Nuwe kurators vir Fishrot-bates

Die hoërhof in Windhoek het Maandag beslis dat twee Namibiese kurators aangestel sal word om die Fishrot-beskuldigdes se gevriesde bates te bestuur.Hoewel die aanklaer-generaal (AG), Martha Imalwa, Suid-Afrikaanse kurators - naamlik Johan Francois Engelbrecht en Coenraad Louwrens Stander - wou aanstel, het die hof beslis dat Harald Hecht en Pierre Knoetze die nuwe leemte sal vul.Hecht en Knoetze se aanstelling was aanbeveel deur drie van die Fishrot-beskuldigdes in &#039;n teenaansoek wat in reaksie op Imalwa se voorstel van buitelandse kurators gebring is."Die aansoek van die verweerders om hul genomineerde kurators, wat in Namibië gebaseer is, aan te stel om Bruni en McLaren te vervang, is suksesvol," lui die uitspraak deur regter Orben Sibeya.Die kurators word ingevolge die wet op die voorkoming van georganiseerde misdaad (Poca) aangestel.&#039;UITDAGINGS&#039; VIR BUITELANDERSDie aanstelling volg nadat die bekende likwidateurs, David Bruni en Ian McLaren, verlede jaar die hof versoek het om as kurators uit te tree omdat hulle glo nie die kapasiteit gehad het om hul mandaat uit te voer nie. Imalwa het glo op 15 Januarie vir Stander en Engelbrecht ingelig van hul aanstelling as die nuwe kurators, nadat sy die hof ingelig het dat haar kantoor nie &#039;n nominasie vir &#039;n Namibiese kurator kon kry nie.Drie van die Fishrot-beskuldigdes, Sacky Shanghala, James Hatuikulipi en Pius Mwatelulo, het egter &#039;n speek in die wiele gesteek en die hof in kennis gestel van hul bekommernisse oor buitelandse kurators. “Die AG spreek nie die vraag aan oor hoe ’n kurator wat nie in Namibië gebaseer of in Namibië werksaam is, die ooglopende uitdagings sal kan hanteer wat hy in die gesig staar wanneer sy noodsaaklike infrastruktuur in ’n ander land is nie,” het Hatuikulipi in hofstukke aangevoer.Hy het verder beklemtoon dat &#039;n aanstelling van &#039;n buitelandse kurator die koste van administrasie van die gevriede bates sal verhoog en hierdie koste sal deur die beskuldigdes of die staat gedra moet word.KOSTEHatuikulipili het ook benadruk dat die fooie wat deur die staat aan hierdie kurators betaal sal word, nie Namibië sal bevoordeel nie, maar eerder Suid-Afrika.In sy uitspraak verduidelik Sibeya dat indien die fooie van die kurator nie uit die gevriesde bates betaal kan word nie, dit deur die staat betaal word. "Sodra die staat die fooie van die kurator betaal voordat die finale beslagleggingsbevel gemaak word, sal die staat daarop geregtig wees om die bedrag wat vir die fooie van die kurator betaal is, van die bates waarop beslag gelê is, terug te eis," lui die uitspraak.Ingevolge &#039;n hofbevel moet Imalwa die regskoste van die verweerders (Shanghala, Hatuikulipi en Mwatelulo) betaal wat die koste van hulle teen-aansoek insluit.– republikein@republikein.com.na

Nuwe kurators vir Fishrot-bates

Kommentaar

Republikein 2025-04-10

Meld asseblief aan om kommentaar te lewer

Nuwe kurators vir Fishrot-bates

Kommentaar

Republikein 2025-04-10

Meld asseblief aan om kommentaar te lewer

MELD AAN

Advertensie