‘Dit was selfverdediging’
Moordbeskuldigde doen aansoek om borgtog
'n Man wat van moord aangekla word, sê hy het uit selfverdediging opgetree.
Malakia Shipanga (44) wat daarvan beskuldig word dat hy die 34-jarige Vilho Haipanguli verlede jaar in Kuisebmond op Walvisbaai vermoor het, het in die landdroshof op Walvisbaai om borgtog aansoek gedoen.
Luidens die polisieverslag het ’n groep vriende en familielede, wat Haipanguli ingesluit het, Shipanga op 10 September verlede jaar in Kilimanjarostraat gekonfronteer aangesien hy in Haipanguli se erf was. Dit nadat hy gewaarsku is om nie in die erf te gaan nie.
“Shipanga het na bewering aggressief geraak, Haipanguli gestamp en toe ’n mes uitgepluk. Hy het agter die groep aangehardloop en Haipanguli het geval. Terwyl hy op die grond gelê het, het Shipanga hom twee keer met die mes gesteek, aan die regterkant van sy nek en in sy linkerarm. Haipanguli is op die toneel dood,” lui die polisieverslag.
Tydens Shipanga se borgtogaansoek het staatsaanklaer Annakleta Kanjimi aangedui dat die staat sy borgtog sal teenstaan aangesien dit nie in die openbare belang of die belang van geregtigheid is nie.
“Die beskuldigde is ’n vlugrisiko. Sy veiligheid is ook ’n bekommernis en daar is ’n risiko dat hy verdere misdade kan pleeg,” het Kanjimi gesê.
In Shipanga se verweer het sy regsverteenwoordiger, Albertus Titus, gesê sy kliënt woon sedert 1998 in Walvisbaai. Hy is werksaam by Merlus Fishing en sy hoogste kwalifikasie is graad 4.
“Ek moet vir my familie sorg. Ek het ’n vrou en sewe kinders waarvan die jongste net ’n paar maande oud is en in Desember 2023 gebore is.
“My oudste werk tans, terwyl my ander kinders in die Noorde is waar my familielede hulle versorg. My vrou is werkloos en ek is die enigste broodwinner,” het Shipanga gesê.
Hy het ook na sy ma se dood in Desember 2023 verwys as nog ’n rede waarom hy borgtog moet kry. Volgens Shipanga het hy nog nie die geleentheid gehad om te rou nie.
“Ek is nie ’n vlugrisiko nie, want ek het myself aan die polisie oorgegee. Ek ken die wet en die Grondwet van Namibië, omdat ek ’n vorige vonnis uitgedien het.”
Shipanga beweer hy het op die dag van die voorval uit selfverdediging opgetree.
“Hierdie mense het met knopkieries na my huis gekom, ses van hulle. Ek sal nie vlug nie, want ek was die een wat myself aan die polisie oorgegee het. As ek wou vlug, sou ek dit gedoen het en nie polisie toe gegaan het nie.”
Sou borgtog wel aan hom toegestaan word, sal hy in Swakopmund bly omdat hy bang is om na sy huis terug te keer.
Kanjimi het verwys na ’n petisie dat Shipanga nie borgtog toegestaan moet word nie, omdat hy na bewering na Angola sal vlug.
Hy het dit egter ontken en gesê hy het geen planne om te vlug nie, ten spyte van die feit dat sy broer in Angola werk.
“Daar is niks vir my om in Angola te doen nie. Ek ken die Namibiese wet baie goed,” het Shipanga gesê. Hy het ’n vorige skuldigbevinding vir die besit van gesteelde eiendom erken, waarvoor hy ’n boete van N$3 000 of drie maande tronkstraf opgelê is.
Hy het tydens sy borgtogaansoek volgehou dat hy nie ’n gewelddadige persoon is nie en het saamgestem dat moord ’n ernstige oortreding is. Hy beplan om onskuldig te pleit op die aanklag teen hom.
“Volgens die Grondwet het niemand die reg om iemand anders se lewe te neem nie. Selfs al het ek myself verdedig, was dit nie my bedoeling nie. Ek kan N$2 000 vir borgtog bekostig en sal voldoen aan enige voorwaardes wat daaraan verbonde is.”
Volgens Shipanga het hy op die dag van die voorval in September 2023 hulp by die polisie gesoek.
“Die dag toe hulle [die groep] gekom het, het ek weer na die polisie gegaan. Hulle het gekom om by my plek met my te baklei. Ek moes in die polisie se wagkamer wag omdat daar nie ’n voertuig beskikbaar was nie.”
Shipanga het herhaal dat hy uit selfverdediging opgetree het.
“Ek het nie geweet ek het hom gesteek nie. Ek wou hê hy moet uit my pad beweeg, want daar was baie mense.”
Kanjimi het verwys na ’n video-opname wat Shipanga in die polisie se wagkamer gewys het en waarin hy ’n mes uit sy broek se rek haal en dit naby ’n venster met diefwering neersit.
“Ek het die mes daar neergesit, ek het dit nie weggegooi nie. Ek het dit daar neergesit vir almal om te sien.”
Volgens Kanjimi was dit egter eers nadat hulle na die video-opname gekyk het dat die polisie gesien het hoe Shipanga die mes uithaal.
Die borgtogverhoor sal op 21 Mei hervat met Haipanguli se broer wat sal getuig.
– [email protected]
Luidens die polisieverslag het ’n groep vriende en familielede, wat Haipanguli ingesluit het, Shipanga op 10 September verlede jaar in Kilimanjarostraat gekonfronteer aangesien hy in Haipanguli se erf was. Dit nadat hy gewaarsku is om nie in die erf te gaan nie.
“Shipanga het na bewering aggressief geraak, Haipanguli gestamp en toe ’n mes uitgepluk. Hy het agter die groep aangehardloop en Haipanguli het geval. Terwyl hy op die grond gelê het, het Shipanga hom twee keer met die mes gesteek, aan die regterkant van sy nek en in sy linkerarm. Haipanguli is op die toneel dood,” lui die polisieverslag.
Tydens Shipanga se borgtogaansoek het staatsaanklaer Annakleta Kanjimi aangedui dat die staat sy borgtog sal teenstaan aangesien dit nie in die openbare belang of die belang van geregtigheid is nie.
“Die beskuldigde is ’n vlugrisiko. Sy veiligheid is ook ’n bekommernis en daar is ’n risiko dat hy verdere misdade kan pleeg,” het Kanjimi gesê.
In Shipanga se verweer het sy regsverteenwoordiger, Albertus Titus, gesê sy kliënt woon sedert 1998 in Walvisbaai. Hy is werksaam by Merlus Fishing en sy hoogste kwalifikasie is graad 4.
“Ek moet vir my familie sorg. Ek het ’n vrou en sewe kinders waarvan die jongste net ’n paar maande oud is en in Desember 2023 gebore is.
“My oudste werk tans, terwyl my ander kinders in die Noorde is waar my familielede hulle versorg. My vrou is werkloos en ek is die enigste broodwinner,” het Shipanga gesê.
Hy het ook na sy ma se dood in Desember 2023 verwys as nog ’n rede waarom hy borgtog moet kry. Volgens Shipanga het hy nog nie die geleentheid gehad om te rou nie.
“Ek is nie ’n vlugrisiko nie, want ek het myself aan die polisie oorgegee. Ek ken die wet en die Grondwet van Namibië, omdat ek ’n vorige vonnis uitgedien het.”
Shipanga beweer hy het op die dag van die voorval uit selfverdediging opgetree.
“Hierdie mense het met knopkieries na my huis gekom, ses van hulle. Ek sal nie vlug nie, want ek was die een wat myself aan die polisie oorgegee het. As ek wou vlug, sou ek dit gedoen het en nie polisie toe gegaan het nie.”
Sou borgtog wel aan hom toegestaan word, sal hy in Swakopmund bly omdat hy bang is om na sy huis terug te keer.
Kanjimi het verwys na ’n petisie dat Shipanga nie borgtog toegestaan moet word nie, omdat hy na bewering na Angola sal vlug.
Hy het dit egter ontken en gesê hy het geen planne om te vlug nie, ten spyte van die feit dat sy broer in Angola werk.
“Daar is niks vir my om in Angola te doen nie. Ek ken die Namibiese wet baie goed,” het Shipanga gesê. Hy het ’n vorige skuldigbevinding vir die besit van gesteelde eiendom erken, waarvoor hy ’n boete van N$3 000 of drie maande tronkstraf opgelê is.
Hy het tydens sy borgtogaansoek volgehou dat hy nie ’n gewelddadige persoon is nie en het saamgestem dat moord ’n ernstige oortreding is. Hy beplan om onskuldig te pleit op die aanklag teen hom.
“Volgens die Grondwet het niemand die reg om iemand anders se lewe te neem nie. Selfs al het ek myself verdedig, was dit nie my bedoeling nie. Ek kan N$2 000 vir borgtog bekostig en sal voldoen aan enige voorwaardes wat daaraan verbonde is.”
Volgens Shipanga het hy op die dag van die voorval in September 2023 hulp by die polisie gesoek.
“Die dag toe hulle [die groep] gekom het, het ek weer na die polisie gegaan. Hulle het gekom om by my plek met my te baklei. Ek moes in die polisie se wagkamer wag omdat daar nie ’n voertuig beskikbaar was nie.”
Shipanga het herhaal dat hy uit selfverdediging opgetree het.
“Ek het nie geweet ek het hom gesteek nie. Ek wou hê hy moet uit my pad beweeg, want daar was baie mense.”
Kanjimi het verwys na ’n video-opname wat Shipanga in die polisie se wagkamer gewys het en waarin hy ’n mes uit sy broek se rek haal en dit naby ’n venster met diefwering neersit.
“Ek het die mes daar neergesit, ek het dit nie weggegooi nie. Ek het dit daar neergesit vir almal om te sien.”
Volgens Kanjimi was dit egter eers nadat hulle na die video-opname gekyk het dat die polisie gesien het hoe Shipanga die mes uithaal.
Die borgtogverhoor sal op 21 Mei hervat met Haipanguli se broer wat sal getuig.
– [email protected]
Kommentaar
Republikein
Geen kommentaar is op hierdie artikel gelaat nie