UPM-binnegevegte draai in hof
Saak op 23 Maart aanhangig gemaak
Die verkose sekretaris-generaal van die UPM beweer die party se president en sy leierskap tree teen die party se grondwet op.
Die verkose sekretaris-generaal van die United People’s Movement (UPM) en parlementslid, Elizabeth Celeste Becker, sleep dié party se president, Jan van Wyk, die sekretaris vir inligting en reklame, Francis Huish, die UPM se bestuurskomitee en die waarnemende voorsitter, Frans Bertolini, hof toe.
Becker verteenwoordig haarself in die saak wat op 23 Maart in die hoërhof in Windhoek aanhangig gemaak is.
Die balju het Maandag aan die hof bevestig dat die betrokke partye reeds gedagvaar is. Hulle sal nou kennis moet gee of hulle die klagte gaan teenstaan.
Geen regter is nog aan die saak toegeken nie.
Volgens Becker tree Van Wyk en ander UPM-leierskap teen die party se grondwet op, en is hul optrede onwettig. Sy eis dat resolusies – wat op 28 Februarie aanvaar is – teruggetrek word, en vra dat die hof vir Van Wyk, Huish, Bertolini en die bestuurskomitee moet verbied om die party se geld te gebruik om die saak teen te staan.
Verder eis sy dat hulle nie in enige partyposisie verkies mag word nie, en dat hulle die party se gedragskode oortree. Sy dring ook aan op die terugbetaling van enige UPM-geld wat sedert 28 Februarie deur die partyleiers versprei of onwettig bestee is.
Becker eis ook dat hulle die koste van die hofsaak moet dra as hulle dit sou teenstaan.
– [email protected]
Becker verteenwoordig haarself in die saak wat op 23 Maart in die hoërhof in Windhoek aanhangig gemaak is.
Die balju het Maandag aan die hof bevestig dat die betrokke partye reeds gedagvaar is. Hulle sal nou kennis moet gee of hulle die klagte gaan teenstaan.
Geen regter is nog aan die saak toegeken nie.
Volgens Becker tree Van Wyk en ander UPM-leierskap teen die party se grondwet op, en is hul optrede onwettig. Sy eis dat resolusies – wat op 28 Februarie aanvaar is – teruggetrek word, en vra dat die hof vir Van Wyk, Huish, Bertolini en die bestuurskomitee moet verbied om die party se geld te gebruik om die saak teen te staan.
Verder eis sy dat hulle nie in enige partyposisie verkies mag word nie, en dat hulle die party se gedragskode oortree. Sy dring ook aan op die terugbetaling van enige UPM-geld wat sedert 28 Februarie deur die partyleiers versprei of onwettig bestee is.
Becker eis ook dat hulle die koste van die hofsaak moet dra as hulle dit sou teenstaan.
– [email protected]
Kommentaar
Republikein
Geen kommentaar is op hierdie artikel gelaat nie