Medipark-hoë wen regsgeding

Ogone Tlhage – Die voormalige direkteur van Ongwediva Medipark, Penda Kashihakumwa, wat in Desember 2021 die trekpas gekry het, het ’n regsgeding gewen waarvolgens hy weer op die direksie van die private hospitaal in die Noorde geplaas moet word.Kashihakumwa, ֹ’n omgewingsgesondheidsbeampte vir die Ongwediva-dorpsraad, het die dorpsraad op die direksie verteenwoordig voor hy die deur gewys is. Hy is saam met dr. Tshali Iithete, die stigter van Ongwediva Medipark uitgeskop omdat hy versuim het om ’n oog te hou toe Iithete skuld van N$13 miljoen namens die hospitaal as besturende direkteur aangegaan het.In ’n skikkingsooreenkoms tussen Kashihakumwa, die raad, Ongwediva Medipark Propriety Limited en Ongwediva Medipark Investments, is ooreengekom dat hy heraangestel sal word, terwyl amptelike rekords ook weer eens moet weerspieël dat hy ’n raadslid is.Die hospitaal is verder opdrag gegee om Kashihakumwa se regskoste te betaal.WORD NOG ONDERSOEKIn hofstukke wat verlede jaar ingedien is, het Riel du Toit, voorsitter van die Ongwediva Medipark-direksie, beweer dat Kashihakumwa en Iithete verantwoordelik was vir die groot skuldbedrag wat aangegaan is. “Die transaksies wat daartoe gelei het dat Ongwediva Medipark aansienlike skuld van meer as N$13 miljoen aangegaan het, word nog ondersoek.”Sy betrokkenheid by die hospitaal se raad sal ook bedrywighede beïnvloed, het die voorsitter aangevoer.“Die uitwerking van die verligting wat die applikant [Kashihakumwa] soek, is dat die aandeelhouers ’n direkteur sal laat aanstel in die maatskappy wat hulle besit sonder dat die persoon ter sprake by daaropvolgende vergaderings - of by wyse van daaropvolgende resolusie - deur die aandeelhouers aangestel is in ’n sodanige direkteursposisie,” het Du Toit voorheen gesê. – republikein@republikein.com.na

Medipark-hoë wen regsgeding

Kommentaar

Republikein 2025-04-07

Meld asseblief aan om kommentaar te lewer

Medipark-hoë wen regsgeding

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie