Lichtenstrasser: Toe verloor ek dit

“Ek het myself afgevra, is dit die moeite werd? Dit was asof daar twee mense in my kop was en die een het gesê jy is op ’n missie en hulle is die vyand.”So lui die dubbele moordbeskuldigde, Ernst Lichtenstrasser, se skulderkenning oor die gebeure van April 2019 toe hy na bewering die Namibiese Instituut vir Mynbou en Tegnologie (Nimt) se direkteure, Eckhart Mueller en Heimo Hellwig, in Arandis doodgeskiet het.Die inhoud van die bekentenis is gister in die hoërhof in Windhoek voorgelees. Regter Christie Liebenberg het Maandag beslis dat die bekentenis toelaatbaar in die verhoor is.“Ek het hulle kar agtervolg en agter hulle Mercedes gestop. Hulle het reeds by die deur gestaan. Toe maak hulle ’n fout,” lui die bekentenis.Mueller het glo vir Lichtenstrasser gevra wat maak hy daar, gevolg deur “Gaan weg”.“Toe verloor ek dit ... Trek papap, papap. Ek het toe nie meer gesigte gesien nie en nou was ek op ’n missie. Pap pap pap. Hy [Mueller] het na my toe gekom. Bam Bam, jy weet.”Volgens die bekentenis het Lichtenstrasser daarna in sy voertuig geklim en weggery.“Toe skop dit in. Wat het ek gedoen?”Lichtenstrasser het ook in die bekentenis gesê hy het daarna die moordwapen onder ’n klip in die woestyn begrawe. Die polisie het die wapen twee dae later gevind.“Ek weet julle gaan hierdie teen my in die hof gebruik, maar dit is nou tyd om eerlik te wees,” het Lichtenstrasser glo tydens die skulderkenning gesê wat hy op 15 Mei afgelê het.Lichtenstrasser is oorspronklik van Oos-Duitsland en het as militêre adviseur van die People&#039;s Liberation Army (Plan) gedien tydens Namibië se stryd om onafhanklikheid.Lichtenstrasser was glo kwaad omdat Nimt in die proses was om die passer-en-draaierafdeling by die Tsumeb-kampus te ontbind.Volgens die bekentenis het hy die dag voor die skietery baie drank gedrink en die oggend van die voorval het hy glo sterk pynmedikasie geneem. Hy en sy vrou het ook die vorige dag baklei.Die bekentenis is op een van die ondersoekspan se kamera (GoPro) opgeneem asook ’n klankopname op een van hul selfone. Die beeldmateriaal is wel nie tans voor die hof nie. Slegs ’n getranskribeerde weergawe is by die hof ingedien.BREEKPUNTNadat die staatsgetuie inspekteur Reinhardt Maletzky – wat teenwoordig was toe die bekentenis opgeneem is – die skulderkenning voorgelees het, het Lichtenstrasser se regsverteenwoordiger, Albert Titus, geleentheid gekry om hom te kruisondervra.Hy het aan Maletzky gestel Lichtenstrasser beweer die polisie het gedreig om sy vrou in hegtenis te neem en dit het tot die bekentenis gelei.Daarom het hy glo die volgende in die bekentenis gesê: “As dit nie vir my vrou was nie, het ek hierdie saam met my na my graf geneem.”Titus het ook uitgewys Lichtenstrasser het in die bekentenis genoem dat hy nie eet nie en beweer die ondersoekspan het geweet dat hy reeds dae voor die skulderkenning op ’n eetstaking was.Lichtenstrasser beweer verder die polisie het hom tot breekpunt gedryf en het dit as rede aangevoer waarom hy skuld erken het.“Is jy nou gelukkig inspekteur? Nou dat ek uiteindelik breek,” het Lichtenstrasser tydens die bekentenis gesê.Maletzky se getuienis is gistermiddag afgehandel en die saak sal na verwagting vandag voortduur met die staat wat verdere getuies sal roep.– kristien@republikein.com.na

Lichtenstrasser: Toe verloor ek dit

Kommentaar

Republikein 2025-04-15

Meld asseblief aan om kommentaar te lewer

Lichtenstrasser: Toe verloor ek dit

Kommentaar

Republikein 2025-04-15

Meld asseblief aan om kommentaar te lewer

MELD AAN

Advertensie