Ma by grumoord op negejarige betrek
Asdrommoord-verhoor hervat 25 Julie
Die hof hanteer tans 'n aansoek om die slagoffer se ma, pa en stiefma se sake saam te voeg.
Die Zimbabwiese egpaar wat na bewering die man se negejarige dogter noodlottig aangerand en haar liggaam in ’n vullisdrom gegooi het, het gister in die hoërhof in Windhoek verskyn.
Edward en Caroline Nkata het na bewering in Januarie 2020 wyle Akundaishe Natalie Chipomho se liggaam in ’n vullisdrom in Windhoek-Noord gegooi waarna hulle glo die inhoud aan die brand gesteek het.
Chipomho se biologiese ma, Rachel Kureva, was aanvanklik ’n medebeskuldigde. Die aanklaer-generaal het aanvanklik besluit om haar nie te vervolg nie aangesien daar te min bewyse teen haar was. Sy is egter weer in hegtenis geneem nadat Edward se 14-jarige seun ’n verklaring by die polisie afgelê het wat haar by die moord betrek.
Haar saak is in Februarie vanjaar na die hoërhof in Windhoek oorgeplaas en die staat het aansoek gedoen vir haar saak om saam met dié van Edward en Caroline gevoeg te word.
Indien die aansoek goedgekeur word, sal al drie beskuldigdes binnekort saam verhoor word.
Die aansoek vir samevoeging sou gister voor regter Philanda Christiaan aangehoor word, maar die verhoor is tot 25 Julie uitgestel aangesien Kureva se regsverteenwoordiger homself aan die saak onttrek het en haar nuwe verteenwoordiger, wat deur regshulp aangestel is, nie gister in die hof teenwoordig was nie.
Caroline het tydens haar eerste hofverskyning skuld erken en gesê Edward het vir Chipomho geslaan terwyl sy by die huis was. Ná die aanranding het Edward haar glo gedwing om hom te help om van Chipombo se liggaam ontslae te raak.
SEUN GLO OOK AANGERAND
Die Nkatas word ook daarvan aangekla dat hulle in Januarie 2020 Edward se seun – toe 11 jaar oud – met ’n belt en ’n onbekende voorwerp oraloor sy liggaam geslaan het. Hy het wel die voorval oorleef.
Hulle staan tereg op een klag van moord en regsverydeling, en op twee klagte van aanranding en bedrog. Die egpaar het na bewering ook die wet op immigrasiebeheer oortree aangesien hulle in Namibië gebly het nadat hul besoekerspermitte verstryk het.
Die bedrogsaak spruit uit ’n voorval waar Caroline by die skool waar sy skoolgegee het, voorgegee het dat sy Chipombo en die seun se biologiese ma is, sodat hulle gratis kon skoolgaan.
Die egpaar word ook daarvan aangekla dat hulle skoolrapporte vir die kinders vervals het.
– [email protected]
Edward en Caroline Nkata het na bewering in Januarie 2020 wyle Akundaishe Natalie Chipomho se liggaam in ’n vullisdrom in Windhoek-Noord gegooi waarna hulle glo die inhoud aan die brand gesteek het.
Chipomho se biologiese ma, Rachel Kureva, was aanvanklik ’n medebeskuldigde. Die aanklaer-generaal het aanvanklik besluit om haar nie te vervolg nie aangesien daar te min bewyse teen haar was. Sy is egter weer in hegtenis geneem nadat Edward se 14-jarige seun ’n verklaring by die polisie afgelê het wat haar by die moord betrek.
Haar saak is in Februarie vanjaar na die hoërhof in Windhoek oorgeplaas en die staat het aansoek gedoen vir haar saak om saam met dié van Edward en Caroline gevoeg te word.
Indien die aansoek goedgekeur word, sal al drie beskuldigdes binnekort saam verhoor word.
Die aansoek vir samevoeging sou gister voor regter Philanda Christiaan aangehoor word, maar die verhoor is tot 25 Julie uitgestel aangesien Kureva se regsverteenwoordiger homself aan die saak onttrek het en haar nuwe verteenwoordiger, wat deur regshulp aangestel is, nie gister in die hof teenwoordig was nie.
Caroline het tydens haar eerste hofverskyning skuld erken en gesê Edward het vir Chipomho geslaan terwyl sy by die huis was. Ná die aanranding het Edward haar glo gedwing om hom te help om van Chipombo se liggaam ontslae te raak.
SEUN GLO OOK AANGERAND
Die Nkatas word ook daarvan aangekla dat hulle in Januarie 2020 Edward se seun – toe 11 jaar oud – met ’n belt en ’n onbekende voorwerp oraloor sy liggaam geslaan het. Hy het wel die voorval oorleef.
Hulle staan tereg op een klag van moord en regsverydeling, en op twee klagte van aanranding en bedrog. Die egpaar het na bewering ook die wet op immigrasiebeheer oortree aangesien hulle in Namibië gebly het nadat hul besoekerspermitte verstryk het.
Die bedrogsaak spruit uit ’n voorval waar Caroline by die skool waar sy skoolgegee het, voorgegee het dat sy Chipombo en die seun se biologiese ma is, sodat hulle gratis kon skoolgaan.
Die egpaar word ook daarvan aangekla dat hulle skoolrapporte vir die kinders vervals het.
– [email protected]
Kommentaar
Republikein
Geen kommentaar is op hierdie artikel gelaat nie