voort uit 'n ongeluk op 29 Desember 2014, waartydens Dippenaar as die bestuurder van ’n FJ Cruiser trompop met ’n Ford Ranger gebots het waarin die Duitse toeriste Markus Joschko, sy vrou, Stephanie, en hul dogters, Alexandra en Antonia (toe 16 jaar oud) was.
Dippenaar en Antonia was die enigste oorlewendes van die ongeluk.
Poulton het tydens kruisondervraging gesê Badenhorst het “openlik gesimpatiseer” en het in die hof ineengestort. Haar rede was dat sy vir ’n lang tyd siek en sy emosioneel was.
“Sy het ook gesê dat Dippenaar deur ’n neuroloog geëvalueer moet word. Dit het twyfel laat ontstaan oor die objektiwiteit van die getuie,” het Poulton gesê.
Badenhorst moes Dippenaar se geheueverlies evalueer. Volgens sy getuienis het hy beweer hy kon net tot by Myl 28 onthou en dat hy die volgende dag in die hospitaal wakker geword het. Gebaseer op die nuwe inligting wat verlede Donderdag bekend gemaak is, het Theron vir uitstel aansoek gedoen.
“Die verdediging is nie reg om voort te gaan nie, veral ná die ontydige dood van advokaat Louis Botes in Mei wat sedert die begin deel van die saak en span was," aldus Theron.
Volgens hom was dit Dippenaar se keuse om senior verteenwoordiging aan te stel en dit was ook sy [Theron] se raad aan hom. Strydom is gevolglik aangestel.
“Die uitgebreide dokumente van die saak, tesame met die bewysstukke, strek oor byna 6 000 bladsye. Adv. Strydom het aangedui dat hy voorbereid en gewillig is om te help, maar tyd nodig het om al die materiaal te evalueer. Dit is ’n hoogs tegniese kwessie met tegniese bewyse wat senior verteenwoordiging vereis.”
Theron het ook beklemtoon dit is Dippenaar se grondwetlike reg (artikel 12 en artikel 18) om ’n regverdige verhoor te hê en wat die kwessie van vonnisoplegging insluit.
“Adv. Strydom het voorgestel dat drie dae opsy gesit word – een vir die verdediging om getuies te roep, een vir die staat en een vir betoë.”
Die staatsaanklaer, advokaat Henry Muhungo het geargumenteer dat “geregtigheid wat vertraag is, geregtigheid is wat ontneem is. Die kwessie van bewyse is nie in hierdie stadium van die verhoor ’n faktor nie.” Volgens hom was Dippenaar geskok deur die skuldigbevinding wat 20 Junie gelewer is. Gegewe die dood van Botes het Muhungo gevoel die beskuldigde het voldoende tyd gehad om senior regsverteenwoordiging te bekom.
“Die aansoek op die laaste nippertjie kom onopreg voor en is waarskynlik ’n vertragingstaktiek wat die staat in die verleentheid wil stel en tyd wil mors. Dit moet van die hand gewys word,” het Muhungo gesê.
Theron het egter gesê om die versoek te weier, sal inbreuk maak op Dippenaar se grondwetlike regte.
“Die hof bevind homself in ’n 50-50-situasie, omdat die verdediging se regsverteenwoordiging [Theron] van die begin deel van die saak was. Artikel 12 waarborg die reg tot ’n regverdige verhoor, insluitend vonnisoplegging," het Poulton gesê.
Theron het toe ’n formele borgtogaansoek gebring, met Poulton wat nie ten gunste van ’n aparte borgtogaansoek was nie.
Die staat se verweer was dat “niks tussen Donderdag en vandag (Dinsdag) verander het nie” toe Dippenaar skuldig bevind en sy borgtog teruggetrek is. Hy is skuldig bevind en nog nie gevonnis nie, so borgtog hangend ’n appèl is nie hier van toepassing nie.”
Poulton wou by die staatsaanklaer weet of die beskuldigde ’n reg tot ’n borgtogaansoek het en waarop Muhungo geantwoord het “nie in hierdie stadium nie”.
Poulton het hiermee saamgestem en gesê “die hof kan nie ’n borgtogaansoek oorweeg nie. Die saak word tot 20 tot 22 Augustus vir verteenwoordiging uitgestel en die beskuldigde bly in aanhouding.”
Antonia wat ook verlede week se skuldigbevinding van Dippenaar bygewoon het, het haar vlug tot vandag uitgestel om in die slotbetoë voor vonnisoplegging te getuig.
“Dit is frustrerend. Dit is dieselfde met die siviele saak in die hoërhof. Ons het nog nie eens met die verklarings van getuies begin nie. Hulle gebruik dieselfde vertragingstegnieke,” het Joschko gesê.
– [email protected]
Kommentaar
Republikein
Geen kommentaar is op hierdie artikel gelaat nie