ReconAfrica kan voortgaan met nuwe boorgate
Kavango-gemeenskap misluk in hof oor tegniese redes
Die regter het bevind die hof nie jurisdiksie om die saak te hoor nie en die verantwoordelikheid rus by die omgewingsminister.
Die organisasies van gemeenskapswoude en bewaringsgebiede in die Kavangostreke se dingende hofaansoek teen die omgewingskommissaris en Reconnaissance Energy Namibia (ReconAfrica) om die verdere boor van boorgate in dié streek stop te sit, is van die hand gewys.
“Alhoewel die saak weens 'n gebrek aan dringendheid van die hand gewys kon word, was dit egter gepas om die aansoek van die hand te wys op grond daarvan dat die hof nie jurisdiksie het om die aansoek te hanteer wanneer die minister kragtens die wet, bevoegdheid het om die kwessie te hanteer nie,” lui regter Thomas Masuku se uitspraak wat Vrydag in die hoërhof in Windhoek gelewer is.
Die Ncumcara-komitee vir die bestuur van gemeenskapswoude en drie ander partye het die hof genader vir ’n dringende tussentydse interdik teen ReconAfrica om die voortsetting van petroleumeksplorasie te verhoed omdat dit na bewering onherstelbare skade aan die omgewing tot gevolg sal hê.
Masuku het ook beveel dat die vier applikante die respondente se regskoste moet betaal.
AGTERGROND
Die applikante het die interdik versoek hangend die finalisering van ‘n appèlaansoek wat hulle by die minister ingedien het oor die omgewingskommissaris se besluit op 15 Junie 2022 om ReconAfrica se omgewingsklaringsertifikaat (ECC) te wysig.
ReconAfrica het tydens die hernuwings van sy ECC die omgewingskommissaris versoek om ook vier nuwe boorgate by die klaring in te sluit.
Die omgewingskommissaris het die nuwe gate bygevoeg sonder dat nog ’n omgewingsimpakstudie uitgevoer is.
Die organisasies het hierteen beswaar gemaak en het versoek dat ReconAfrica vir ’n nuwe ECC moet aansoek doen en dat ’n nuwe impakstudie gedoen moet word.
“Sulke voorgestelde boor- en gepaardgaande bedrywighede is onderhewig aan 'n volledige omgewingsimpakstudie waarin potensieel benadeelde belanghebbendes 'n geleentheid gegun word om impakte en nadelige gevolge te identifiseer, versagtingstrategieë te oorweeg en hul bekommernisse uit te spreek.
“In plaas hiervan is dit duidelik dat ReconAfrica doelbewus gepoog het om die vereiste prosesse te omseil deur 'n gerieflike en selfdienende kortpad te vat wat die die streng vereistes van die wet op omgewingsbestuur verydel,” het die voorsitter van, mnr. Paulus Kampanza, in sy verklaring gesê.
UITSPRAAK
Die omgewingskommissaris se regsverteenwoordiger, mnr. Sisa Namandje, het aangevoer dat die hof nie gemagtig is om die boorbedrywighede te staak nie, maar dat dié gemagtiging alleenlik by die minister berus.
Namandje het op die bepalings van artikel 50 van die Wet op Omgewingsbestuur gesteun wat stipuleer dat sodra 'n party gegrief is deur 'n besluit van die omgewingskommissaris, daardie party die besluit by die minister kan appelleer. Volgens die bepaling moet die die besluit van die omgewingskommissaris voortgaan terwyl die minister oor die hangende appèl besluit.
“Ek [Masuku] is van mening dat Namandje by uitstek korrek is in sy uiteensetting van die toepaslike reg. Artikel 50(6) verleen slegs die bevoegdheid aan die minister om 'n besluit te neem. Ingevolge die bepaling is dit duidelik dat die besluit van die omgewingskommissaris geïmplementeer moet word hangende die appèl by die minister,” lui die uitspraak.
Die saak is met koste van die hand gewys en van die rol geskrap.
[email protected]
“Alhoewel die saak weens 'n gebrek aan dringendheid van die hand gewys kon word, was dit egter gepas om die aansoek van die hand te wys op grond daarvan dat die hof nie jurisdiksie het om die aansoek te hanteer wanneer die minister kragtens die wet, bevoegdheid het om die kwessie te hanteer nie,” lui regter Thomas Masuku se uitspraak wat Vrydag in die hoërhof in Windhoek gelewer is.
Die Ncumcara-komitee vir die bestuur van gemeenskapswoude en drie ander partye het die hof genader vir ’n dringende tussentydse interdik teen ReconAfrica om die voortsetting van petroleumeksplorasie te verhoed omdat dit na bewering onherstelbare skade aan die omgewing tot gevolg sal hê.
Masuku het ook beveel dat die vier applikante die respondente se regskoste moet betaal.
AGTERGROND
Die applikante het die interdik versoek hangend die finalisering van ‘n appèlaansoek wat hulle by die minister ingedien het oor die omgewingskommissaris se besluit op 15 Junie 2022 om ReconAfrica se omgewingsklaringsertifikaat (ECC) te wysig.
ReconAfrica het tydens die hernuwings van sy ECC die omgewingskommissaris versoek om ook vier nuwe boorgate by die klaring in te sluit.
Die omgewingskommissaris het die nuwe gate bygevoeg sonder dat nog ’n omgewingsimpakstudie uitgevoer is.
Die organisasies het hierteen beswaar gemaak en het versoek dat ReconAfrica vir ’n nuwe ECC moet aansoek doen en dat ’n nuwe impakstudie gedoen moet word.
“Sulke voorgestelde boor- en gepaardgaande bedrywighede is onderhewig aan 'n volledige omgewingsimpakstudie waarin potensieel benadeelde belanghebbendes 'n geleentheid gegun word om impakte en nadelige gevolge te identifiseer, versagtingstrategieë te oorweeg en hul bekommernisse uit te spreek.
“In plaas hiervan is dit duidelik dat ReconAfrica doelbewus gepoog het om die vereiste prosesse te omseil deur 'n gerieflike en selfdienende kortpad te vat wat die die streng vereistes van die wet op omgewingsbestuur verydel,” het die voorsitter van, mnr. Paulus Kampanza, in sy verklaring gesê.
UITSPRAAK
Die omgewingskommissaris se regsverteenwoordiger, mnr. Sisa Namandje, het aangevoer dat die hof nie gemagtig is om die boorbedrywighede te staak nie, maar dat dié gemagtiging alleenlik by die minister berus.
Namandje het op die bepalings van artikel 50 van die Wet op Omgewingsbestuur gesteun wat stipuleer dat sodra 'n party gegrief is deur 'n besluit van die omgewingskommissaris, daardie party die besluit by die minister kan appelleer. Volgens die bepaling moet die die besluit van die omgewingskommissaris voortgaan terwyl die minister oor die hangende appèl besluit.
“Ek [Masuku] is van mening dat Namandje by uitstek korrek is in sy uiteensetting van die toepaslike reg. Artikel 50(6) verleen slegs die bevoegdheid aan die minister om 'n besluit te neem. Ingevolge die bepaling is dit duidelik dat die besluit van die omgewingskommissaris geïmplementeer moet word hangende die appèl by die minister,” lui die uitspraak.
Die saak is met koste van die hand gewys en van die rol geskrap.
[email protected]
Kommentaar
Republikein
Geen kommentaar is op hierdie artikel gelaat nie