Gevangenes wen hofsaak teen tronkowerhede
Die hoërhof in Windhoek het Vrydag ’n besluit van die Namibiese Korrektiewe Dienste (NCS) om gevangenes wat aanlyn studeer se internettoestelle af te vat, tersyde gestel.
Dit volg nadat 18 gevangenes van die Windhoek Sentrale Gevangenis wat by verskillende instellings studeer, die hof genader het.
Die applikante het beweer dat NCS-lede in Februarie hul skootrekenaars afgevat het om administratiewe wagwoorde te installeer en daarna hulle internettoestelle (dongles) afgevat het.
Die rede waarom owerhede glo die toestelle afgevat het, was omdat dit na hul mening nie meer nodig was nie aangesien koordlose internetverbinding (WiFi) by die geriewe geïnstalleer is.
UITSPRAAK
Regter Herman Oosthuizen het beveel dat die besluit om die toestelle af te neem, hersien en tersyde gestel word.
Hy het in sy uitspraak gesteun op die wet op korrektiewe dienste waarin afdeling 77(2) die kommissaris-generaal van die NCS, Raphael Hamunyela, magtiging gee om enige voordele aan ’n gevangenes te gee soos hy dit goeddink.
Op grond hiervan het Oosthuizen bevind dat die gevangenes wat van die internet vir hul studies afhanklik is, gemagtig is om die toestelle te gebruik.
Die wet, in afdeling 77(3), stipuleer verder dat Hamunyela ook die mag het om enige voordele terug te trek, op voorwaarde dat die gevangenes geleentheid gegun word om aangehoor te word.
Oosthuizen het bevind dat die applikante nie ’n geleentheid gegun is om vertoë te lewer voor die besluit geneem is nie.
Die saak is teen die ministerie van binnelandse sake, immigrasie, veiligheid en sekuriteit, die kommissaris-generaal van die NCS, die hoof van die inligting- en tegnologie-afdeling van die NCS, die hoof van onderrig in die NCS en die hoof van die Windhoek Korrektiewe Geriewe gemaak.
Geen kostebevel is gemaak nie en die saak is afgehandel en van die rol geskrap.
STUDENTE
Die studente wat die hofsaak gebring het sluit eerstejaar- tot finalejaarstudente van die Universiteit van Namibië (Unam), die Namibiese Instituut vir Wetenskap en Tegnologie (Nust) en die Namibiese Kollege vir Afstandonderrig in.
Hul studierigtings sluit in regte, menslike hulpbronbestuur, sakebestuur, ekonomie en kommunikasie.
Een van die applikante is besig met sy honneursgraad in logistieke en aankoopbestuur.
Die studente is Rodney Shaningua, Licius Hindjou, Kleopas Kapalanga, Bennet Mutuso, Lazarus Awaseb, Manga Challo, George Gaeseb, Adriano Both, Weldrid Langerman, Henry Johns, Thaddeus Ndala, Elias Saaiman, Nicolaas Josea, Dumingu Costa, Linus Nzwana, Elvis Rukoro, Lemegius Kalwenya en Joseph Ndeshilongela.
– [email protected]
Dit volg nadat 18 gevangenes van die Windhoek Sentrale Gevangenis wat by verskillende instellings studeer, die hof genader het.
Die applikante het beweer dat NCS-lede in Februarie hul skootrekenaars afgevat het om administratiewe wagwoorde te installeer en daarna hulle internettoestelle (dongles) afgevat het.
Die rede waarom owerhede glo die toestelle afgevat het, was omdat dit na hul mening nie meer nodig was nie aangesien koordlose internetverbinding (WiFi) by die geriewe geïnstalleer is.
UITSPRAAK
Regter Herman Oosthuizen het beveel dat die besluit om die toestelle af te neem, hersien en tersyde gestel word.
Hy het in sy uitspraak gesteun op die wet op korrektiewe dienste waarin afdeling 77(2) die kommissaris-generaal van die NCS, Raphael Hamunyela, magtiging gee om enige voordele aan ’n gevangenes te gee soos hy dit goeddink.
Op grond hiervan het Oosthuizen bevind dat die gevangenes wat van die internet vir hul studies afhanklik is, gemagtig is om die toestelle te gebruik.
Die wet, in afdeling 77(3), stipuleer verder dat Hamunyela ook die mag het om enige voordele terug te trek, op voorwaarde dat die gevangenes geleentheid gegun word om aangehoor te word.
Oosthuizen het bevind dat die applikante nie ’n geleentheid gegun is om vertoë te lewer voor die besluit geneem is nie.
Die saak is teen die ministerie van binnelandse sake, immigrasie, veiligheid en sekuriteit, die kommissaris-generaal van die NCS, die hoof van die inligting- en tegnologie-afdeling van die NCS, die hoof van onderrig in die NCS en die hoof van die Windhoek Korrektiewe Geriewe gemaak.
Geen kostebevel is gemaak nie en die saak is afgehandel en van die rol geskrap.
STUDENTE
Die studente wat die hofsaak gebring het sluit eerstejaar- tot finalejaarstudente van die Universiteit van Namibië (Unam), die Namibiese Instituut vir Wetenskap en Tegnologie (Nust) en die Namibiese Kollege vir Afstandonderrig in.
Hul studierigtings sluit in regte, menslike hulpbronbestuur, sakebestuur, ekonomie en kommunikasie.
Een van die applikante is besig met sy honneursgraad in logistieke en aankoopbestuur.
Die studente is Rodney Shaningua, Licius Hindjou, Kleopas Kapalanga, Bennet Mutuso, Lazarus Awaseb, Manga Challo, George Gaeseb, Adriano Both, Weldrid Langerman, Henry Johns, Thaddeus Ndala, Elias Saaiman, Nicolaas Josea, Dumingu Costa, Linus Nzwana, Elvis Rukoro, Lemegius Kalwenya en Joseph Ndeshilongela.
– [email protected]
Kommentaar
Republikein
Geen kommentaar is op hierdie artikel gelaat nie