Koshuisopsigter tot 68 jaar gevonnis

’n Koshuisopsigter wat tien skoolseuns verkrag het, is gister in die hoërhof in Windhoek tot 68 jaar gevangenisstraf gevonnis.Mervin Nguyapeua (53) is reeds in 2016 in hegtenis geneem en is op 20 Oktober 2020 skuldig bevind op 32 klagte van verkragting.Nguyapeua was in diens van die ministerie van onderwys, kuns en kultuur as skoonmaker, kok en superintendent by ’n seunskoshuis op Otjiwarongo.“Die samelewing is woedend oor die seksuele besmetting van skoolkinders, selfs erger wanneer hierdie euwels deur &#039;n ouer persoon soos die beskuldigde gepleeg word. In die oë van die samelewing is die beskuldigde &#039;n ouer in eie reg,” het regter Alfred Siboleka tydens vonnisoplegging gesê.GEEN BEROUNguyapeua het tydens sy verhoor al sy regsverteenwoordigers afgedank. “Hy het voor sy vonnis gesê hy wil geen regsverteenwoordiging hê nie omdat hy niks verkeerd gedoen het nie en daarom het hy geen rede om jammer te sê of iets te berou nie. “Dit was ten spyte van die feit dat hy ingelig was oor die impak wat sy standpunt sou hê op die oorweging van vonnis, asook die appèl wat hy beoog om voort te sit,” lui die vonnisoplegging.“Die beskuldigde het sy slagoffers, wat tussen die ouderdomme van 13 en 17 was, op verskillende dae en tye na sy woning genooi waar hy vir hulle &#039;n video gewys het van naakte manlike en vroulike persone wat aan seksuele omgang deelneem. Dit is gebruik om hul seksuele op te wek waarna hy hul seksueel aangerand het,” lui die uitspraak.PERSOONLIKE OMSTANDIGHEDEDie hof het Nguyapeua se persoonlike omstandighede in ag geneem tydens die opstel van sy vonnis. Hy het getuig hy het 17 kinders buite sy huidige huwelik en het slegs graad 3 voltooi. Siboleka het glo ook in ag geneem dat Nguyapeua ’n eerste oortreders is en amper sewe jaar in aanhouding was.“Hy het die hof gevra om hom vry te laat omdat hy niks verkeerd gedoen het nie en graag huis toe wil gaan,” lui die hofstukke.Die staatsaanklaer, me. Seredine Jacobs, het tydens finale betoë aangevoer dat die erns van die oortreding swaarder weeg as Nguyapeua se persoonlike omstandighede.“Die kliniese sielkundige wat met die slagoffers werk, het bevind dat hulle subtiel, sorgvuldig en deeglik voorberei is. Die molesterings sou nooit aan die lig gekom het as die beskuldigde nie ’n seun, wat nie in die koshuis gewoon het nie, probeer molesteer het nie,” het Jacobs gesê. – kristien@republikein.com.na

Koshuisopsigter tot 68 jaar gevonnis

Kommentaar

Republikein 2025-04-07

Meld asseblief aan om kommentaar te lewer

Koshuisopsigter tot 68 jaar gevonnis

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie