Tradeport ‘wil mededinging vermy’

“Ten spyte van die partye se hartlike en suksesvolle sakeverhouding oor die jare, blyk die applikant [Tradeport] nou vasbeslote te wees om mededinging by die hawe van Lüderitz op enige manier te vermy.”Dit het die uitvoerende hoof van hawebedrywighede vir die Namibiese Hawe-owerheid (Namport) Richard Mutonga Ibwima, gesê oor ’n dringende aansoek wat Tradeport Namibia Investments in die hof aanhangig gemaak het.Tradeport beweer dat Namport op 16 Januarie sowat 80 van Tradeport se vraghouers van ’n perseel by die Lüderitz-hawe sonder hulle toestemming verwyder het. In die aansoek wat Maandag in die hoërhof in Windhoek vir die eerste keer aangehoor is, soek Tradeport ’n bevel wat Namport verplig om die verwyderde vraghouers terug te sit.“Die respondente [Namport] se optrede op 16 Januarie wys die onbenullighede en opportunistiese houding van die respondente in hulle onderhandeling met Tradeport,” beweer die uitvoerende hoof en direkteur van Tradeport Tate Nande Ndaitwah.Regter Thomas Masuku het Maandag die saak tot 16 Februarie vir uitspraak uitgestel.DRINGENDE AANSOEKNdaitwah beweer Tradeport het in 2019 ’n mondelingese huurooreenkoms met Namport aangegaan vir ’n gedeelte van die hawe en dat Tradeport sedertdien die perseel beset waarvoor dit op ’n maandelikse basis sowat N$96 300 betaal.Volgens Ndaitwah se verklaring het Tradeport in November 2023 ’n brief van Namport ontvang wat hulle versoek om “te begin om hul vraghouers by die houerterminaal te verwyder vir die ontwikkeling van &#039;n nuwe pakhuis”.Ndaitwah voer aan dat Namport nooit hul beweerde ooreenkoms wettiglik beëindig het nie, maar Namport beweer dat daar nooit ‘n ooreenkoms bestaan het nie.“Die applikant [Tradeport] weet baie goed dat die perseel &#039;n deel van gemeenskaplike geriewe van ongeveer 8 000 vierkante meter is en deur verskeie entiteite soms beset word,” beweer Ibwima.Hy verduidelik verder dat die perseel gratis stoorplek vir vragte bied vir drie dae. Daarna word die gebruikers vir elke daaropvolgende dag &#039;n tarief gehef op grond van die grootte area wat die vrag beset.Volgens hom het Tradeport 2 700 vierkante meter in Desember 2023 beset en ongeveer 580 vraghouers daar gestoor, maar hy beweer verder dat Tradeport selfs met tye geen vrag op die perseel gehad het nie."Die applikant het nog altyd geweet dat hierdie reëling net tydelik was. Soos dit praktyk is in hawens met gemeenskaplike gebruikersgeriewe. Die applikant het geweet dat hy die perseel sou moes verlaat met redelike kennisgewing, welke kennisgewing in November 2023 ontvang is.”SAAMGEWERKIbwima voer egter aan dat Tradeport op 16 Januarie ingestem het en saamgewerk het om die vraghouers van die perseel te verwyder.“Die bestuurder van die Tradeport het agt werknemers beskikbaar gestel en twee trokke om te help met die verwydering.”Hy beweer dat die aansoek op grond hiervan van die hand gewys moet word omdat die applikante deur sy optrede sy instemming uitgespreek het.“Ek moet dit pertinent duidelik stel dat die applikant nie op enige tydstip tot die onteiening van die terrein ingestem het nie en die applikant nie met die respondent saamgewerk het op die wyse wat die respondent wil hê hierdie hof moet glo nie,” het Ndaitwah in sy beantwoordende verklaring gesê.SPOLIASIE“Hoewel die respondent beweer dat daar geen ooreenkoms was nie, kan hulle nie ontken dat die applikant vir ongeveer vier jaar in ongestoorde en vreedsame besit van die perseel was en op 16 Januarie het die respondent wederregtelik die perseel van hulle ontneem,” het Ndaitwah aangevoer ter ondersteuning van hulle bewering van spoliasie.Ndaitwah het verder ook daarop gewys dat Namport nie ’n uitsettingsbevel gehad het om hulle van die perseel te verwyder nie.Ibwima het daarop gewys dat indien die spoliasie suksesvol is, al die vraghouers teruggeskuif sal word van waar dit nou langs een van Tradeport se pakhuise staan, tot waar dit was vir tyd en wyl tot Namport daarin slaag om ’n uitsettingsbevel te bekom.– kristien@republikein.com.na

Tradeport ‘wil mededinging vermy’

Kommentaar

Republikein 2025-04-28

Meld asseblief aan om kommentaar te lewer

Tradeport ‘wil mededinging vermy’

Kommentaar

Republikein 2025-04-28

Meld asseblief aan om kommentaar te lewer

MELD AAN

Advertensie