Polisie moet wéér opdok
Aanranding, onwettige arrestasie
Die hoërhof in Windhoek het Donderdag uitspraak gelewer ten gunste van 'n man wat in 2020 deur wetstoepassers aangerand is.
’n Inwoner van Katutura sal ingevolge ’n hofbevel N$50 000 van die staat ontvang nadat lede van die Namibiese polisie en weermag hom gedurende die Covid-19-pandemie onwettig in hegtenis geneem en aangerand het.
Vitalis Nambondi meen hy en ses ander mense het in sy huis kaarte gespeel toe sowat 20 lede van die weermag en polisie sy huis omstreeks 23:00 in November 2020 bestorm het.
Die beamptes het as deel van Operasie Kalahari Desert saamgewerk om seker te maak dat mense die Covid-19-maatreëls gehoorsaam.
Die beamptes het Nambondi uitgevra oor ’n persoon wat hulle glo by sy huis sien inhardloop het. Sy bewegings was teen die aandklokreël wat destyds van krag was en niemand is toegelaat om in die strate rond te loop nie.
Nambondi het gesê hy het niemand gesien nie. Die beamptes was egter glo nie tevrede met sy antwoord nie en het die huis binnegegaan.
In die saak wat Nambondi in die hoërhof teen die ministerie van binnelandse sake, immigrasie, veiligheid en sekuriteit en die ministerie van verdediging en veteranesake aanhangig gemaak het, het hy aangevoer dat die beamptes daarna sy huis onwettig deursoek het.
“In hierdie stadium het hy [Nambondi] hulle gevra of hulle ’n lasbrief het. Hulle het gereageer deur hom gewelddadig te gryp en hom in die polisie-minibus te dwing,” lui die hofstukke.
Nambondi het aangevoer hy het tot omstreeks 01:00 saam met hulle in die minibus rondgery waarna hulle hom versoek het om uit die bus te klim.
Hy het glo geweier omdat hy kaalvoet was en sy huis te ver weg was vir hom om daarheen te loop. Hy beweer die beamptes het hom toe aangerand deur hom op sy ribbekas, bors, kop en linkeroor te slaan. Hulle het hom glo ongeveer 02:00 by die huis afgelaai.
In hul pleitstukke het die ministeries enige kennis van die voorval ontken en Nambondi se weergawe verwerp.
“Die verweerders gaan so ver as om te pleit dat hulle nêrens naby die area was waarin die eiser beweer hy aangerand is nie en dus geen kennis dra van sy eis nie,” het hulle aangevoer.
Hulle het bygevoeg dat Nambondi se bewering onwaarskynlik is en hy dit na bewering opgemaak het.
UITSPRAAK
Regter Hannelie Prinsloo het Donderdag uitspraak gelewer en die twee ministeries beveel om N$25 000 aan Nambondi te betaal vir onwettige arrestasie en aanhouding en ’n bykomende N$25 000 vir aanranding.
“Die hof het bevind dat om tot ’n gevolgtrekking te kom oor die betwiste kwessies, dit die geloofwaardigheid en betroubaarheid van die getuies en die waarskynlikhede moet oorweeg.
“Die eiser het daarin geslaag om op ’n oorwig van waarskynlikhede aan te toon dat hy op die betrokke aand sonder ’n lasbrief in hegtenis geneem is.
“Die verweerders se weergawe is ’n blote ontkenning ten spyte van al die inligting tot hul beskikking om die feite wat deur die eiser aangevoer is, te bevestig.
“Hulle het versuim om hierdie hof in hul vertroue te neem wat die bevindings betref. Daar was ’n onus op die verweerders om die klagte van die eiser te weerlê en aan te toon dat hierdie arrestasie en aanhouding wettig en geregverdig was. Hulle het versuim om dit te doen,” lui Prinsloo se uitspraak.
– [email protected]
Vitalis Nambondi meen hy en ses ander mense het in sy huis kaarte gespeel toe sowat 20 lede van die weermag en polisie sy huis omstreeks 23:00 in November 2020 bestorm het.
Die beamptes het as deel van Operasie Kalahari Desert saamgewerk om seker te maak dat mense die Covid-19-maatreëls gehoorsaam.
Die beamptes het Nambondi uitgevra oor ’n persoon wat hulle glo by sy huis sien inhardloop het. Sy bewegings was teen die aandklokreël wat destyds van krag was en niemand is toegelaat om in die strate rond te loop nie.
Nambondi het gesê hy het niemand gesien nie. Die beamptes was egter glo nie tevrede met sy antwoord nie en het die huis binnegegaan.
In die saak wat Nambondi in die hoërhof teen die ministerie van binnelandse sake, immigrasie, veiligheid en sekuriteit en die ministerie van verdediging en veteranesake aanhangig gemaak het, het hy aangevoer dat die beamptes daarna sy huis onwettig deursoek het.
“In hierdie stadium het hy [Nambondi] hulle gevra of hulle ’n lasbrief het. Hulle het gereageer deur hom gewelddadig te gryp en hom in die polisie-minibus te dwing,” lui die hofstukke.
Nambondi het aangevoer hy het tot omstreeks 01:00 saam met hulle in die minibus rondgery waarna hulle hom versoek het om uit die bus te klim.
Hy het glo geweier omdat hy kaalvoet was en sy huis te ver weg was vir hom om daarheen te loop. Hy beweer die beamptes het hom toe aangerand deur hom op sy ribbekas, bors, kop en linkeroor te slaan. Hulle het hom glo ongeveer 02:00 by die huis afgelaai.
In hul pleitstukke het die ministeries enige kennis van die voorval ontken en Nambondi se weergawe verwerp.
“Die verweerders gaan so ver as om te pleit dat hulle nêrens naby die area was waarin die eiser beweer hy aangerand is nie en dus geen kennis dra van sy eis nie,” het hulle aangevoer.
Hulle het bygevoeg dat Nambondi se bewering onwaarskynlik is en hy dit na bewering opgemaak het.
UITSPRAAK
Regter Hannelie Prinsloo het Donderdag uitspraak gelewer en die twee ministeries beveel om N$25 000 aan Nambondi te betaal vir onwettige arrestasie en aanhouding en ’n bykomende N$25 000 vir aanranding.
“Die hof het bevind dat om tot ’n gevolgtrekking te kom oor die betwiste kwessies, dit die geloofwaardigheid en betroubaarheid van die getuies en die waarskynlikhede moet oorweeg.
“Die eiser het daarin geslaag om op ’n oorwig van waarskynlikhede aan te toon dat hy op die betrokke aand sonder ’n lasbrief in hegtenis geneem is.
“Die verweerders se weergawe is ’n blote ontkenning ten spyte van al die inligting tot hul beskikking om die feite wat deur die eiser aangevoer is, te bevestig.
“Hulle het versuim om hierdie hof in hul vertroue te neem wat die bevindings betref. Daar was ’n onus op die verweerders om die klagte van die eiser te weerlê en aan te toon dat hierdie arrestasie en aanhouding wettig en geregverdig was. Hulle het versuim om dit te doen,” lui Prinsloo se uitspraak.
– [email protected]
Kommentaar
Republikein
Geen kommentaar is op hierdie artikel gelaat nie