Twee kry borgtog in Avisdam-moordsaak
Kan aan moord verbind word, sê staat
Twee moordbeskuldigdes se formele aansoek om borgtog in die landdroshof in Windhoek, is verlede week toegestaan.
Twee van die drie mans wat van die moord op mnr. Daniele Ferrari beskuldig word, is Vrydag in die Windhoekse landdroshof borgtog van N$2 000 toegestaan.
Ferrari is in 2020 by die Avisdam in Windhoek beroof en vermoor.
Ten spyte daarvan dat die staat tydens die aansoek om borgtog bewyse gelewer het dat mnre. Kefas Iileka en Johannes Shetunyenga ten tyde van die aanval by die dam was en Ferrari se persoonlike besittings in hul besit gevind is, het landdros Jozanne Klazen bevind hulle is goeie kandidate om borgtog te kry.
“’n Beskuldigde kan nie in aanhouding gehou word as ’n vooruitlopende straf nie. Hulle word as onskuldig beskou totdat hulle skuldig bevind word. Die beskuldigdes is eerste oortreders en word as onskuldig beskou; en op grond daarvan het die hof bevind hulle hou nie ’n gevaar vir die publiek in nie,” het Klazen gesê.
Die landdros het ook uitgewys dat die twee mans al langer as ’n jaar in aanhouding is. Die derde beskuldigde in die saak, mnr. Muvua Antonio Vanuzo Cheme, is reeds vry op borgtog.
Ferrari se moord op 14 Julie 2020 het skokgolwe deur die gemeenskap gestuur en die dam se veiligheid in twyfel getrek.
Hy is eers by die damwal aangeval waarna twee drawwers hom te hulp gesnel het, maar ook aangerand is.
Ferrari het daarna na sy voertuig probeer vlug, maar is agternagesit.
’n Familielid het sy liggaam later die aand met pangawonde aan sy kop en verskeie meswonde aan sy liggaam in sy motor by die dam se parkeerterrein ontdek.
STAAT SE GRONDE
Die staat het die beskuldigdes se formele aansoek om borgtog teengestaan.
Hulle het beweer die erns van die oortreding, die feit dat die staat ’n sterk saak teen die beskuldigdes het en indien hulle skuldig bevind word ’n swaar vonnis opgelê kan word, kan bedrae tot die waarskynlikheid dat hulle sal vlug.
Die staat het verder aangevoer dat die mans by die ondersoek en staatgetuies kan inmeng en dit nie in die openbare belang of regspleging sal wees indien hulle op borgtog vrygelaat word nie.
“Die staat se vrees dat die beskuldigdes sal vlug of met die ondersoeke of staatsgetuies sal inmeng, kan deur toepaslike borgtogvoorwaardes teengewerk word,” het die Klazen gesê.
Volgens die borgtogvoorwaardes moet die mans daagliks by die Windhoek-polisiekantoor aanmeld en hulle mag nie Windhoek sonder die toestemming van die ondersoekbeampte verlaat nie. Hulle is verder verbied om met staatsgetuies te kommunikeer of by die polisieondersoek in te meng.
MET MOORD VERBIND
Die staatsaanklaer, mnr. Rowan van Wyk, het tydens die borgtogaansoek aangevoer die twee mans kan met Ferrari se moord verbind word, asook met ’n voorval van roof met verswarende omstandighede ’n paar dae voor sy moord ook by die dam.
Nadat die mans as verdagtes geïdentifiseer is, het die polisie ’n lasbrief bekom om hul selfoonrekords by Mobile Telecommunications Limited (MTC) te verkry.
Die rekords het getoon dat hulle op 10 Julie, die dag van die eerste rooftog by die dam, en 14 Julie rondom die tyd van die aanvalle by die Avisdam was.
Die polisie het Iileka se kamer deursoek en die oorledene se gordel en beursie gevind. Ferrari se vrou het bevestig dat dit wel haar man s’n is. Sy het dit glo vir hom vir sy verjaardag gegee.
Hoofinspekteur Simeon Nghiluluwa van die Namibiese polisie se eenheid vir ernstige misdaad, het getuig beide beskuldigdes het bekentenisse voor ’n landdros afgelê waarin hulle skuld erken het.
Volgens Van Wyk beweer al twee mans dat polisiebeamptes hulle gedwing het om die bekentenisse te maak.
– [email protected]
Ferrari is in 2020 by die Avisdam in Windhoek beroof en vermoor.
Ten spyte daarvan dat die staat tydens die aansoek om borgtog bewyse gelewer het dat mnre. Kefas Iileka en Johannes Shetunyenga ten tyde van die aanval by die dam was en Ferrari se persoonlike besittings in hul besit gevind is, het landdros Jozanne Klazen bevind hulle is goeie kandidate om borgtog te kry.
“’n Beskuldigde kan nie in aanhouding gehou word as ’n vooruitlopende straf nie. Hulle word as onskuldig beskou totdat hulle skuldig bevind word. Die beskuldigdes is eerste oortreders en word as onskuldig beskou; en op grond daarvan het die hof bevind hulle hou nie ’n gevaar vir die publiek in nie,” het Klazen gesê.
Die landdros het ook uitgewys dat die twee mans al langer as ’n jaar in aanhouding is. Die derde beskuldigde in die saak, mnr. Muvua Antonio Vanuzo Cheme, is reeds vry op borgtog.
Ferrari se moord op 14 Julie 2020 het skokgolwe deur die gemeenskap gestuur en die dam se veiligheid in twyfel getrek.
Hy is eers by die damwal aangeval waarna twee drawwers hom te hulp gesnel het, maar ook aangerand is.
Ferrari het daarna na sy voertuig probeer vlug, maar is agternagesit.
’n Familielid het sy liggaam later die aand met pangawonde aan sy kop en verskeie meswonde aan sy liggaam in sy motor by die dam se parkeerterrein ontdek.
STAAT SE GRONDE
Die staat het die beskuldigdes se formele aansoek om borgtog teengestaan.
Hulle het beweer die erns van die oortreding, die feit dat die staat ’n sterk saak teen die beskuldigdes het en indien hulle skuldig bevind word ’n swaar vonnis opgelê kan word, kan bedrae tot die waarskynlikheid dat hulle sal vlug.
Die staat het verder aangevoer dat die mans by die ondersoek en staatgetuies kan inmeng en dit nie in die openbare belang of regspleging sal wees indien hulle op borgtog vrygelaat word nie.
“Die staat se vrees dat die beskuldigdes sal vlug of met die ondersoeke of staatsgetuies sal inmeng, kan deur toepaslike borgtogvoorwaardes teengewerk word,” het die Klazen gesê.
Volgens die borgtogvoorwaardes moet die mans daagliks by die Windhoek-polisiekantoor aanmeld en hulle mag nie Windhoek sonder die toestemming van die ondersoekbeampte verlaat nie. Hulle is verder verbied om met staatsgetuies te kommunikeer of by die polisieondersoek in te meng.
MET MOORD VERBIND
Die staatsaanklaer, mnr. Rowan van Wyk, het tydens die borgtogaansoek aangevoer die twee mans kan met Ferrari se moord verbind word, asook met ’n voorval van roof met verswarende omstandighede ’n paar dae voor sy moord ook by die dam.
Nadat die mans as verdagtes geïdentifiseer is, het die polisie ’n lasbrief bekom om hul selfoonrekords by Mobile Telecommunications Limited (MTC) te verkry.
Die rekords het getoon dat hulle op 10 Julie, die dag van die eerste rooftog by die dam, en 14 Julie rondom die tyd van die aanvalle by die Avisdam was.
Die polisie het Iileka se kamer deursoek en die oorledene se gordel en beursie gevind. Ferrari se vrou het bevestig dat dit wel haar man s’n is. Sy het dit glo vir hom vir sy verjaardag gegee.
Hoofinspekteur Simeon Nghiluluwa van die Namibiese polisie se eenheid vir ernstige misdaad, het getuig beide beskuldigdes het bekentenisse voor ’n landdros afgelê waarin hulle skuld erken het.
Volgens Van Wyk beweer al twee mans dat polisiebeamptes hulle gedwing het om die bekentenisse te maak.
– [email protected]
Kommentaar
Republikein
Geen kommentaar is op hierdie artikel gelaat nie