Tronkhoof getuig in Fishrot-borgaansoek
Saak tot 11 Maart uitgestel
Die hoof van Windhoek Sentrale Gevangenis het gister die getuienisbank in die borgtogaansoek van ses van die Fishrot-beskuldigdes ingeneem.
Die Teenkorrupsiekommissie (ACC) se ondersoekbeampte, hoofinspekteur Andreas Kanyangela, se getuienis is na sowat twee weke uiteindelik afgehandel.
Die staat het gister hul volgende getuie, adj.komm. Veikko Armas, die hoof van Windhoek Sentrale Gevangenis waar die Fishrot-beskuldigdes tans in aanhouding is, geroep.
Die staatsaanklaer, adv. Cliff Lutibezi, het hom deur sy hoofgetuienis gelei en daarna het die regsverteenwoordiger van mnre. Sacky Shanghala, James Hatuikulipi en Pius Mwatulelo, Suid-Afrikaanse senior advokaat Vas Soni (SC), sy kruisondervraging afgehandel en die ander twee regsverteenwoordigers, mnre. Tabang Phatela en Milton Engelbrecht, het geen vrae vir Armas gehad nie.
Die borgtogaansoek is tot 11 Maart uitgestel.
SELFONE BY DRIE AFGEVAT
Volgens Armas is drie van die beskuldigdes met selfone in die tronk betrap.
Shanghala en Mwatulelo is glo elkeen een keer met ’n selfoon gevang, en Hatuikulipi op twee geleenthede.
Soni het uitgewys al drie die beskuldigdes word elke dag vir lang ure alleen in selle aangehou.
“Is dit dan regtig so ’n vreeslike ding dat hulle met selfone gevang is?”
“Ja, want dit is teen die reëls,” het Armas geantwoord.
KOSREKENING BELOOP N$15 000 Armas het getuig die korrektiewe dienste maak van ’n dieetkundige gebruik om etes te beplan en daar kan selfs vergunning gemaak word vir mense wat spesiale diëte moet volg.
Volgens hom kry die gevangenes ook een keer per week geleentheid om kos by die winkel in die tronk aan te koop.
Volgens Soni spandeer sy kliënte sowat N$15 000 per maand op kos was hulle koop terwyl hulle in aanhouding is en hy beweer die etes wat hulle in die tronk ontvang, is nie genoeg nie.
SHANGHALA SE KLAGTES
Shanghala het glo verskeie kere by Armas gekla oor die geriewe en ’n brief wat hy aan Armas geskryf het, is gister in die hof voorgelees.
In die brief gedateer 21 September 2021, het Shanghala onder meer gekla oor die lokaal waarin hulle met hul regsverteenwoordigers moet konsulteer, die stryd om die nodige leesmateriaal wat verband hou met sy saak te verkry en om met sy verteenwoordigers te konsulteer.
Hy beweer dit weerhou hom om optimaal vir sy verhoor voor te berei.
– [email protected]
Die staat het gister hul volgende getuie, adj.komm. Veikko Armas, die hoof van Windhoek Sentrale Gevangenis waar die Fishrot-beskuldigdes tans in aanhouding is, geroep.
Die staatsaanklaer, adv. Cliff Lutibezi, het hom deur sy hoofgetuienis gelei en daarna het die regsverteenwoordiger van mnre. Sacky Shanghala, James Hatuikulipi en Pius Mwatulelo, Suid-Afrikaanse senior advokaat Vas Soni (SC), sy kruisondervraging afgehandel en die ander twee regsverteenwoordigers, mnre. Tabang Phatela en Milton Engelbrecht, het geen vrae vir Armas gehad nie.
Die borgtogaansoek is tot 11 Maart uitgestel.
SELFONE BY DRIE AFGEVAT
Volgens Armas is drie van die beskuldigdes met selfone in die tronk betrap.
Shanghala en Mwatulelo is glo elkeen een keer met ’n selfoon gevang, en Hatuikulipi op twee geleenthede.
Soni het uitgewys al drie die beskuldigdes word elke dag vir lang ure alleen in selle aangehou.
“Is dit dan regtig so ’n vreeslike ding dat hulle met selfone gevang is?”
“Ja, want dit is teen die reëls,” het Armas geantwoord.
KOSREKENING BELOOP N$15 000 Armas het getuig die korrektiewe dienste maak van ’n dieetkundige gebruik om etes te beplan en daar kan selfs vergunning gemaak word vir mense wat spesiale diëte moet volg.
Volgens hom kry die gevangenes ook een keer per week geleentheid om kos by die winkel in die tronk aan te koop.
Volgens Soni spandeer sy kliënte sowat N$15 000 per maand op kos was hulle koop terwyl hulle in aanhouding is en hy beweer die etes wat hulle in die tronk ontvang, is nie genoeg nie.
SHANGHALA SE KLAGTES
Shanghala het glo verskeie kere by Armas gekla oor die geriewe en ’n brief wat hy aan Armas geskryf het, is gister in die hof voorgelees.
In die brief gedateer 21 September 2021, het Shanghala onder meer gekla oor die lokaal waarin hulle met hul regsverteenwoordigers moet konsulteer, die stryd om die nodige leesmateriaal wat verband hou met sy saak te verkry en om met sy verteenwoordigers te konsulteer.
Hy beweer dit weerhou hom om optimaal vir sy verhoor voor te berei.
– [email protected]
Kommentaar
Republikein
Geen kommentaar is op hierdie artikel gelaat nie