NAC, Menzies se sage duur voort
Tussentydse aansoek gebring
Die hoofsaak is eers gestaak totdat die hof beslis het oor Menzies se aansoek om verlof om sy stigtingsdokumente aan te vul.
“Dit is glad nie verbasend dat NAC en Paragon desperaat sal wees om bewyse van die hof te weerhou met die skreiende bewerings van onreëlmatigheid waarmee beide nou gekonfronteer word nie.”
Dít het Menzies Aviation Namibia se direkteur, Ian Michael van Rooyen, in ’n verklaring gesê wat Dinsdag by die hoërhof in Windhoek ingehandig is.
Die verklaring is ingedien ter ondersteuning van Menzies se aansoek om verlof om sy stigtingsdokumente aan te vul. Menzies beweer dat nuwe inligting aan die lig gekom het sedert sy stigtingsdokumente en aanvullende dokumente ingedien is.
Menzies wil nuwe inligting by hul dokumente byvoeg, alhoewel die maatskappy beweer dat hulle reeds ’n saak uitgemaak het in sy huidige hofstukke met betrekking tot sy bewerings dat die Namibiese Lughawensmaatskappy (NAC) “’n gebrekkige, onwettige en bedrieglike tenderproses” uitgeoefen het.
“Veral in die lig daarvan dat dit in die openbare belang is vir tenders om billik, deursigtig en bowenal wettig hanteer te word,” voeg Van Rooyen in sy verklaring by.
Die betrokke tender is vir die grondhanteringsdienste by die Internasionale Lughawe Hosea Kutako (HKIA) wat NAC aan Paragon Investments toegeken het. Menzies beweer die toekenning van die tender is ongeldig en eis dat die tenderproses van voor moet begin.
NAC en Paragon staan Menzies se aansoek teen en beweer dat Menzies die aansoek gebring het in “nog ’n poging om verrigtinge te vertraag”.
“Dit is onverdiend en ’n misbruik van die hofporses,” beweer Gerson Adolf /Uirab, uitvoerende hoof van NAC.
AGTERGROND
In die hoofaansoek is NAC aangesê om ’n volledige hersieningsrekord te verskaf.
Die eerste twee weergawes van die rekord is in Mei en Junie 2022 opgelaai, asook ’n derde een in Augustus 2022 en ’n harde kopie is aan Menzies se regspan verskaf.
Menzies beweer die derde weergawe verskil van die eerste twee en dat hul stigtingsdokumente reeds opgestel was voor die derde weergawe beskikbaar gestel is.
“Menzies het geen rede gehad om te dink dat die inhoud daarvan sou verander nie, veral nie ten opsigte van Paragon se tenderaanbod of dat NAC enige rede gehad het om in besit te wees van verskillende weergawes van hierdie aanbod nie,” lui Van Rooyen se verklaring.
Van Rooyen gaan voort en stel dat dit onreëlmatig is dat NAC in besit van verskillende weergawes van Paragon se aanbod is.
“NAC het geen rede gehad om in besit te wees van ander weergawes of enige onvolledige tenderdokumentasie wat aan aansoekers behoort nie en daar is eenvoudig geen verduideliking waarom NAC moontlik in besit kan wees van twee weergawes van Paragon se tenderaanbod nie.”
Volgens Van Rooyen beplan Menzies om ’n aansoek te bring om die kwessie van die verskille in die drie weergawes van die rekord na mondelinge getuienis te verwys waartydens Desmond Amunyela, direkteur van Paragon, en NAC-verteenwoordigers kruisondervra sal word.
– kristien@republikein
Dít het Menzies Aviation Namibia se direkteur, Ian Michael van Rooyen, in ’n verklaring gesê wat Dinsdag by die hoërhof in Windhoek ingehandig is.
Die verklaring is ingedien ter ondersteuning van Menzies se aansoek om verlof om sy stigtingsdokumente aan te vul. Menzies beweer dat nuwe inligting aan die lig gekom het sedert sy stigtingsdokumente en aanvullende dokumente ingedien is.
Menzies wil nuwe inligting by hul dokumente byvoeg, alhoewel die maatskappy beweer dat hulle reeds ’n saak uitgemaak het in sy huidige hofstukke met betrekking tot sy bewerings dat die Namibiese Lughawensmaatskappy (NAC) “’n gebrekkige, onwettige en bedrieglike tenderproses” uitgeoefen het.
“Veral in die lig daarvan dat dit in die openbare belang is vir tenders om billik, deursigtig en bowenal wettig hanteer te word,” voeg Van Rooyen in sy verklaring by.
Die betrokke tender is vir die grondhanteringsdienste by die Internasionale Lughawe Hosea Kutako (HKIA) wat NAC aan Paragon Investments toegeken het. Menzies beweer die toekenning van die tender is ongeldig en eis dat die tenderproses van voor moet begin.
NAC en Paragon staan Menzies se aansoek teen en beweer dat Menzies die aansoek gebring het in “nog ’n poging om verrigtinge te vertraag”.
“Dit is onverdiend en ’n misbruik van die hofporses,” beweer Gerson Adolf /Uirab, uitvoerende hoof van NAC.
AGTERGROND
In die hoofaansoek is NAC aangesê om ’n volledige hersieningsrekord te verskaf.
Die eerste twee weergawes van die rekord is in Mei en Junie 2022 opgelaai, asook ’n derde een in Augustus 2022 en ’n harde kopie is aan Menzies se regspan verskaf.
Menzies beweer die derde weergawe verskil van die eerste twee en dat hul stigtingsdokumente reeds opgestel was voor die derde weergawe beskikbaar gestel is.
“Menzies het geen rede gehad om te dink dat die inhoud daarvan sou verander nie, veral nie ten opsigte van Paragon se tenderaanbod of dat NAC enige rede gehad het om in besit te wees van verskillende weergawes van hierdie aanbod nie,” lui Van Rooyen se verklaring.
Van Rooyen gaan voort en stel dat dit onreëlmatig is dat NAC in besit van verskillende weergawes van Paragon se aanbod is.
“NAC het geen rede gehad om in besit te wees van ander weergawes of enige onvolledige tenderdokumentasie wat aan aansoekers behoort nie en daar is eenvoudig geen verduideliking waarom NAC moontlik in besit kan wees van twee weergawes van Paragon se tenderaanbod nie.”
Volgens Van Rooyen beplan Menzies om ’n aansoek te bring om die kwessie van die verskille in die drie weergawes van die rekord na mondelinge getuienis te verwys waartydens Desmond Amunyela, direkteur van Paragon, en NAC-verteenwoordigers kruisondervra sal word.
– kristien@republikein
Kommentaar
Republikein
Geen kommentaar is op hierdie artikel gelaat nie