Kinderverkragter wil teen vonnis appelleer
Skuldig bevind op 32 klagtes van verkragting
Die man wat skuldig bevind is aan die verkragting van talle skoolseuns op Otjiwarongo, wil teen sy vonnis en skuldigbevinding appelleer.
’n Koshuisopsigter wat verskeie skoolseuns tussen die ouderdomme van 13 en 17 verkrag het en tot 68 jaar tronkstraf gevonnis is, doen tans aansoek by die hoërhof in Windhoek om teen sy skuldigbevinding en vonnisoplegging in die hooggeregshof te appelleer.
Mervin Nguyapeua (53) het gister sonder regsverteenwoordiging voor regter Kobus Miller verskyn. Hy het die hof ingelig dat hy reeds aansoek om regshulp gedoen het, maar hy nog wag vir ’n verteenwoordiger om aangewys te word.
Miller het die saak tot 19 Julie uitgestel.
Nguyapeua het eers as skoonmaker en in die kombuis van die skoolkoshuis op Otjiwarongo gewerk en is later as een van die superintendente aangestel.
Hy het die koshuisseuns na sy huis genooi en pornografie aan hulle gewys. Dit is glo gebruik om die seuns seksueel in versoeking te bring waarna hy hulle seksueel aangerand het.
“Die kliniese sielkundige wat met die slagoffers werk, het bevind dat hulle subtiel en deeglik voorberei is. Die molesterings sou nie aan die lig gekom het as die beskuldigde nie probeer het om ’n seun wat nie in die koshuis gewoon het, te molesteer nie,” het die staatsaanklaer me. Seredine Jacobs in haar finale betoë voor vonnisoplegging aangevoer.
EFFEKTIEF 480 JAAR
Nguyapeua is reeds in 2016 in hegtenis geneem en is op 20 Oktober 2020 skuldig bevind op 32 klagte van verkragting.
Hy is op 8 Maart gevonnis en die uitspraak het uitgewys die minimum straf vir een klag van verkragting is 15 jaar tronkstraf.
Die hof het egter beslis dit sou onrealisties en onregverdig wees om hom tot 480 jaar tronkstraf te vonnis.
Die uitspraak het ook beklemtoon dat Nguyapeua ’n verantwoordelikheid gehad het om ten alle tye soos die kinders se ouers op te tree, maar hy het dié posisie misbruik.
“Die samelewing is woedend oor die seksuele besoedeling van skoolkinders, selfs erger wanneer hierdie euwels deur ’n ouer persoon soos die beskuldigde gepleeg word. In die oë van die samelewing is die beskuldigde ’n ouer in eie reg,” het regter Alfred Siboleka tydens vonnisoplegging gesê.
– [email protected]
Mervin Nguyapeua (53) het gister sonder regsverteenwoordiging voor regter Kobus Miller verskyn. Hy het die hof ingelig dat hy reeds aansoek om regshulp gedoen het, maar hy nog wag vir ’n verteenwoordiger om aangewys te word.
Miller het die saak tot 19 Julie uitgestel.
Nguyapeua het eers as skoonmaker en in die kombuis van die skoolkoshuis op Otjiwarongo gewerk en is later as een van die superintendente aangestel.
Hy het die koshuisseuns na sy huis genooi en pornografie aan hulle gewys. Dit is glo gebruik om die seuns seksueel in versoeking te bring waarna hy hulle seksueel aangerand het.
“Die kliniese sielkundige wat met die slagoffers werk, het bevind dat hulle subtiel en deeglik voorberei is. Die molesterings sou nie aan die lig gekom het as die beskuldigde nie probeer het om ’n seun wat nie in die koshuis gewoon het, te molesteer nie,” het die staatsaanklaer me. Seredine Jacobs in haar finale betoë voor vonnisoplegging aangevoer.
EFFEKTIEF 480 JAAR
Nguyapeua is reeds in 2016 in hegtenis geneem en is op 20 Oktober 2020 skuldig bevind op 32 klagte van verkragting.
Hy is op 8 Maart gevonnis en die uitspraak het uitgewys die minimum straf vir een klag van verkragting is 15 jaar tronkstraf.
Die hof het egter beslis dit sou onrealisties en onregverdig wees om hom tot 480 jaar tronkstraf te vonnis.
Die uitspraak het ook beklemtoon dat Nguyapeua ’n verantwoordelikheid gehad het om ten alle tye soos die kinders se ouers op te tree, maar hy het dié posisie misbruik.
“Die samelewing is woedend oor die seksuele besoedeling van skoolkinders, selfs erger wanneer hierdie euwels deur ’n ouer persoon soos die beskuldigde gepleeg word. In die oë van die samelewing is die beskuldigde ’n ouer in eie reg,” het regter Alfred Siboleka tydens vonnisoplegging gesê.
– [email protected]
Kommentaar
Republikein
Geen kommentaar is op hierdie artikel gelaat nie