Namibiese hof vries miljoene
'Massiewe onwettige ontginning van steenkool, geldwassery'
Sowat N$50 miljoen in agt plaaslike bankrekeninge in die name van Jacobus en Elza Jordaan, wat 'n plaas naby Aranos besit, is gevries.
Die Namibiese Finansiële Intelligensiesentrum (Nam-FIC) en die kantoor van die Namibiese aanklaer-generaal het beslag gelê op geld in tien Namibiese bankrekeninge wat meer as N$52 miljoen beloop.
Die geld in die agt rekeninge van die Suid-Afrikaners Hosea Jacobus Jordaan en sy vrou Elza, asook N$2,2 miljoen in twee rekeninge van haar suster, Reinet Binneman, wat in Namibië woon, verteenwoordig volgens die Nasionale Vervolgingsgesag (NVG) in Suid-Afrika die opbrengste van en of is gebruik as instrumente vir die massiewe onwettige ontginning van steenkool in die Carolina-distrik in Mpumalanga in die buurland.
Volgens die NVG se streekwoordvoerder, Monica Nyuswa, is Jordaan en sy vrou onder die hoofverdagtes in die saak wat verband hou met die onwettige ontginning van steenkool.
Die onwettige finansiële voordeel uit hierdie en ook ander oortredings in Mpumalanga beloop na bewering tot ten minste N$2 miljard, volgens Nyuswa.
Die beslaglegging op die miljoene in Namibiese bankrekeninge is te danke aan die noue samewerking tussen die NVG se beslagleggingseenheid in Mpumalanga en die Suid-Afrikaanse Finansiële Intelligensiesentrum (SA-FIC) en hul Namibiese eweknieë.
Nyuswa sê in ’n verklaring deur die NVG dat die SA-FIC op 2 Desember verlede jaar, in samewerking met die Namibiese FIC, ’n tydelike bevriesing op die Jordaan-egpaar se agt rekeninge ter waarde van N$50,2 miljoen verkry het.
Op 30 Desember kon die kantoor van die Namibiese aanklaer-generaal daarin slaag om ’n bewaringsbevel in die hoërhof in Windhoek met betrekking tot die bogenoemde N$50,2 miljoen te verkry.
Afgesien van die beweerde onwettige ontginning van steenkool, word die geld en die Jordaan-egpaar ook betrek by geldwassery in die Carolina-distrik.
Nyuswa sê die kantoor van die Namibiese aanklaer-generaal het op 14 Januarie ook daarin geslaag om ’n eiendomsbewaringsbevel in die hoërhof in Windhoek vir N$2,2 miljoen in twee Namibiese bankrekeninge van Elza Jordaan se suster Reinet Binneman te bekom.
Nyuswa verwys in die verklaring na die “merkwaardige samewerking en harde werk tydens die Desember-feesseisoen” tussen die betrokke Namibiese en Suid-Afrikaanse wetstoepassingsagentskappe om die beslagleggingsbevele in die Namibiese hoërhof te kry.
“Beide Namibië en Suid-Afrika is ’n paar jaar gelede deur die Finansiële Aksie Taakmag (FATF) op die gryslys geplaas omdat hulle onder meer nie geldwassery voldoende bekamp nie.
“Die twee genoemde beslagsleggingsbevele sal geweldig daartoe bydra om albei lande van FATF se ‘gryslys’ af te kry,” het Nyuswa gesê.
– [email protected]
Die geld in die agt rekeninge van die Suid-Afrikaners Hosea Jacobus Jordaan en sy vrou Elza, asook N$2,2 miljoen in twee rekeninge van haar suster, Reinet Binneman, wat in Namibië woon, verteenwoordig volgens die Nasionale Vervolgingsgesag (NVG) in Suid-Afrika die opbrengste van en of is gebruik as instrumente vir die massiewe onwettige ontginning van steenkool in die Carolina-distrik in Mpumalanga in die buurland.
Volgens die NVG se streekwoordvoerder, Monica Nyuswa, is Jordaan en sy vrou onder die hoofverdagtes in die saak wat verband hou met die onwettige ontginning van steenkool.
Die onwettige finansiële voordeel uit hierdie en ook ander oortredings in Mpumalanga beloop na bewering tot ten minste N$2 miljard, volgens Nyuswa.
Die beslaglegging op die miljoene in Namibiese bankrekeninge is te danke aan die noue samewerking tussen die NVG se beslagleggingseenheid in Mpumalanga en die Suid-Afrikaanse Finansiële Intelligensiesentrum (SA-FIC) en hul Namibiese eweknieë.
Nyuswa sê in ’n verklaring deur die NVG dat die SA-FIC op 2 Desember verlede jaar, in samewerking met die Namibiese FIC, ’n tydelike bevriesing op die Jordaan-egpaar se agt rekeninge ter waarde van N$50,2 miljoen verkry het.
Op 30 Desember kon die kantoor van die Namibiese aanklaer-generaal daarin slaag om ’n bewaringsbevel in die hoërhof in Windhoek met betrekking tot die bogenoemde N$50,2 miljoen te verkry.
Afgesien van die beweerde onwettige ontginning van steenkool, word die geld en die Jordaan-egpaar ook betrek by geldwassery in die Carolina-distrik.
Nyuswa sê die kantoor van die Namibiese aanklaer-generaal het op 14 Januarie ook daarin geslaag om ’n eiendomsbewaringsbevel in die hoërhof in Windhoek vir N$2,2 miljoen in twee Namibiese bankrekeninge van Elza Jordaan se suster Reinet Binneman te bekom.
Nyuswa verwys in die verklaring na die “merkwaardige samewerking en harde werk tydens die Desember-feesseisoen” tussen die betrokke Namibiese en Suid-Afrikaanse wetstoepassingsagentskappe om die beslagleggingsbevele in die Namibiese hoërhof te kry.
“Beide Namibië en Suid-Afrika is ’n paar jaar gelede deur die Finansiële Aksie Taakmag (FATF) op die gryslys geplaas omdat hulle onder meer nie geldwassery voldoende bekamp nie.
“Die twee genoemde beslagsleggingsbevele sal geweldig daartoe bydra om albei lande van FATF se ‘gryslys’ af te kry,” het Nyuswa gesê.
– [email protected]
Kommentaar
Republikein
Geen kommentaar is op hierdie artikel gelaat nie