Fishrot: ACC soek glo nuwe verklarings
Staat jok, sê Shanghala
Die voormalige minister van justisie beweer 'n ACC-ondersoeker vra getuies om hul verklarings te verander.
Die Fishrot beskuldigde Sacky Shanghala het Vrydag in die hoërhof aangevoer dat ’n ondersoekbeampte van die Teenkorrupsiekommissie van Namibië (ACC) werknemers by die ministerie van visserye en mariene hulpbronne vra om hul verklarings te verander.
"Daar is ’n ene Andreas Kanyangela (hoofondersoekbeampte) by die ministerie van visserye wat mense vra om hul verklarings te verander," het hy voor regter Moses Chinhengo gesê in ’n ex-parte aansoek waarin Shanghala, Tamson (Fitty) Hatuikulipi en Pius Mwatelulo vra dat Chinhengo homself van hul verhoor verwyder. Onder meer beweer Shanghala dat Chinhengo se dienskontrak sedert 1 Januarie vanjaar nie meer geldig is nie omdat dit glo verval het.
Shanghala het ook aangevoer dat die staat se saak nie in die strewe na geregtigheid gewortel is nie. "As dit gegaan het oor die wet, sou hulle nie die leuens vertel het wat hulle doen nie," het hy gesê.
Die voormalige minister van justisie beweer ook dat die staat nie met hom en sy medebeskuldigdes oop kaarte speel nie. Hy beweer inligting is van hulle weerhou. "Hoekom is daar ’n nuwe openbaarmaking met elke borgtogaansoek? Hoekom moet jy (Chinhengo) hulle glo?"
Regter Moses Chinhengo het vir Shanghala gerusgestel deur te verduidelik dat hy (Shanghala) eenvoudig kan sê wanneer hy voel die staat se bewerings is nie waar nie. "Ek moet ’n besluit neem op wat ek glo is relevante betoë. Moet jou nie te veel bekommer of hulle jok of nie. Jy kan net aandui dat dit jou siening is dat hulle bewerings nie houdbaar is nie en dan vat ons dit van daar af," het Chinhengo gesê.
Een van die drie staatsaanklaers in die Fishrot-verhoor, Ed Marondedze, het in antwoord op Shanghala se bewerings dat hulle inligting weerhou, gesê hulle was nie van plan om te steun op die betrokke inligting nie. Marondedze het verwys na inligting wat glo in Desember 2023 deur die beskuldigdes aangevra is. "Die inligting is eers in Desember 2023 aangevra - die staat het sy voorverhoor-memorandum in 2020 bekendgemaak. As hulle dit in April 2021 aangevra het, sou hulle dit toe reeds gekry het. Die staat het nooit gesê hy gaan op daardie dokumente staatmaak nie," het hy gesê.
Die staat word vereis om die bewyse waarop hy sal staatmaak in ’n kriminele verhoor openbaar te maak om te sorg dat die beskuldigdes hul verweer kan voorberei.
Chinhengo het hierop geantwoord dat die informele manier waarop kwessies, soos die deel van inligting, in die verhoor hanteer word, dit moeilik maak om ander kwessies in die hof aan te spreek.
Regter Moses Chinhengo sal na verwagting op 8 Augustus uitspraak lewer in die ex-parte aansoek.
- [email protected]
"Daar is ’n ene Andreas Kanyangela (hoofondersoekbeampte) by die ministerie van visserye wat mense vra om hul verklarings te verander," het hy voor regter Moses Chinhengo gesê in ’n ex-parte aansoek waarin Shanghala, Tamson (Fitty) Hatuikulipi en Pius Mwatelulo vra dat Chinhengo homself van hul verhoor verwyder. Onder meer beweer Shanghala dat Chinhengo se dienskontrak sedert 1 Januarie vanjaar nie meer geldig is nie omdat dit glo verval het.
Shanghala het ook aangevoer dat die staat se saak nie in die strewe na geregtigheid gewortel is nie. "As dit gegaan het oor die wet, sou hulle nie die leuens vertel het wat hulle doen nie," het hy gesê.
Die voormalige minister van justisie beweer ook dat die staat nie met hom en sy medebeskuldigdes oop kaarte speel nie. Hy beweer inligting is van hulle weerhou. "Hoekom is daar ’n nuwe openbaarmaking met elke borgtogaansoek? Hoekom moet jy (Chinhengo) hulle glo?"
Regter Moses Chinhengo het vir Shanghala gerusgestel deur te verduidelik dat hy (Shanghala) eenvoudig kan sê wanneer hy voel die staat se bewerings is nie waar nie. "Ek moet ’n besluit neem op wat ek glo is relevante betoë. Moet jou nie te veel bekommer of hulle jok of nie. Jy kan net aandui dat dit jou siening is dat hulle bewerings nie houdbaar is nie en dan vat ons dit van daar af," het Chinhengo gesê.
Een van die drie staatsaanklaers in die Fishrot-verhoor, Ed Marondedze, het in antwoord op Shanghala se bewerings dat hulle inligting weerhou, gesê hulle was nie van plan om te steun op die betrokke inligting nie. Marondedze het verwys na inligting wat glo in Desember 2023 deur die beskuldigdes aangevra is. "Die inligting is eers in Desember 2023 aangevra - die staat het sy voorverhoor-memorandum in 2020 bekendgemaak. As hulle dit in April 2021 aangevra het, sou hulle dit toe reeds gekry het. Die staat het nooit gesê hy gaan op daardie dokumente staatmaak nie," het hy gesê.
Die staat word vereis om die bewyse waarop hy sal staatmaak in ’n kriminele verhoor openbaar te maak om te sorg dat die beskuldigdes hul verweer kan voorberei.
Chinhengo het hierop geantwoord dat die informele manier waarop kwessies, soos die deel van inligting, in die verhoor hanteer word, dit moeilik maak om ander kwessies in die hof aan te spreek.
Regter Moses Chinhengo sal na verwagting op 8 Augustus uitspraak lewer in die ex-parte aansoek.
- [email protected]
Kommentaar
Republikein
Geen kommentaar is op hierdie artikel gelaat nie