ECN se bates in gedrang
Die hoërhof in Windhoek het ’n beslagleggingsbevel teen die Verkiesingskommissie van Namibië (ECN) uitgereik nadat die kommissie versuim het om die Namibia Economic Freedom Fighters (NEFF) se regskoste van meer as N$100 000 te dek.
Dit volg op ’n omstrede saak wat deur NEFF gewen is, nadat die ECN die party in Junie verlede jaar as ’n politieke party gederegistreer het. NEFF is deur Kadhila Amoomo verteenwoordig.
Die hofbevel gee die adjunkbalju die reg om op die ECN se roerende bates by die Sanlam-gebou in Windhoek beslag te lê en op te veil om die N$102 859,72 te verhaal.
Die beslissing spruit uit ’n besluit deur hoërhofregter Thomas Masuku wat bevind het die ECN het sy eie regulasies oortree deur NEFF te deregistreer sonder om eers ’n verhoor toe te staan.
Die party is gederegistreer nadat hy versuim het om geouditeerde finansiële state vir 2022-’23 in te dien asook om verkorte weergawes van geouditeerde state vir 2020-’21 en 2021-’22 in twee koerante, wat wyd versprei word en soos deur die wet vereis word, te publiseer.
Masuku het beslis dat, hoewel NEFF nie aan die ECN se ouditvereistes voldoen het nie, die kommissie die party die geleentheid moes gegee het om gehoor te word of ouditeure op sy eie onkoste aan te stel voordat die ECN besluit het om die party te deregistreer.
“Dit wil nie voorkom of die [ECN] enigsins op hierdie bepaling staatgemaak het met betrekking tot die mislukkings en nienakoming van [NEFF] rakende hierdie bepaling nie,” het die regter gesê.
STAPPE
Masuku sê dit blyk die kommissie het bloot gefokus op die sperdatum van 21 dae vir NEFF om sy ouditverslae in te dien, sonder om ander aspekte van die wet te oorweeg.
“Dis belangrik om te noem dat buiten die tydperk van 21 dae soos vervat in afdeling 139(4) van die verkiesingswet, die bepalings van afdeling 152 vereis dat die oortredende party ’n verhoor toegestaan moet word voordat die party se registrasie gekanselleer word,” het hy gesê.
“Eerstens moet die oortredende party ’n kennisgewing ontvang om binne ’n tydperk van 21 dae aan die vereistes te voldoen.
“Sou die party versuim om dit te doen, moet laasgenoemde ingelig word dat die ECN oorweeg om die party te deregistreer aangesien daar nie aan die vereistes voldoen is nie.
“Die politieke party moet dan bewyse lewer waarom die deregistrasie nie moet plaasvind nie. Ek is geneig om te glo dat NEFF aan die kortste end getrek het.
“Dit was die geval ten spyte van die vereiste van 'n verhoor wat aan hulle toegestaan moes word. Hulle is duidelik die voordeel van hierdie bekende beginsel ontneem,” het Masuku gesê.
NEFF se president, Epafras Mukwiilongo, het 3 978 stemme in die presidensiële en Nasionale Vergadering (NV)-verkiesing in November verlede jaar op hom verenig en het een setel in die NV gewen.
– [email protected]
Dit volg op ’n omstrede saak wat deur NEFF gewen is, nadat die ECN die party in Junie verlede jaar as ’n politieke party gederegistreer het. NEFF is deur Kadhila Amoomo verteenwoordig.
Die hofbevel gee die adjunkbalju die reg om op die ECN se roerende bates by die Sanlam-gebou in Windhoek beslag te lê en op te veil om die N$102 859,72 te verhaal.
Die beslissing spruit uit ’n besluit deur hoërhofregter Thomas Masuku wat bevind het die ECN het sy eie regulasies oortree deur NEFF te deregistreer sonder om eers ’n verhoor toe te staan.
Die party is gederegistreer nadat hy versuim het om geouditeerde finansiële state vir 2022-’23 in te dien asook om verkorte weergawes van geouditeerde state vir 2020-’21 en 2021-’22 in twee koerante, wat wyd versprei word en soos deur die wet vereis word, te publiseer.
Masuku het beslis dat, hoewel NEFF nie aan die ECN se ouditvereistes voldoen het nie, die kommissie die party die geleentheid moes gegee het om gehoor te word of ouditeure op sy eie onkoste aan te stel voordat die ECN besluit het om die party te deregistreer.
“Dit wil nie voorkom of die [ECN] enigsins op hierdie bepaling staatgemaak het met betrekking tot die mislukkings en nienakoming van [NEFF] rakende hierdie bepaling nie,” het die regter gesê.
STAPPE
Masuku sê dit blyk die kommissie het bloot gefokus op die sperdatum van 21 dae vir NEFF om sy ouditverslae in te dien, sonder om ander aspekte van die wet te oorweeg.
“Dis belangrik om te noem dat buiten die tydperk van 21 dae soos vervat in afdeling 139(4) van die verkiesingswet, die bepalings van afdeling 152 vereis dat die oortredende party ’n verhoor toegestaan moet word voordat die party se registrasie gekanselleer word,” het hy gesê.
“Eerstens moet die oortredende party ’n kennisgewing ontvang om binne ’n tydperk van 21 dae aan die vereistes te voldoen.
“Sou die party versuim om dit te doen, moet laasgenoemde ingelig word dat die ECN oorweeg om die party te deregistreer aangesien daar nie aan die vereistes voldoen is nie.
“Die politieke party moet dan bewyse lewer waarom die deregistrasie nie moet plaasvind nie. Ek is geneig om te glo dat NEFF aan die kortste end getrek het.
“Dit was die geval ten spyte van die vereiste van 'n verhoor wat aan hulle toegestaan moes word. Hulle is duidelik die voordeel van hierdie bekende beginsel ontneem,” het Masuku gesê.
NEFF se president, Epafras Mukwiilongo, het 3 978 stemme in die presidensiële en Nasionale Vergadering (NV)-verkiesing in November verlede jaar op hom verenig en het een setel in die NV gewen.
– [email protected]
Kommentaar
Republikein
Geen kommentaar is op hierdie artikel gelaat nie