N$3 000 se borgtog vir boer wat glo oor kind ry
Die boer van plot K11 by die Hardapskema buite Mariental wat na bewering Sondagoggend oor ’n 9-jarige meisie op sy kleinhoewe gery het, is Dinsdag in die landdroshof op dié dorp borgtog van N$3 000 toegestaan.
Mnr. Johan Meyer (50), wat tereg staan op ’n klag van strafbare manslag, se saak is tot 24 Augustus uitgestel sodat hy regsverteenwoordiging kan bekom en die polisie die gebeure verder kan ondersoek.
Dié voorval het vroeg Sondagoggend plaasgevind toe Meyer na bewering vir Hendrina Mupulo (9) saam met haar ma en ander mense betrap het terwyl hulle glo op sy lande besig was om grondbone uit te grawe.
Die bewering is dat Meyer hulle met sy Toyota Land Cruiser gejaag het. Volgens die polisie het hy die meisie in die proses raakgery.
Sy is later in die hospitaal op Mariental aan haar beserings dood.
Meyer is getroud met die bekende senior staatsaanklaer op Mariental, me. Anita Meyer. – [email protected]
Mnr. Johan Meyer (50), wat tereg staan op ’n klag van strafbare manslag, se saak is tot 24 Augustus uitgestel sodat hy regsverteenwoordiging kan bekom en die polisie die gebeure verder kan ondersoek.
Dié voorval het vroeg Sondagoggend plaasgevind toe Meyer na bewering vir Hendrina Mupulo (9) saam met haar ma en ander mense betrap het terwyl hulle glo op sy lande besig was om grondbone uit te grawe.
Die bewering is dat Meyer hulle met sy Toyota Land Cruiser gejaag het. Volgens die polisie het hy die meisie in die proses raakgery.
Sy is later in die hospitaal op Mariental aan haar beserings dood.
Meyer is getroud met die bekende senior staatsaanklaer op Mariental, me. Anita Meyer. – [email protected]
Kommentaar
Republikein
Geen kommentaar is op hierdie artikel gelaat nie