Hofgeskil oor mynaktiwiteite in duur voort
In toerismekonsessie naby Khorixas
Die kwessie handel oor die konstruksie van 'n pad wat na bewering skade aan die omgewing veroorsaak.
Besorgde bestuurders van bewaringsgebiede en toerisme-operateurs is vandag (Vrydag) terug in die hof vir nog ’n dringende aansoek vir 'n tussentydse interdik om enige mynaktiwiteite in 'n toerismekonsessie in die Khorixas-gebied te verhoed.
Doro !Nawas-, Ûibasen Twyfelfontein-bewaringsgebied, die ≠Aodaman Tradisionele Owerheid en die maatskappy Ultimate Safaris het die dringende aansoek by die hoërhof in Windhoek teen Ottilie Ndimulunde aanhangig gemaak. Ndimulunde het myneise in die betrokke area en het na bewering die konstruksie van ’n pad in die konsessie hervat wat na bewering skade aan die omgewing veroorsaak.
Die nuutste hofaansoek volg kort nadat Ultimate Safaris se vorige dringende aansoek verlede week Vrydag van die rol geskrap is weens gebrek aan dringendheid.
Die uitgerekte hofgeskil het begin met ’n dringende aansoek teen Timoteus Mashuna nadat dit ontdek is dat hy besig was om 'n pad na die gebeid van sy myneise te bou wat in die proses omgewingskade veroorsaak het. Dié pad was glo gelykstaande aan die grootte en skaal van 'n distrikspad.
Die hof het die aansoek vir ’n interdik toegestaan wat konstruksie in hierdie gebied beplet het. Ndimulunde het egter na bewering padkonstruksie daarna hervat.
Volgens hofstukke het die applikante bewus geword van die feit dat Ndimulunde 'n Omgewingsklaringsertifikaat het wat haar gemagtig om voort te gaan met mynaktiwiteite op grond van die myneise.
“Gevolglik het die applikante hul regspraktisyns van rekord opdrag gegee om 'n brief aan Ndimulunde te rig wat verduidelik dat 'n hofbevel teen Mashuna verkry is en dat die konstruksie van die nuwe pad ’n oortreding van die omgewingswet en die voorwaardes verbonde aan die omgewingsklaringsertifikaat is.”
Die applikante is glo ook in kennis gestel dat die kontrakteurs wat aan die pad werk, dit namens beide die Ndimulunde en Mashuna doen.
Die beëdigde verklaring het verder gesê dat die applikante ontdek het dat Ndimulunde en/of Mashuna grondwater uit die gemeenskap se boorgate binne die grense van die bewaringsgebied onttrek.
“Ndimulunde het duidelik die wet en die omgewingsvoorwaardes wat aan haar omgewingsklaringsertifikaat gekoppe is, oortree en aansienlike skade aan die omgewing aangerig,” lui die verklaring.
Regter Esi Schimming-Chase sal na verwagting vandag die dringende aansoek aanhoor.
– [email protected]
Doro !Nawas-, Ûibasen Twyfelfontein-bewaringsgebied, die ≠Aodaman Tradisionele Owerheid en die maatskappy Ultimate Safaris het die dringende aansoek by die hoërhof in Windhoek teen Ottilie Ndimulunde aanhangig gemaak. Ndimulunde het myneise in die betrokke area en het na bewering die konstruksie van ’n pad in die konsessie hervat wat na bewering skade aan die omgewing veroorsaak.
Die nuutste hofaansoek volg kort nadat Ultimate Safaris se vorige dringende aansoek verlede week Vrydag van die rol geskrap is weens gebrek aan dringendheid.
Die uitgerekte hofgeskil het begin met ’n dringende aansoek teen Timoteus Mashuna nadat dit ontdek is dat hy besig was om 'n pad na die gebeid van sy myneise te bou wat in die proses omgewingskade veroorsaak het. Dié pad was glo gelykstaande aan die grootte en skaal van 'n distrikspad.
Die hof het die aansoek vir ’n interdik toegestaan wat konstruksie in hierdie gebied beplet het. Ndimulunde het egter na bewering padkonstruksie daarna hervat.
Volgens hofstukke het die applikante bewus geword van die feit dat Ndimulunde 'n Omgewingsklaringsertifikaat het wat haar gemagtig om voort te gaan met mynaktiwiteite op grond van die myneise.
“Gevolglik het die applikante hul regspraktisyns van rekord opdrag gegee om 'n brief aan Ndimulunde te rig wat verduidelik dat 'n hofbevel teen Mashuna verkry is en dat die konstruksie van die nuwe pad ’n oortreding van die omgewingswet en die voorwaardes verbonde aan die omgewingsklaringsertifikaat is.”
Die applikante is glo ook in kennis gestel dat die kontrakteurs wat aan die pad werk, dit namens beide die Ndimulunde en Mashuna doen.
Die beëdigde verklaring het verder gesê dat die applikante ontdek het dat Ndimulunde en/of Mashuna grondwater uit die gemeenskap se boorgate binne die grense van die bewaringsgebied onttrek.
“Ndimulunde het duidelik die wet en die omgewingsvoorwaardes wat aan haar omgewingsklaringsertifikaat gekoppe is, oortree en aansienlike skade aan die omgewing aangerig,” lui die verklaring.
Regter Esi Schimming-Chase sal na verwagting vandag die dringende aansoek aanhoor.
– [email protected]
Kommentaar
Republikein
Geen kommentaar is op hierdie artikel gelaat nie