'Dwelmhandelaars' bly agter tralies
N$1,7 miljoen se daggaplante
Die ma en dogter is Sondagoggend op 'n plot naby die Oamites Agri-eenhede in hegtenis geneem.
Waltraut Stiemert en haar 25-jarige dogter, Vicky Stiemert, het hul eerste verskyning in die landdroshof op Rehoboth gemaak op aanklagte van die handel in en besit van 87 daggaplante met ’n geraamde waarde van N$1,7 miljoen wat op hul plaas gevind is.
Ma en dogter staar elk twee aanklagte in die gesig en wel vir die handel in en besit van afhanklikheidsvormende middels. Hulle sal weer op 28 Januarie in die hof verskyn vir ’n formele aansoek om borgtog.
Die 56-jarige Waltraut en haar dogter is Sondag omstreeks 07:00 op ’n plot naby die Oamites Agri-eenhede in hegtenis geneem, danksy ’n intelligensiegeleide en gesamentlike misdaadvoorkomingsoperasie tussen Rehoboth se dwelmeenheid en lede van die Groot Aub-polisiekantoor.
Die staat, wat deur die aanklaer Frank Tjibeba verteenwoordig word, staan borgtog teen.
“Ondersoeke is nog in die voorlopige stadium en ons is bang hulle sal met die ondersoek inmeng en verdere soortgelyke oortredings begaan.
“Die waarde van die dwelms is ook baie hoog. Dwelms teister ons samelewing en vernietig sy morele kompas,” het hy gesê.
– [email protected]
Ma en dogter staar elk twee aanklagte in die gesig en wel vir die handel in en besit van afhanklikheidsvormende middels. Hulle sal weer op 28 Januarie in die hof verskyn vir ’n formele aansoek om borgtog.
Die 56-jarige Waltraut en haar dogter is Sondag omstreeks 07:00 op ’n plot naby die Oamites Agri-eenhede in hegtenis geneem, danksy ’n intelligensiegeleide en gesamentlike misdaadvoorkomingsoperasie tussen Rehoboth se dwelmeenheid en lede van die Groot Aub-polisiekantoor.
Die staat, wat deur die aanklaer Frank Tjibeba verteenwoordig word, staan borgtog teen.
“Ondersoeke is nog in die voorlopige stadium en ons is bang hulle sal met die ondersoek inmeng en verdere soortgelyke oortredings begaan.
“Die waarde van die dwelms is ook baie hoog. Dwelms teister ons samelewing en vernietig sy morele kompas,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie