Drie Fishrotters wil apart verhoor word
Regter Moses Chinhengo het gister in die hoërhof partye ingelig dat hy ’n aansoek van drie Fishrot-beskuldigdes sal aanhoor om afsonderlik van die ander beskuldigdes verhoor te word.
Die voormalige minister van justisie, Sacky Shanghala, het dié aansoek saam met James Hatuikulipi en Pius Mwatelulo gebring.
Die staatsaanklaer Ed Marondedze het aangevoer dat hierdie aansoek voortydig was en eers oorweeg moet word nadat al die beskuldigdes gepleit het.
Hy het ook sy kommer uitgespreek oor die moontlikheid dat Shanghala nog ’n aansoek kan bring indien dié aansoek onsuksesvol is, en dat dit die hoofverhoor nog verder kan vertraag.
Chinhengo het in reaksie gesê dit is die hof se prerogatief om oor die aangeleentheid te besluit. Hy het bygevoeg dat indien Shanghala nog ’n aansoek sou indien, hy dit ongeag sal aanhoor.
HOOFVERHOOR
Die strafverhoor en pleitverrigtinge wat aan die begin van hierdie week sou voortgaan, is vertraag weens die hospitalisasie van Ricardo Gustavo.
Hy het glo onwettig N$22,5 miljoen wins gemaak deur sy betrokkenheid by die saak via die vismaatskappy Namgomar.
Gustavo, wat glo met kongestiewe hartversaking sukkel, is gister uit die hospitaal ontslaan en sal na verwagting vandag in die hof wees.
Mbanga Siyomunji, wat Hatuikulipi verteenwoordig, het daarteen geargumenteer om met die hoofverhoor voort te gaan terwyl tussentydse aansoeke wat deur Shanghala gebring is, hangend is.
Hy het aan die hof gesê dat hierdie aansoeke eers afgehandel moet word voor daar met die hoofverhoor en pleitverrigtinge voortgegaan kan word.
“Dit is in ooreenstemming met die gemenereg, wat bepaal dat een saak afgehandel moet word voor die hof met ’n ander voortgaan,” het Siyomunji gesê.
Chinhengo het Siyomunji egter daaraan herinner dat geen wet vereis dat ’n hoofverhoor heeltemal tot stilstand moet kom weens hangende tussentydse aansoeke nie.
Die regter het Siyomunji verder uitgedaag om hom na so ’n wet te verwys – indien dit bestaan.
“Dit alles is ’n kwessie van omsigtigheid en gerief, maar ek is oortuig genoeg dat dit nie ’n stilstand regverdig nie,” het Chinhengo gesê.
Die besluit om ’n verhoor te onderbreek weens tussentydse aansoeke word gewoonlik in die regspraktyk aan die voorsittende regter oorgelaat.
Die regter sal faktore soos die relevansie en impak van die aansoeke op die hoofverhoor oorweeg. Sommige tussentydse aansoeke mag dalk eers afgehandel moet word voor die hoofverhoor kan voortgaan, terwyl ander gelyktydig hanteer kan word.
Die verhoor sal na verwagting vandag voortduur.
– [email protected]
Die voormalige minister van justisie, Sacky Shanghala, het dié aansoek saam met James Hatuikulipi en Pius Mwatelulo gebring.
Die staatsaanklaer Ed Marondedze het aangevoer dat hierdie aansoek voortydig was en eers oorweeg moet word nadat al die beskuldigdes gepleit het.
Hy het ook sy kommer uitgespreek oor die moontlikheid dat Shanghala nog ’n aansoek kan bring indien dié aansoek onsuksesvol is, en dat dit die hoofverhoor nog verder kan vertraag.
Chinhengo het in reaksie gesê dit is die hof se prerogatief om oor die aangeleentheid te besluit. Hy het bygevoeg dat indien Shanghala nog ’n aansoek sou indien, hy dit ongeag sal aanhoor.
HOOFVERHOOR
Die strafverhoor en pleitverrigtinge wat aan die begin van hierdie week sou voortgaan, is vertraag weens die hospitalisasie van Ricardo Gustavo.
Hy het glo onwettig N$22,5 miljoen wins gemaak deur sy betrokkenheid by die saak via die vismaatskappy Namgomar.
Gustavo, wat glo met kongestiewe hartversaking sukkel, is gister uit die hospitaal ontslaan en sal na verwagting vandag in die hof wees.
Mbanga Siyomunji, wat Hatuikulipi verteenwoordig, het daarteen geargumenteer om met die hoofverhoor voort te gaan terwyl tussentydse aansoeke wat deur Shanghala gebring is, hangend is.
Hy het aan die hof gesê dat hierdie aansoeke eers afgehandel moet word voor daar met die hoofverhoor en pleitverrigtinge voortgegaan kan word.
“Dit is in ooreenstemming met die gemenereg, wat bepaal dat een saak afgehandel moet word voor die hof met ’n ander voortgaan,” het Siyomunji gesê.
Chinhengo het Siyomunji egter daaraan herinner dat geen wet vereis dat ’n hoofverhoor heeltemal tot stilstand moet kom weens hangende tussentydse aansoeke nie.
Die regter het Siyomunji verder uitgedaag om hom na so ’n wet te verwys – indien dit bestaan.
“Dit alles is ’n kwessie van omsigtigheid en gerief, maar ek is oortuig genoeg dat dit nie ’n stilstand regverdig nie,” het Chinhengo gesê.
Die besluit om ’n verhoor te onderbreek weens tussentydse aansoeke word gewoonlik in die regspraktyk aan die voorsittende regter oorgelaat.
Die regter sal faktore soos die relevansie en impak van die aansoeke op die hoofverhoor oorweeg. Sommige tussentydse aansoeke mag dalk eers afgehandel moet word voor die hoofverhoor kan voortgaan, terwyl ander gelyktydig hanteer kan word.
Die verhoor sal na verwagting vandag voortduur.
– [email protected]
Kommentaar
Republikein
Geen kommentaar is op hierdie artikel gelaat nie