Skêrmoord: Man pleit onskuldig
Sy meisie sterf weens bloedverlies
Rodney Afrikaner het gekies om homself te verteenwoordig en het nie 'n pleitverduideliking aan die hof voorsien nie.
Die verhoor van ’n man wat in 2019 na bewering sy meisie met ’n skêr doodgesteek het, het verlede week in die hoërhof in Windhoek begin en duur vandeesweek voort.
Die 44-jarige Windhoeker Rodney Afrikaner het onskuldig gepleit op die klag van moord, saamgelees met die bepalings van die wet op die bekamping van gesinsgeweld.
Afrikaner het glo sy meisie, Patricia Hochobes (39), verskeie kere met ’n skêr in haar bobeen en ander plekke op haar been gesteek. Sy is weens bloedverlies dood.
Een van die staatsgetuies het verlede week getuig dat Hochobes besig was om hul sewe maande oue babaseuntjie te borsvoed toe Afrikaner haar na bewering gesteek het.
Die voorval het in Februarie 2019 in die informele nedersetting Hakahana naby Windhoek plaasgevind.
Afrikaner het gekies om homself te verteenwoordig en het nie ’n pleitverduideliking aan die hof voorsien nie.
Hy is ná sy arrestasie borgtog geweier en is tans in aanhouding by die Windhoek Sentrale Gevangenis.
Afrikaner se verhoor het gister voortgeduur en sal na verwagting vandag hervat.
SOORTGELYKE VOORVAL
Die inligting in hierdie verhoor is soortgelyk aan ’n voorval wat onlangs in Windhoek plaasgevind het.
Helen Onesmus (43) se man het haar na bewering n Februarie met ’n skêr doodgesteek. Dié voorval het in die Rocky Crest-woonbuurt plaasgevind.
Robert McNab is kort ná die voorval in hegtenis geneem en het glo gepoog om sy eie lewe te neem voor hy gearresteer is.
“Daar word beweer dat die egpaar, wat besig was om te skei, in die woonstel baklei het en gevolglik het [McNab] die vrou met ’n skêr gesteek en sy het aan haar steekwonde beswyk,” het Elifas Kuwinga, die hoofinspekteur van die Namibiese polisie, destyds gesê.
– [email protected]
Die 44-jarige Windhoeker Rodney Afrikaner het onskuldig gepleit op die klag van moord, saamgelees met die bepalings van die wet op die bekamping van gesinsgeweld.
Afrikaner het glo sy meisie, Patricia Hochobes (39), verskeie kere met ’n skêr in haar bobeen en ander plekke op haar been gesteek. Sy is weens bloedverlies dood.
Een van die staatsgetuies het verlede week getuig dat Hochobes besig was om hul sewe maande oue babaseuntjie te borsvoed toe Afrikaner haar na bewering gesteek het.
Die voorval het in Februarie 2019 in die informele nedersetting Hakahana naby Windhoek plaasgevind.
Afrikaner het gekies om homself te verteenwoordig en het nie ’n pleitverduideliking aan die hof voorsien nie.
Hy is ná sy arrestasie borgtog geweier en is tans in aanhouding by die Windhoek Sentrale Gevangenis.
Afrikaner se verhoor het gister voortgeduur en sal na verwagting vandag hervat.
SOORTGELYKE VOORVAL
Die inligting in hierdie verhoor is soortgelyk aan ’n voorval wat onlangs in Windhoek plaasgevind het.
Helen Onesmus (43) se man het haar na bewering n Februarie met ’n skêr doodgesteek. Dié voorval het in die Rocky Crest-woonbuurt plaasgevind.
Robert McNab is kort ná die voorval in hegtenis geneem en het glo gepoog om sy eie lewe te neem voor hy gearresteer is.
“Daar word beweer dat die egpaar, wat besig was om te skei, in die woonstel baklei het en gevolglik het [McNab] die vrou met ’n skêr gesteek en sy het aan haar steekwonde beswyk,” het Elifas Kuwinga, die hoofinspekteur van die Namibiese polisie, destyds gesê.
– [email protected]
Kommentaar
Republikein
Geen kommentaar is op hierdie artikel gelaat nie