Noble, Azhar bly sit
Aansoek om verlof tot appél misluk
Grant Noble en Dinah Azhar sal nie in die hooggeregshof teen hul skuldigbevinding kan appelleer nie.
Die veroordeelde dwelmsmokkelaars Grant Noble en Dinah Azhar se aansoek om verlof tot appèl is gister in die hoërhof in Windhoek van die hand gewys.
Noble en Azhar is in Oktober verlede jaar skuldig bevind op klagte van dwelmsmokkelary en is beide 12 jaar tronkstraf opgelê, waarvan vyf jaar opgeskort is.
Beide Noble en Azhar het kondonasie van die hof gevra vir die laat indiening van hul aansoeke.
Ingevolge die wet moet ’n aansoek om verlof tot appél binne 14 dae van ’n hof se beslissing gebring word. Noble het hierdie spertyd met ses dae oorskry en Azhar met vier maande.
Regter Orben Sibeya het kondonasie aan Noble toegeken, maar Azhar se aansoek om kondonasie is geweier.
Sibeya het wel beide se aansoek om verlof tot appèl geweier, dus sal nie een van die partye toegelaat word om in die hooggeregshof teen hul skuldigbevinding te appelleer nie.
Sisa Namandje het tydens argumente in die aansoek namens Noble en Azhar daarop gewys dat daar ’n identiese seël binne die vraghouer gevind is toe die polisie die kokaïen gevind het.
“Daar word nie meer as een seël met dieselfde identifikasienommer gemaak nie. Dus is dit moontlik dat iemand met die vraghouer gepeuter het wat die seëls kon dupliseer,” het hy gesê.
Die vraghouer is in die Walvisbaaise hawe gehou nadat dit uit Brasilië daar aangekom het. Noble het die vraghouer vir die eerste keer in die teenwoordigheid van die owerhede oopgemaak.
Sibeya het egter beslis dat dit nie die meriete van die saak beïnvloed nie.
“Die onverklaarde seël voeg nie by of neem nie enigiets weg van die saak nie,” het Sibeya gesê.
Hy het verder gesê hy is nie oortuig dat Noble ’n redelike kans op sukses in ’n appélaansoek sal hê nie, en dus is sy aansoek tersyde gestel.
– [email protected]
Noble en Azhar is in Oktober verlede jaar skuldig bevind op klagte van dwelmsmokkelary en is beide 12 jaar tronkstraf opgelê, waarvan vyf jaar opgeskort is.
Beide Noble en Azhar het kondonasie van die hof gevra vir die laat indiening van hul aansoeke.
Ingevolge die wet moet ’n aansoek om verlof tot appél binne 14 dae van ’n hof se beslissing gebring word. Noble het hierdie spertyd met ses dae oorskry en Azhar met vier maande.
Regter Orben Sibeya het kondonasie aan Noble toegeken, maar Azhar se aansoek om kondonasie is geweier.
Sibeya het wel beide se aansoek om verlof tot appèl geweier, dus sal nie een van die partye toegelaat word om in die hooggeregshof teen hul skuldigbevinding te appelleer nie.
Sisa Namandje het tydens argumente in die aansoek namens Noble en Azhar daarop gewys dat daar ’n identiese seël binne die vraghouer gevind is toe die polisie die kokaïen gevind het.
“Daar word nie meer as een seël met dieselfde identifikasienommer gemaak nie. Dus is dit moontlik dat iemand met die vraghouer gepeuter het wat die seëls kon dupliseer,” het hy gesê.
Die vraghouer is in die Walvisbaaise hawe gehou nadat dit uit Brasilië daar aangekom het. Noble het die vraghouer vir die eerste keer in die teenwoordigheid van die owerhede oopgemaak.
Sibeya het egter beslis dat dit nie die meriete van die saak beïnvloed nie.
“Die onverklaarde seël voeg nie by of neem nie enigiets weg van die saak nie,” het Sibeya gesê.
Hy het verder gesê hy is nie oortuig dat Noble ’n redelike kans op sukses in ’n appélaansoek sal hê nie, en dus is sy aansoek tersyde gestel.
– [email protected]
Kommentaar
Republikein
Geen kommentaar is op hierdie artikel gelaat nie