Fishrotters faal in saak oor skuif binne tronk
Saak van rol geskrap
Die hoërhof het bevind dat die Fishrot-beskuldigdes se hofaansoek teen hulle skuif tussen eenhede in die tronk, nie dringend is nie.
“Die klagtes wat die applikante [Fishrot-beskuldigdes] geopper het oor die besluit om hulle te hervestig, is bekommernisse van elke verhoorafwagtende gevangene wat van ’n afsonderlike sel na ’n gemeenskaplike eenheid geskuif is.”
Só het regter Boas Usiku gister in die hoërhof in Windhoek gesê toe hy ’n dringende aansoek van sommige van die Fishrot-beskuldigdes van die rol geskrap het.
Lede van die Namibiese Korrektiewe Dienste het in Mei vanjaar besluit dat vyf van die beskuldigdes geskuif moet word van die Windhoek Sentrale Gevangenis se C-afdeling – waar hulle sedert hulle arrestasie aangehou word – na die tronk se echo-eenheid waar hulle saam met ander verhoorafwagtendes aangehou sal word.
Sewe van die Fishrotters het daarna die hoërhof in Windhoek genader met ’n dringende aansoek en het ’n tussentydse interdik gesoek om te verhoed dat dié besluit geïmplementeer word.
NIE DRINGEND
Usiku het beslis die saak voldoen nie aan die vereistes vir die aansoek om op ’n dringende basis aangehoor te word nie.
“Ek is nie oortuig daarvan dat die applikante voldoen het aan die vereistes van die afwesigheid van ’n wesenlike regstelling by ’n verhoor wat later aangehoor kan word nie.
“Indien die saak gebring word om mettertyd aangehoor te word, sal die applikante steeds hul saak kan bewys en aansienlike regstelling verkry, sou die hof in hul guns beslis,” lui Usiku se uitspraak.
Usiku het ook die sewe aansoekers beveel om die minister van binnelandse sake, immigrasie, veiligheid en sekuriteit en die gevangenisowerhede se regskoste te betaal.
Die sewe beskuldigdes wat die aansoek gebring het, is Sacky Shanghala, Mike Nghipunya, James Hatuikulipi, Ricardo Gustavo, Pius Mwatelulo, Otneel Shuudifonya en Phillipus Mwapopi.
Die tronkowerhede het aan die begin van Mei vir Hatuikulipi, Nghipunya, Gustavo, Shuudifonya en Mwatelulo van die gevangenis se C-afdeling na ’n ander eenheid geskuif.
REDES
Hatuikulipi het in ’n verklaring aangevoer dat daar vrese bestaan oor sy en sy medebeskuldigdes se veiligheid in die nuwe eenheid.
Gustavo se gesondheid was ook een van die gronde waarop hulle die skuif teengestaan het. Hatuikulipi het in sy verklaring aangevoer dat die nuwe eenheid sy gesondheid verder sou benadeel.
Die hoofrede vir hul onwilligheid om te skuif, was egter omdat dit glo hul vermoë om vir hul verhoor voor te berei, sou belemmer.
– [email protected]
Só het regter Boas Usiku gister in die hoërhof in Windhoek gesê toe hy ’n dringende aansoek van sommige van die Fishrot-beskuldigdes van die rol geskrap het.
Lede van die Namibiese Korrektiewe Dienste het in Mei vanjaar besluit dat vyf van die beskuldigdes geskuif moet word van die Windhoek Sentrale Gevangenis se C-afdeling – waar hulle sedert hulle arrestasie aangehou word – na die tronk se echo-eenheid waar hulle saam met ander verhoorafwagtendes aangehou sal word.
Sewe van die Fishrotters het daarna die hoërhof in Windhoek genader met ’n dringende aansoek en het ’n tussentydse interdik gesoek om te verhoed dat dié besluit geïmplementeer word.
NIE DRINGEND
Usiku het beslis die saak voldoen nie aan die vereistes vir die aansoek om op ’n dringende basis aangehoor te word nie.
“Ek is nie oortuig daarvan dat die applikante voldoen het aan die vereistes van die afwesigheid van ’n wesenlike regstelling by ’n verhoor wat later aangehoor kan word nie.
“Indien die saak gebring word om mettertyd aangehoor te word, sal die applikante steeds hul saak kan bewys en aansienlike regstelling verkry, sou die hof in hul guns beslis,” lui Usiku se uitspraak.
Usiku het ook die sewe aansoekers beveel om die minister van binnelandse sake, immigrasie, veiligheid en sekuriteit en die gevangenisowerhede se regskoste te betaal.
Die sewe beskuldigdes wat die aansoek gebring het, is Sacky Shanghala, Mike Nghipunya, James Hatuikulipi, Ricardo Gustavo, Pius Mwatelulo, Otneel Shuudifonya en Phillipus Mwapopi.
Die tronkowerhede het aan die begin van Mei vir Hatuikulipi, Nghipunya, Gustavo, Shuudifonya en Mwatelulo van die gevangenis se C-afdeling na ’n ander eenheid geskuif.
REDES
Hatuikulipi het in ’n verklaring aangevoer dat daar vrese bestaan oor sy en sy medebeskuldigdes se veiligheid in die nuwe eenheid.
Gustavo se gesondheid was ook een van die gronde waarop hulle die skuif teengestaan het. Hatuikulipi het in sy verklaring aangevoer dat die nuwe eenheid sy gesondheid verder sou benadeel.
Die hoofrede vir hul onwilligheid om te skuif, was egter omdat dit glo hul vermoë om vir hul verhoor voor te berei, sou belemmer.
– [email protected]
Kommentaar
Republikein
Geen kommentaar is op hierdie artikel gelaat nie