Kommer oor veiligheid by howe
Nadat iemand die staatsaanklaer se kantoor in Gobabis vandeesweek aan die brand gesteek en erge skade aangerig het, is daar opnuut kommer oor die veiligheid van landroste, regters en howe in die land.
Die beweerde brandstigting by die Gobabis-landdroshof op 1 Oktober was ’n punt van bespreking tussen die lede van die vereniging vir landroste en regters van Namibië.
“Gelukkig is niemand in die aanval beseer nie, maar die voorval beklemtoon 'n kommerwekkende leemte in die veiligheid van ons hofperseel,” lui ’n verklaring wat die vereniging Woensdag uitgereik het en onderteken is deur die vereniging se nuutaangestelde president Victor Nyazo.
Volgens die vereniging is hulle ook bewus van ander gevalle regoor die land wat nie aangemeld is nie en bydra tot die kwessie van veiligheid.
Die vereniging is van mening dat daar ’n behoefte is aan verbeterde sekuriteitsmaatreëls by alle hofgeriewe regoor die land.
“Die veiligheid van regterlike beamptes moet van kardinale belang wees.
“Die vereniging veroordeel gedrag van enige lid van die publiek wat opsetlik optree om die integriteit van die regstelsel te saboteer,” lui die verklaring.
NUWE LEDE
Veiligheidskwessies is ook tydens die vereniging se algemene jaarvergadering bespreek wat op 25 September in Swakopmund plaasgevind het.
Die vereniging meen dat dié vergadering 'n nuwe era vir die vereniging gekenmerk het, met 'n hernude verbintenis tot die regbank se professionele en sosiale verantwoordelikhede.
“Ons is opgewonde oor die toekoms en sien uit daarna om met landdroste en regters saam te werk om 'n sterker, meer veerkragtige vereniging te bou.”
Die vereniging het ook tydens sy algemene jaarvergadering sy nuwe uitvoerende lede aangekondig.
Die doel van die uitvoerende lede is om die welstand, veiligheid en professionele ontwikkeling van landroste en regters te bevorder.
Die nuwe lede sluit in Nyazo (president), Olivia van der Byl (visepresident), Helvi Shikalepo (sekretaris), Jo-Rina Jagger (tesourier) en Oundjarere Ndjiharine (addisionele lid).
Die vereniging fokus op onder andere die verbetering van werksomstandighede, geregtelike onafhanklikheid en professionele ontwikkeling.
“Ons nuwe leierskap is vasbeslote om harder as ooit te werk om die belange van ons lede te bevorder,” lui die verklaring.
Die verklaring beklemtoon verder dat die vereniging sal voortgaan om te streef na 'n sterker, verenigde regbank deur netwerkvorming, mentorskap en kapasiteitsbou met verskeie belanghebbendes en die Namibiese samelewing.
– [email protected]
Die beweerde brandstigting by die Gobabis-landdroshof op 1 Oktober was ’n punt van bespreking tussen die lede van die vereniging vir landroste en regters van Namibië.
“Gelukkig is niemand in die aanval beseer nie, maar die voorval beklemtoon 'n kommerwekkende leemte in die veiligheid van ons hofperseel,” lui ’n verklaring wat die vereniging Woensdag uitgereik het en onderteken is deur die vereniging se nuutaangestelde president Victor Nyazo.
Volgens die vereniging is hulle ook bewus van ander gevalle regoor die land wat nie aangemeld is nie en bydra tot die kwessie van veiligheid.
Die vereniging is van mening dat daar ’n behoefte is aan verbeterde sekuriteitsmaatreëls by alle hofgeriewe regoor die land.
“Die veiligheid van regterlike beamptes moet van kardinale belang wees.
“Die vereniging veroordeel gedrag van enige lid van die publiek wat opsetlik optree om die integriteit van die regstelsel te saboteer,” lui die verklaring.
NUWE LEDE
Veiligheidskwessies is ook tydens die vereniging se algemene jaarvergadering bespreek wat op 25 September in Swakopmund plaasgevind het.
Die vereniging meen dat dié vergadering 'n nuwe era vir die vereniging gekenmerk het, met 'n hernude verbintenis tot die regbank se professionele en sosiale verantwoordelikhede.
“Ons is opgewonde oor die toekoms en sien uit daarna om met landdroste en regters saam te werk om 'n sterker, meer veerkragtige vereniging te bou.”
Die vereniging het ook tydens sy algemene jaarvergadering sy nuwe uitvoerende lede aangekondig.
Die doel van die uitvoerende lede is om die welstand, veiligheid en professionele ontwikkeling van landroste en regters te bevorder.
Die nuwe lede sluit in Nyazo (president), Olivia van der Byl (visepresident), Helvi Shikalepo (sekretaris), Jo-Rina Jagger (tesourier) en Oundjarere Ndjiharine (addisionele lid).
Die vereniging fokus op onder andere die verbetering van werksomstandighede, geregtelike onafhanklikheid en professionele ontwikkeling.
“Ons nuwe leierskap is vasbeslote om harder as ooit te werk om die belange van ons lede te bevorder,” lui die verklaring.
Die verklaring beklemtoon verder dat die vereniging sal voortgaan om te streef na 'n sterker, verenigde regbank deur netwerkvorming, mentorskap en kapasiteitsbou met verskeie belanghebbendes en die Namibiese samelewing.
– [email protected]
Kommentaar
Republikein
Geen kommentaar is op hierdie artikel gelaat nie