NEFF vasberade in stryd teen ECN

Die Namibia Economic Freedom Fighters (NEFF) het gister ’n dringende aansoek by die hoërhof in Windhoek ingedien in nog ’n poging om die besluit van die Verkiesingskommissie van Namibië (ECN) tersyde te stel om die partye te deregistreer.Dit volg nadat die NEFF se aansoek teen die ECN se besluit gister in die verkieskingshof gefaal het.Regters Hosea Angula, Orben Sibeya en Beatrix de Jager het bevind dat die ECN se argumente dat die verkiesingshof nie die jurisdiksie het om oor hierdie kwessie te beslis nie en dat die verkiesingshof slegs kan beslis oor verkiesingskwessies. Hulle het bevind dat daar geen verkiesingskwessies vanuit die ECN se besluit spruit nie. Die ECN het op 17 Junie vanjaar besluit om die NEFF as ’n politieke party te deregistreer omrede hulle finansiële state nie ingedien was nie. Dit was ten spyte van ’n kennisgewing dat hulle tot 30 Junie sou hê om hul finansiële state te verskaf, aldus die NEFF se bewerings. Die ECN ontken egter dat hulle aan die NEFF uitstel verleen het. VERKIESINGSHOF SE UITSPRAAKIn die uitspraak het die volbank aangevoer dat die NEFF nie kon bewys dat dit onherstelbare skade sou ly indien die hof nie ’n tussentydse interdik sou toestaan nie."Dit word vereis van die applikant [NEFF] om feite te verskaf met genoegsame bewyse om te wys dat daar onherstelbare skade sal wees, sou die gedrag waaroor daar gekla word, nie stopgesit word nie," lui die uitspraak. Die volbank het ook verduidelik dat die kriteria vir ’n aansoek wat verband hou met die verkiesing "duidelik en selfverduidelikend" is. "So ’n aansoek moet ’n &#039;klag&#039; insluit wat handel oor die oortredeing van die [verkiesings]wet," het die uitspraak beklemtoon en bygevoeg dat die aansoek nie van so ’n aard moet wees dat dit met siviele verrigtinge verwar kan word nie."Die wetgewers het die verkiesingshof geskep as ’n gespesialiseerde hof om verkiesingskwessies te hanteer. Ek [Angula] is van die mening dat dit nie &#039;n verkiesingskwessie is nie en as &#039;n &#039;verkiesingskwessie&#039; of &#039;deel van &#039;n verkiesingsproses&#039; kwalifiseer nie. Dit is &#039;n aangeleentheid wat buite die omtrek van die bevoegdheid van hierdie hof val soos uiteengesit in die wet."MERIETEDie ECN se woordvoerder, De Wet Siluka, hou vol dat hierdie uitspraak geen impak sal hê op Namibiërs se siening van die ECN nie. "Ons het net die wet verskaf en ons het meriete om die party te deregistreer," het hy gesê. Die NEFF se regsverteenwoordiger, Khadhila Amoomo, glo egter steeds dat hierdie kwessie tydsgebonde is en daarom het hulle die dringende aansoek gister reeds by die hoërhof in Windhoek ingedien. Die aansoek sal na verwagting op 15 Augustus aangehoor word.- irene-mari@nmh-hub.com.na

NEFF vasberade in stryd teen ECN

Kommentaar

Republikein 2025-04-04

Meld asseblief aan om kommentaar te lewer

NEFF vasberade in stryd teen ECN

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie