Maree kry wéér nuwe prokureur
Saak uitgestel tot 25 Maart
Regshulp het weer eens 'n nuwe prokureur aan Johann Maree se saak toegewys.
Die vermeende pedofiel, Johann Maree, se saak kon verlede week weer eens nie voortgaan nie.
Hoewel Maree weke gelede om regshulp aansoek gedoen het ná sy vorige regsverteenwoordiger homself aan die saak onttrek het, is niks sedertdien met betrekking tot sy aansoek gedoen nie.
Regter Philanda Christiaan het verlede Dinsdag se verrigtinge in die hoërhof in Windhoek kortliks verdaag sodat die direktoraat van regshulp gekontak kon word om duidelikheid oor die kwessie te kry.
’n Halfuur later het die hof weer gesit en is dit vasgestel dat geen prokureur nog aan Maree se saak toegewys is nie. Christiaan het die saak tot 14:00 uitgestel waartydens terugvoering van regshulp ontvang is.
Titus Ipumbu is as Maree se jongste regsverteenwoordiger aangewys en is minstens die vierde prokureur wat op rekord gaan om Maree te verteenwoordig sedert sy arrestasie in April 2020.
Christiaan het die saak tot 25 Maart uitgestel en verdere verhoordatums vir 24 tot 30 April en 17 tot 21 Junie geskeduleer.
Maree se vorige regsverteenwoordiger, Milton Engelbrecht, het op 29 Januarie homself aan die saak onttrek. Nadat die dossier aan hom oorhandig is en ná die openbaarmaking van die hofdokumente (disclosure), het hy besef hy ken een van die vermeende slagoffers.
“Ek onttrek daarom weens etiese redes,” het hy aan die hof gesê.
Maree se verhoor is die eerste keer geskeduleer om in Augustus verlede jaar te begin, maar die saak is sedertdien verskeie kere uitgestel.
Maree staan tereg op 75 klagte wat onder meer insluit 24 aanklagte van verkragting, 18 aanklagte van kinderhandel, tien aanklagte van die gebruik van ’n minderjarige om pornografie te vervaardig, die pleeg van onsedelike dade op ’n minderjarige kind en die aanmoediging of toelating dat ’n kind onder die ouderdom van 16 drank inneem.
Ná ’n aansoek om psigiatriese evaluering wat Maree verlede jaar gebring het, is dit bevind dat hy geskik is om verhoor te word en aanspreeklik gehou kan word vir sy beweerde dade. Hy het destyds gesê hy kan niks van die misdrywe onthou wat die staat beweer hy gepleeg het nie.
Maree was voor sy inhegtenisname ’n fotograaf en polisiereservis.
– [email protected]
Hoewel Maree weke gelede om regshulp aansoek gedoen het ná sy vorige regsverteenwoordiger homself aan die saak onttrek het, is niks sedertdien met betrekking tot sy aansoek gedoen nie.
Regter Philanda Christiaan het verlede Dinsdag se verrigtinge in die hoërhof in Windhoek kortliks verdaag sodat die direktoraat van regshulp gekontak kon word om duidelikheid oor die kwessie te kry.
’n Halfuur later het die hof weer gesit en is dit vasgestel dat geen prokureur nog aan Maree se saak toegewys is nie. Christiaan het die saak tot 14:00 uitgestel waartydens terugvoering van regshulp ontvang is.
Titus Ipumbu is as Maree se jongste regsverteenwoordiger aangewys en is minstens die vierde prokureur wat op rekord gaan om Maree te verteenwoordig sedert sy arrestasie in April 2020.
Christiaan het die saak tot 25 Maart uitgestel en verdere verhoordatums vir 24 tot 30 April en 17 tot 21 Junie geskeduleer.
Maree se vorige regsverteenwoordiger, Milton Engelbrecht, het op 29 Januarie homself aan die saak onttrek. Nadat die dossier aan hom oorhandig is en ná die openbaarmaking van die hofdokumente (disclosure), het hy besef hy ken een van die vermeende slagoffers.
“Ek onttrek daarom weens etiese redes,” het hy aan die hof gesê.
Maree se verhoor is die eerste keer geskeduleer om in Augustus verlede jaar te begin, maar die saak is sedertdien verskeie kere uitgestel.
Maree staan tereg op 75 klagte wat onder meer insluit 24 aanklagte van verkragting, 18 aanklagte van kinderhandel, tien aanklagte van die gebruik van ’n minderjarige om pornografie te vervaardig, die pleeg van onsedelike dade op ’n minderjarige kind en die aanmoediging of toelating dat ’n kind onder die ouderdom van 16 drank inneem.
Ná ’n aansoek om psigiatriese evaluering wat Maree verlede jaar gebring het, is dit bevind dat hy geskik is om verhoor te word en aanspreeklik gehou kan word vir sy beweerde dade. Hy het destyds gesê hy kan niks van die misdrywe onthou wat die staat beweer hy gepleeg het nie.
Maree was voor sy inhegtenisname ’n fotograaf en polisiereservis.
– [email protected]
Kommentaar
Republikein
Geen kommentaar is op hierdie artikel gelaat nie