Uitdaging van mynlisensie misluk

’n Hofgeskil oor ’n lisensie vir soutmynbedrywighede in Swakopmund het Vrydag in die hoërhof in Windhoek tot ’n einde gekom.Die hofsaak kom nadat Cape Cross Salt aangevoer het dat die ministerie van myne en energie die lisensie toegeken het op ’n wyse wat strydig met die wet is.Hulle voer verder aan dat Cape Cross Namib Investments, wat die lisensie verkry het, nie aan die vereistes voldoen het nie en dat geen soutmynbedrywighede op die perseel plaasgevind het sedert die lisensie sowat 10 jaar gelede uitgereik is nie.Cape Cross Salt het in sy hofstukke aangevoer dat die ministerie deurlopend partydig opgetree het ten gunste van Cape Cross Namib Investments.Cape Cross Salt het op grond hiervan die hof versoek om die lisensie wat aan Cape Cross Namib Investments toegeken is terug te trek en om die ministerie te beveel om ’n lisensie aan hom vir daardie perseel uit te reik.UITSPRAAKRegter Nate Ndauendapo het Vrydag uitspraak gelewer en het in sy uitspraak geen bevindinge gemaak oor die toekenning van die mynlisensie nie, maar het die saak uitgegooi op grond daarvan dat daar te veel tyd verloop het voor die saak aanhangig gemaak is.“Die vertraging van oor die tien jaar om hierdie hersieningsaansoek te bring, is onredelik. “Die hof kan nie die lang vertraging goedpraat nie, want geen aansoek om kondonasie is gebring nie. Daar is ook geen verduideliking daarvoor nie.“Die aansoek is dus met koste van die hand gewys,” lui die uitspraak, wat ook daarop dui dat die meriete van die aansoek nie oorweeg is nie.ACC-ONDERSOEKDie direkteur van Cape Cross Salt, Joel Shafashike, het in sy verklaring wat by die hof ingedien is, verduidelik dat hy ’n saak by die Teenkorrupsiekommissie van Namibië (ACC) geopen het teen die toekenning van die lisensie aan Cape Cross Namib Investments. Die ACC se ondersoek is in Augustus 2020 afgehandel en geen oortredings is ontdek nie.“[Cape Cross Namib Investment] het die lisensie al meer as 10 jaar en het absoluut niks gedoen om aan die vereistes verbonde aan die lisensie te voldoen nie. Die maatskappy het nog nie ’n enkele lisensiefooi betaal nie,” het Shafashike aangevoer.Hy het bygevoeg dat Cape Cross Namib Investment geen finansiële verlies sal ly as die lisensie teruggetrek word nie.Cape Cross Namib Investment het in reaksie op die bewerings daarop gewys dat hy reeds die lisensie tussen 2007 en 2009 bekom het en dat Cape Cross Salt reeds sedertdien daarvan bewus is.Dié maatskappy se regsverteenwoordiger het die argument gebring dat die betrokke aansoek nie binne ’n redelike tydperk gebring is nie en was suksesvol in sy verdediging van die aansoek.– kristien@nmh-hub.com.na

Uitdaging van mynlisensie misluk

Kommentaar

Republikein 2025-04-04

Meld asseblief aan om kommentaar te lewer

Uitdaging van mynlisensie misluk

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie