Esau, Gustavo appelleer teen Miller se beslissing

Twee Fishrot-beskuldigdes het ’n aansoek om verlof tot appèl by die hoërhof in Windhoek ingedien om ’n aansoek in die hooggeregshof te bring teen regter Kobus Miller se besluit om homself nie van die saak te onttrek nie.Mnre. Ricardo Gustavo en Bernard Esau, die voormalige minister van visserye en mariene hulpbronne, se aansoek dat Miller homself van die Fishrot-verhoor – waarin al tien beskuldigdes voor een regter sal verskyn – moet onttrek, is van die hand gewys.Miller het in die verlede sake van Esau en Gustavo behartig en die twee beweer dat hy partydig sal wees indien hy as regter aanbly.Gustavo se regsverteenwoordiger, mnr. Trevor Brockerhoff, het gister tydens hofverrigtinge aangevoer dat ’n ander hof moontlik tot ’n ander beslissing sal kom. Hulle hoop om verlof tot appèl te verkry sodat die hooggeregshof hulle oor dié kwessie kan aanhoor.“Edelagbare het reeds bevindinge gemaak op grond van bewyse en het bevind dat die staat ’n prima facie-saak teen die applikante [Esau en Gustavo] het en die verhoor het nog nie eens begin nie.“Ons voer aan dat, my edelagbare, (u) nie onpartydig kan wees nadat sulke bevindinge reeds gemaak is nie,” beweer Brockerhoff.Hy meen ook dat indien Miller as regter sou aanbly, dit inbreek op die applikante se reg tot ’n regverdige verhoor sal maak.Miller sal op 29 Julie uitspraak in dié aansoek om verlof tot appèl lewer.REGTER-PRESIDENTNá die samevoeging van twee sake, Fishrot en Namgomar, in 2020 sal al tien beskuldigdes voor een regter verskyn. Die saak het reeds voor verskeie regters voorgekom. Sommige van die regters het hulself onttrek weens die botsing van belange en die gedurige onttrekking van regters het vertragings veroorsaak.Die regter-president het daarna vir Miller aangestel om die saak aan te hoor. Ná die aanstelling het Brockerhoff reeds aangedui dat hulle teen die regterpresident se beslissing gaan appelleer.TIEN BESKULDIGDESGustavo is tans die enigste van die tien beskuldigdes wat op borgtog vrygelaat is. Ses van die beskuldigdes, mnre. Mike Nghipunya, James Hatuikulipi, Sacky Shanghala, Otneel Shuudifonya, Pius Mwatelulo en Phillipus Mwapopi se aansoek om borgtog is van die hand gewys.Uitspraak oor hul aansoek om verlof om teen die hooggeregshof se uitspraak te appelleer, sal vandeesweek gelewer word.Mnr. Tamson (Fitty) Hatuikulipi doen tans vir die tweede keer aansoek om borgtog gebaseer op nuwe feite en die verhoor, wat verlede week begin het, sal op 23 Augustus hervat.Esau is in aanhouding en medebeskuldigde mnr. Marén de Klerk is na bewering in Suid-Afrika en ’n uitleweringsbevel is vir hom uitgereik.kristien@republikein.com.na

Esau, Gustavo appelleer teen Miller se beslissing

Kommentaar

Republikein 2025-04-11

Meld asseblief aan om kommentaar te lewer

Esau, Gustavo appelleer teen Miller se beslissing

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie